1Ɗǝɗǝmǝu, Hyal ndǝrna ndǝr anǝ ǝjir mǝnˈyar lagu pampamǝu ǝnga tsu ar pǝci pampamǝu lagu nabiˈyar.2Ama ar kuɗiyar pǝci kau, ja vǝr ndǝr anǝ mǝn lagu Zǝr nyi. Lagu Zǝr nyi ngǝ Hyal mǝliya kalar sǝ wu duniya. Naja tsu nga ji caɗǝbiya aga ja ɗa ndǝr faˈa ki nyi.3Naja ngǝ mbǝmbǝl nǝ cabiya kadakadarkur nǝ Hyal ǝnga tsu naja ngǝ pabiya nggyabiya Hyal. Ja vǝr sǝɓǝ kalar sǝ lagu ndǝr nyi kǝra ǝnga dǝnama. Ayukuɗa ji cina mǝn bikǝr mǝn, ba ji nggya gya ar tsi mazǝma Ndǝra Dlǝdlǝvǝ gagaɗǝ a dǝmǝlmau.
Ənggǝra Yesu Ndiya Waladiˈyar
4Lagu kǝ tsu nga ji uya vir nggya kǝra a ndiya nǝ waladiˈyar ǝnggǝr kǝra ji uya thlǝmǝ kǝra ndiya nǝr nda ǝnga dǝgalǝu.5Arya tsu, wa ngu pama waladiˈyar kǝra Hyal saya na anǝ nyi, abǝr,“Nagǝ Zǝr Ɗa ngau,Əshina, a ɗar yi Dǝnga”?Ənga tsu, Hyal na,“Yi wu nggya tada anǝ nyi,ǝnga ju nggya zǝr anǝ ɗa”?6Ama ta ji sǝwa mǝkaji nyi a shida wu duniya, ba ji na,“Patǝr waladiˈyar nǝ Hyal nda dlǝvǝ nyi.”7Ənga ar kǝra waladi nyiˈyar tsu, ba ji na,“Ju sǝn shabiya waladi nyiˈyar majigwal kǝra wu sau,ǝnga njir mǝl thlǝr nyi tsu kyara uˈu.”8Ama ar kǝra Zǝra nyi, kǝ ji na,“Tsǝkafǝ ngau, Hyal,wu nggya baˈanuwa,zǝwa tǝlkur ngau ca ngǝ nggya nǝ tsapǝu.9Gu yiwu tsapǝkur, ǝnga gǝ piyari ɗǝmwaˈyikur.Arya kǝ Hyal, ca ngǝ Hyal ngau, hana ngau adabanga ghakǝr ngǝˈyarlagur ɗǝwa ngǝ mal nǝ ɗǝfu pǝrtǝu.”10Kǝ ji bǝra na,“Wu dzǝguya, Thlagǝu,gǝ fiya hya duniya,ba gǝ mǝliya dǝmǝlmǝˈyar ǝnga pǝla gau.11Sǝra gǝ mǝliya, ndu nda sanakǝr,ama gu nggya baˈanuwa.Ndu nda halnakǝr ǝnggǝr lǝgutǝ hahal.12Gu nda pǝɗiya nda ǝnggǝr kadǝmbul,ǝnga tsu gu nda bǝla nda ǝnggǝr nju bǝla kari.Ama aˈyi gǝ nǝ ngǝ cumu gǝra bǝla;gangǝkura fa ngau, wu sǝn kuɗǝ mai.”13Ənga anǝ waladi mani ngǝ Hyal saya na anǝ nyi,“Nggya lagu tsi mazǝma yaukǝl yi fiya dawa ngǝˈyara gyi gya kiɗa hiya ga”?14Agabangau, waladiˈyar ngǝ njir mǝl thlǝr nga nda wacu, kǝra Hyal sǝwa aga dlǝwari njira wu nda faˈa ki nǝ mbǝɗau.