1Rojertan ri Dios uqꞌuiyal laj xukꞌalajisaj Rutzij chique ri katiꞌ-kamam cuma ri kꞌalajisanelab, yey ri kꞌalajisanelab uqꞌuiyal uwach ri kꞌalajisanic xquiꞌan chiquiwach ri tinamit.2Chupa cꞌu wa qꞌuisbal kꞌij oj cꞌo wi, ri Dios xukꞌalajisaj rib ruma Rucꞌajol. Yey ruma Rucꞌajol xuꞌan ronoje tak ri cꞌolic, pukꞌab Rucꞌajol uyaꞌom wi ronoje3y che Rucꞌajol quilitaj wi runimal uwach ukꞌij ri Dios. Jecꞌuriꞌlaꞌ, rucꞌuꞌx ri Dios e junam rucꞌ rucꞌuꞌx Rucꞌajol, ri Jun chapayom re ronoje tak ri cꞌolic rucꞌ ruchukꞌab Ruchꞌaꞌtem. Ecꞌuchiriꞌ uchꞌajom chi ri kamac, xeꞌtzꞌula puwiquikꞌab ri Dios chilaꞌ chicaj.
Rucꞌajol ri Dios más cꞌo uwach chiquiwa ri ángeles
4Rucꞌajol ri Dios más cꞌo uwach chiquiwa ri ángeles, ma che Rire xyaꞌiꞌ wi jun biꞌaj más cꞌo uwach chwa ri biꞌaj que ri ángeles.5Yey ri Dios na xubiꞌij ta cꞌana waꞌ che juna ángel:Riꞌat at Nucꞌajol yey Riꞌin in Akaw;wakꞌij cꞌu riꞌ cankꞌalajisaj waꞌ. Sal. 2:7Yey na jewaꞌ tane xubiꞌij puwi juna ángel:Riꞌin quinuꞌan in Ukaw Rireyey Rire cuꞌan Nucꞌajol Riꞌin. 2 S. 7:14; 1 Cr. 17:136Yey ri Dios echiriꞌ xutak lo Rucꞌajol che ruwachulew, jewaꞌ xubiꞌij: «Conoje ri ángeles re ri Dios quilokꞌnimaj ukꞌij Rire» xchaꞌ.7Pakatzij wi ri Dios jewaꞌ cubiꞌij paquiwi ri ángeles:Rire cuꞌan chique ru ángeles e aj chaquib re Rire,e pachaꞌ tew cawelelic y pachaꞌ urepebal akꞌ Sal. 104:4cachaꞌ.8Noꞌj cꞌu chwi Rucꞌajol jewaꞌ cubiꞌij:Rilal, Lal Dios yey ri takanic la na jinta utakexicy ri kꞌatbal tzij e la, lic jusucꞌ.9E lic cucꞌul cꞌuꞌx la ri lic jusucꞌ yey lic tzel quil la ri mac.E uwariꞌche ri Dios, ri Dios e la, xuchaꞌ lo lay xuya unimal quiꞌcotemal cheꞌla;ecꞌu más nim ri quiꞌcotemal xyaꞌ cheꞌlachwa ri quiꞌcotemal xyaꞌ chique ri jujun chic Sal. 45:6-7cachaꞌ.10Yey je tanchi waꞌ cubiꞌij:Rilal, Lal Kajawal,che ri jekebal lok Lal xyijban re ruwachulew;y Lal ꞌanayom re ruwa caj rucꞌ ri kꞌab la.11Ronoje waꞌ, xa caqꞌuisic,noꞌj Rilal na jinta uqꞌuisic ri cꞌaslemal la.Ri caj y ruwachulew xa cajaric jelaꞌ pachaꞌ cuꞌan ri kakꞌuꞌ.12Yey Rilal cajalcꞌatij la ri caj y ruwachulew,jelaꞌ pachaꞌ cuꞌan junok echiriꞌ cujal rukꞌuꞌ:caresaj rukꞌuꞌ kꞌeꞌl, cubusu y cucoj ri cꞌasak.Noꞌj Rilal na cajalcꞌatitaj ta wach lay na jinta utakexic ri kꞌij la Sal. 102:25-27cachaꞌ.13Ecꞌu ri Dios na xubiꞌij ta cꞌana waꞌ che juna ángel:Chat-tzꞌula pa nuwiquikꞌab,y chawoyeꞌej na ri kꞌijechiriꞌ quebenuya ri tzel quebilow awechuxeꞌ rawakan. Sal. 110:114¿Saꞌ cꞌu riꞌ ri quiwach tak ri ángeles? E aj chaquib caquilokꞌnimaj ri Dios yey etakom lo che quitoꞌic ri quecꞌuluw ri colobetajic re ri Dios.