عَننَبِ هَفٍ2sus_apb

عَلَ شَ هْرْ مْبَنشِ نّينّ شَ نْرّ

1عَ كِكٍ سٌلٌقٍرٍ ندٍ، شِ مْشْحّن نُن كٍرٍن ندٍ رَ، عَلَتَلَ نَشَ يِ مَسٍنيِ تِ عَننَبِ هَفٍ سَابُي رَ،2«عَ قَلَ سَلَتِيٍلِ شَ دِ سٌرٌبَبٍلِ بّ، يُدَيَ فٌمِنَ، نُن سّرّشّدُبّ كُنتِفِ يٌسَدَكِ شَ دِ يٌسُوٍ، نُن حَمَ دْنشْي بّ،3‹ندٍ نَ وٌ يَ مَنَشَن بَرَ يِ بَنشِ تٌ نُ عَ قٌرِ مَ كِ عَ شَ نْرّ كُي؟يَكْسِ تَن فٌ، وٌ عَ تٌمَ دِ؟تِدٍ يٌ مُ نَ عَ مَ وٌ بّ سْنْن، كَ؟›»4عَلَتَلَ شَ مَسٍنيِ نَن يَ،«سٌرٌبَبٍلِ، عِ عِ سّنبّ سٌ.سّرّشّدُبّ كُنتِفِ يٌسُوٍ يٌسَدَكِ شَ دِ،عِ عِ سّنبّ سٌ.حَمَ بِرِن، وٌ وٌ سّنبّ سٌ.»عَلَتَلَ شَ مَسٍنيِ نَن يَ،«وٌ وَلِ سُشُ،وٌن بِرِن نَ عَ رَ.»مَنفّ عَلَتَلَ شَ مَسٍنيِ نَن نَ كِ.5«ﭑ تٌ وٌ رَ مِنِ مِسِرَ بْشِ مَ،ﭑ نُ بَرَ يِ سَاتّ تٌنفٌ وٌ بّ.ﭑ شَشِلِ نَ وٌ تَفِ،وٌ نَشَ فَاشُ قٍقٍ مَ.»
6مَنفّ عَلَتَلَ شَ مَسٍنيِ نَن يَ،«عَ فبٍ مُ لُشِ ﭑ شَ كٌورٍ نُن بْشِ رَ سّرّن،ﭑ شَ بَا نُن شَرٍ رَ مَشَ.7ﭑ سِ بِرِن نَسّرّنمَ نّ،عٍ قَمَ نّ هَرِفٍ فبٍفبٍ رَ ﭑ بّ نَشٍيٍ قَن عَ بِرِن بّ.يِ بَنشِ كُي رَقٍمَ نّ نْرّ رَ.»مَنفّ عَلَتَلَ شَ مَسٍنيِ نَن نَ كِ.8«ﭑ تَن نَن فبٍ نَ فبٍتِ رَ،ﭑ تَن نَن فبٍ نَ شّيمَ رَ.»عَلَتَلَ شَ مَسٍنيِ نَن نَ كِ.9«نْرّ نَشَن قَمَ لُدٍ ﭑ مَ بَنشِ مَ،نَ دَنفِمَ نّ عَ سِنفٍ رَ.»مَنفّ عَلَتَلَ شَ مَسٍنيِ نَن نَ كِ.«ﭑ يِ بَنشِ قِندِ مَ بْحّسَ يِرٍ نَن نَ مِشِيٍ بّ.»مَنفّ عَلَتَلَ شَ مَسٍنيِ نَن نَ كِ.10دَرِيُسِ شَ مَنفّيَ حّ قِرِن ندٍ، كِكٍ سٌلٌمَنَانِ، شِ مْشْحّن نُن نَانِ ندٍ رَ، عَلَتَلَ نَشَ يِ مَسٍنيِ تِ عَننَبِ هَفٍ بّ،11«عَلَتَلَ شَ مَسٍنيِ نَن يَ. سّرّشّدُبّيٍ مَشْرِن،12‹شَ مِشِ ندٍ سُبٍ سّنِيّنشِ سَ عَ شَ سٌسٍ كُي، عَ قَ نَ سٌسٍ دِن تَامِ، وّنِ، تُرٍ، شَ نَ مُ عَ رَ دٌنسٍ فبّتّ رَ نَشَن مُ سّنِيّنشِ، نَ سّنِيّنمَ نَ سُبٍ سّنِيّنشِ سَابُي رَ؟› سّرّشّدُبّيٍ عِ يَابِمَ نّ، ‹عَدٍ.›»13عَننَبِ هَفٍ نَشَ عٍ مَشْرِن، «شَ مِشِ ندٍ دِن قُرٍ رَ، عَ قَ قِندِ سّنِيّنتَرٍ رَ، عَ دِن سٍسٍ رَ، نَ قَن قِندِ مَ نّ سٍ سّنِيّنتَرٍ رَ؟» سّرّشّدُبّيٍ نَشَ عَ يَابِ، «عِيٌ، نَ قَن قِندِ مَ نّ سٍ سّنِيّنتَرٍ رَ.»14نَ كُي، عَننَبِ هَفٍ مَن نَشَ عَ مَسٍن،«يِ حَمَ نَ نَ كِ نّ.سِ نَشَن نَ ﭑ يَ تٌدٍ رَ، عٍ نَ نَ كِ نّ.»عَلَتَلَ شَ مَسٍنيِ نَن نَ كِ.«عٍ بّلّشّ قْشِ مُ سّنِيّن،عٍ نَشَن بَمَ سّرّشّ رَ سٍ سّنِيّنتَرٍ نَن عَ رَ.»
