Read ዒምባቆሜ ማፃኣፖ 3

ዒምባቆሜ ማፃኣፖ3mdy_twf

ዒምባቆሜኮ ሺኢጲፆ

¹ዒምባቆሜ ዓይኑሞና ፆኦሲ ሺኢቄ ሺኢጲፃ ያዺ ጋዓያኬ፦

²ናንጊና ናንጋ ጎዳሢዮ! ኔኤኒ ማዼ ዲቃሢ ሄርሺሳ ባኮ ቢያ ታኣኒ ዋይዚ ሚርጌና ዒጊጬኔ፤ሃሢ ኑ ዎዶና ሚናኣ ማዾ ኔኤኮ ላሚ ማዼ፤ቢያ ዎዴና ዔርቲ ናንጋንዳጉዲ ማሄ፤ኔኤኒ ዻጋዻ ዎዶናታዖ ሚጪንቲፆ ኔኤኮ ኑጊዳፓ ሃኪሲፖ።

³ፆኦሲ ፔኤኮ ዱማዺፆና ቴማኔ ዓጮናፓኣራኔ ዹኮናፓ ላሚ ሙካንዳኔ፤ዼኤፖ ቦንቻ ዒዛኮ ጫሪንጮ ዓኣቼኔ፤ጋላታኣ ዒዛሲ ሳዖ ኩሜኔ።⁴ፖዓ ዒዛሲ ዓቢጉዴያኬ፤ዎልቆ ዒዛኮ ካንቂ ዓኣ ኩጫፓሼኤራ ፖዒ ፖዓኔ።⁵ዎዻ ዶርዓሢ ዒዛኮ ቤርታ ቤርታ ዒ ዳካኔ፤ሃይቢያ ዒዛም ዓይሢንቲ ዒዛ ጊንፆ ሙካኔ።⁶ዒዚ ዔቃዛ ሳዓ ዓጊፃኔ፤ዒዚ ዛጋዛ ሜሌ ዴራ ጎጋይቃኔ፤ሚናኣፓ ዓኣ ዹካ ዲኢማዺ ዶዓኔ፤ሚናንካፓ ዓርቃዖ ዒዚ ሃንታ ጌሜራሊካ ዓርዲ ባይቃኔ።

⁷ዒቶጲያ ዴራ ሜታዻንቴሚዲያሜ ዓሳ ጎጋይቃንቴ ታ ዛጌኔ።⁸ናንጊና ናንጋ ጎዳሢዮ! ኔኤኮ ፓራሢንታ ሳርጌሎ ዖይቶንታ ባሻንዳጉዲ ኔ ማዼ ዎዶናኔኤኮ ዼኤፖ ዻጋ ዎሮይዳዳ?ጊንሣ ሃሣ ባዞይዳ ኔኤኒ ዻጋዺያ?⁹ሂኢዦ ኔኤኮ ኔኤኒ ካቲላፓ ኬሴኔ፤ዱካኒያ ኔኤኒ ዓኣሤኔ፤ሳዖ ኔኤኒ ዳርዚ ዎርዚ ማዤኔ።¹⁰ዹካ ኔና ዛጋዖ ዒጊቹሞና ጎጋይቄኔ፤ዒሮ ዲጳኣ ሳዖ ፒፂ ዓኣዼኔ፤ዼኤፖ ባዛ ጉኡሚ ዋይዚንቴኔ፤ባዞ ጉዳሢያ ሌካ ዼግ ዼግ ጌዔኔ።¹¹ኔኤኮ ዱኪንታ ሂኢዦንታዜኤሊንሢጉዲ ፖዓ ዎርፆ ፖዒፃፓ ዔቄያናዓቦንታ ዓጊኖንታ ዓኣ ቤዛ ዔቄኔ።¹²ሳዖይዳ ኔኤኒ ባይዛ ባኮና ዔቄኔ፤ኔኤኮ ዻጎና ሜሌ ዴሮ ኔኤኒ ሄርቄኔ።¹³ዴሮ ኔኤኮ ዓውሳኒ፥ ኔኤኒ ዶኦሚ ካኣታሤ ካኣቲ ዓውሳኒ ኔኤኒ ኬስኬኔ፤ጎሞ ዓሶኮ ሱኡጋሢ ኔኤኒ ሄርቄኔ፤ዒዛና ዎላ ዓኣ ዓሶ ኔኤኒ ባይዚ ካሎ ኔ ዓይሴኔ።ቶካፓ ቶኦኮ ሄላንዳኣና ዒዛ ኔኤኒ ካላሴኔ።¹⁴ዓልጎ ዢባሬጉዲ ኑና ላኣላኒ ሙኬዖሎ ዓሶኮ ሱኡጋሢ ዒዛ ሂኢዦና ኔኤኒ ዱኬኔ።ላቤ ቆልሞ ጫሃኒ ዓፃዻ ቦዖጉዲዒዚ ዓኣሺንቲ ዓኣ ማንቆንሢ ባይዛኒ ጊኢጌኔ።¹⁵ኔኤኒ ኔ ፓራሢና ባዞ ሄርቃኣናዬይ ዼኤፖ ባዛ ዓዓጊፃኔ።¹⁶ዬያ ቢያ ታ ዋይዛኣና ዒና ታኣኮ ዲቃቴኔ፤ሙሱራ ታኣኮ ዒዛ ዑኡዞ ዋይዛዖ ጎጋይቃኔ፤ዒጊቹማ ዴንዲ ታኣኮ ሜጌፆ ጋሮ ጌሌኔ፤ቶካኣ ታኣኮ ጎጋይቄኔ፤ኑና ሜታሳ ዴሮ ዑፃ ሜታ ሙካንዳያ ሄላንዳኣናዬኖ ኬሎ ጊቢ ዳንዳዒሢና ታኣኒ ካፓንዳኔ።

¹⁷ቤሌሶ ሚፃ ዎዚ ቡኒባኣያታቴያዎይኖ ዑፆይዳ ዓኣፒ ባኣያ ማዔቴያሃሣ ሪሚቶ ሚፃኣ ዓኣፒ ባኣታቴያጎዦ ጋራ ካፄ ሃኣኮ ባይቄያታቴያማራታ ቢያ ሃይቂ ጋፔታቴያባርቶ ጋራ ባይ ባኣያታቴያ፤¹⁸ዬይ ቢያ ማዔቴያ ታኣኮ ናንጊና ናንጋ ጎዳ ዓኣሢሮ ታ ዎዛዻንዳኔ፤ታ ፆኦዛሢ፥ ታኣኮ ዼኤሻሢ ዓኣሢሮ ታ ዒላሻንዳኔ።¹⁹ናንጊና ናንጋ ጎዳ ማዔ ፆኦዛሢ ታኣኮ ዎልቃሢኬ፤ዒዚ ቶኮ ታኣኮ ዎሾ ሹቁሊጉዲ ዶዲሻኔ፤ዒዚ ታና ዹኮ ዑፆይዳ ሃንታንዳጉዲ ማኣዳኔ።

ዒምባቆሜ ማፃኣፖ 3 / mdy_twf

ዒምባቆሜኮ ሺኢጲፆ

ዒምባቆሜ ማፃኣፖ3mdy_twf