ናአይ ኪታንቹንፓ ካታራ
1ዛጋ ጾዚ፥ ኑ አዱንስ ናቡን ባጋራ ዱማ ዱማ ኦገራ ጋማ ዎደ ኦህዳ።2የዝን Ꮉና ዉርሱ ዎድተ ኡባኖ ኤዛ ላትዝደ ማህ አላምቶ ኤ ባጋራ መደ ፋ ናአይ ባጋራ ኑስ ኦህዳ።3ናአይ ጾዘ ቦንቾ ፎእዘን ኩሙ ጾዘ ጾዘትቶ ኤኪ፥ ፋ ዎልቃ ቃላራ Ꮉና አላምቶ ካቲ አይክዳ። አሱንና ኡን ናጋራፓ ጌሽዳንፓ ሱባ ኡባፓ ካታራ ጾዘ ምዛቅ ዛላራ ሳሎ በትዳ።4ኤስ እንግንትደ ሱንታ ኪታንቹን ሱንፓ ካታራ ማቅዳን ፋና ኤ ኡንታፓ ካታራ።5ይኬ፥ ጾዚ ኪታንቹንፓ ኦደጎ፥«ኔኒ ታ ናአ፤ታ Ꮉይኖ ኔስ አደ ማቅዳ» ጋይዶ?ዎይ ማህ ኦደጎ፥«ታኒ ኤስ አደ ማቃዳ፤ኤዝን ታስ ናአ ማቃዳ» ጋይዶ?6ማህ ጾዚ ፋ አንግስ ናአያ Ꮉና አላምተ ኪትተራ፥«ጾዘ ኪታንቹን ኡባ ኤስ ጎይኖ»ያጋይዳ።7ጾዚ ኪታንቹን ባዝ ኦህተራ፥«ጾዚ ፋ ኪታንቹንና አያና፥ፋ አሩንና ታማ ሎጸ ማህነ»ያጋይዳ።8የዝን ፋ ናአይ ባዝ ኦህተራ፥«ጾዛዮ፥ ነ ካእቱምታ መናስ የነ።ነ ካእቱምቶ ነ ጽሎትራ አሆ።9ኔኒ ጽሎት ካዳ፤ ኢታ እጽዳ።ጾዚ፥ ነ ላ፥ ነና ነ ላጉንፓ አ ዶርዳ፥ኡፋይስ ዛይተ ነና ትዥዳ»ያጋይዳ።10ጾዚ ማህ፥«ላዮ፥ ቲኖ ኔኒ ሳአ መዳ፤ሳሉን ነ ኩሸ ኦቻ።11የንስ ኡባ ቦዳ፤የዝን ነ የሳዳ።ኡን ኡባ አፉላ ፋና Ꮉልኦዳ።12ነ ማጋራጃ ፋና ጻጾዳ፤ማህ ኡን አፉላ ፋና ጭንጎዳ።የዝን ኔኒ ኡባ ዎደ ነና፤ነ በርታን Ꮉልኦስ»ያጋይዳ።13የዝን ጾዚ ኪታንቹንፓ ኦደጎ፥«ታኒ ነ ሞርኩንና ነ ቶህታየዘ በሲ ማሆደ ዎንስ፥Ꮉነ ታፓ ምዛቅ ዛላራ በቶ» ጋይዶ?14ኪታንቹን ኡባ አቶት ደንጎደስ የዘ አሱንና ማዶደስ ጾዚ ኪትደ አያኑንና ባነ?