15«يَكْسِ، وٌ قٍ مَتٌ عَ قَنيِ رَ نَشَن قَمَ رَبَدٍ كٍلِ تٌ مَ هَن يَرٍ.بٍينُن وٌ شَ فّمّ دْشْ عَ بٌورٍ قَرِعَلَتَلَ شَ هْرْ مْبَنشِ وَلِ كُي،وٌ شَ رَتُ يِ مَ؛16وٌ تٌ نُ بُسَلِ مْشْحّن قٍنمَ،وٌ نُ قُ فبَنسَن نَن سْتْمَ.وٌ تٌ نُ تُرٍ لِتِرِ تٌنفٌ سُولِ قٍنمَ،وٌ نُ لِتِرِ مْشْحّن فبَنسَن نَن سْتْمَ.17ﭑ بَرَ وٌ شَ وَلِ بِرِن كَنَ قُرٍ نُن بَلَبَلَنيِ رَ،كْنْ وٌ مُ تِن فبِلٍندٍ ﭑ مَ.»عَلَتَلَ شَ مَسٍنيِ نَن نَ كِ.
18«يَكْسِ، وٌ عَ مَتٌ عَ قَنيِ رَ،قٍ نَشَن قَمَ رَبَدٍ كٍلِ تٌ مَ هَن يَرٍ،كٍلِ يِ كِكٍ سٌلٌمَنَانِ شِ مْشْحّن نُن نَانِ مَ،كٍلِ عَلَتَلَ شَ هْرْ مْبَنشِ شَ فّمّ سِنفٍ دْشْ لْشْي مَ.وٌ شَ وٌ حْشْ سَ نَ شْن مَ عَ قَنيِ رَ.19مّنفِ رَفَتَشِ مُ نَ وٌ شَ سٍنتِيٍ كُي، كَ؟وّنِ بِلِ، شْرّ بِلِ، كْوبّ بِلِ، نُن عٌلِوِ بِلِ،نٍيٍ قَن مُ بٌفِقٍ هَلِ كٍرٍن.كْنْ، قْلْ تٌ مَ، ﭑ قَمَ نّ بَرَكّ سَدٍ وٌ مَ.»
20عَلَتَلَ مَن نَشَ مَسٍنيِ قِرِن ندٍ تِ عَننَبِ هَفٍ بّ، شِ مْشْحّن نُن نَانِ ندٍ رَ.21«عَ قَلَ سٌرٌبَبٍلِ بّ يُدَيَ فٌمِنَ،‹ﭑ كٌورٍ نُن بْشِ رَ سّرّنمَ نّ.22ﭑ مَنفّيٍ رَفٌرٌ مَ نّ عٍ شَ كِبَنيِ كُي.ﭑ سِ فبّتّيٍ سّنبّ كَنَمَ نّ.ﭑ سْورِ رَفِسٍيٍ نُن عٍ رَفِمَيٍ رَبِرَ مَ نّ.ﭑ سٌي نُن سٌي رَفِيٍ قَشَمَ نّعٍ نفَشَكٍرٍنيِ شَ سَنتِدّفّمَ رَ.›»
23عَلَتَلَ شَ مَسٍنيِ نَن يَ،«نَ لْشْي، سٌرٌبَبٍلِ سَلَتِيٍلِ شَ دِﭑ عِ قِندِ مَ نّ ﭑ مَ كٌنيِ رَ،عِ لُمَ نّ عَلْ ﭑ مَ شُرُندّ تْنشُمَ.ﭑ بَرَ عِ سُفَندِ.»مَنفّ عَلَتَلَ شَ مَسٍنيِ نَن نَ كِ.
expand_more
Search