ABAKUKI3kij_png

Abakuki la nigada

1Baisa Abakuki tovitoubobuta la nigada.
2Mwa Guyau! Bogwa lalagi avaka bogwa lokuvagi,e yeigu gala wala kabolivala.E tuta baisa bukuvigivau baisa yakamaisivavagi topilaveka makwaisina lokuuvagi omitibogwa.E avai tuta goli bukugibuluwa, bukunokapisaimasi.
3Ka, Yaubada bogwa bikaimilavau tuvaila metoya Edom.Matauna Yaubada Tobumaboma bogwa wala bima metoya okoyala mapilana Parana.La lumalama saina bwainigaga ikuboli labuma komwaidona,e kala yakaula ikasewoki valu watanawa.4Matauna bima deli lumalamela kavikavila.Lumalama ikakata metoya oyamala,baisa goli la peula eikatupwani.5Matauna iwitalibogwi lelia bilobogwa omatala,e ikaraiwogi kaliga bibokuli matauna.6Ka, avai tuta matauna bitoli, valu watanawa iigayega.Metoya ola mitikideda boda ituwoli ituwoli itatatuvasi goli.Koya kwevakaveka kwetitovagasi bogwa ikatumimisi,e makwaisina koya kwekikekita kwekikanuvagasi isisalilisi,koya makwaisina eililoki omitibogwa.
7E ka, bogwa lagisi mina Kusani ikokolasi,deli mina Midiani itatatuvasi.8Mwa Guyau! Ki, makaduyosina waya eivigakaimsi lokugibuluwa?Kaina makwaina bolita eivigakaim lokugibuluwa ke?Kusila odabala lowalowa,e utuyagila kala bwau kuvigaki m waga kaibibiu,avai tuta lokutomgwaga baisa m tomota omitasi.9Yoku bogwa lokukwatubiasi m kwaiyala,e lokukiamwasi paila bukukovi makaina.M kwavikavila ikatuvi valu watanawa.10Tuta makwaina koya igisaimsi, komwaidosi itatuvasi.Sopi itagabula metoya walakaiwa,sopi metoya osikowala valu ikaipolu,e kaisaila ikaivakavekasi.11Metoya kala kavikavila m kwaiyala makaisina gala tumokoyala,deli nivanevilela m kwaiyala kala lumalamaivigaki kalasia deli tubukona itolisi.12Yoku kuvautuutu e kuluvapela ovalu watanawa deli m gibuluwa.Metoya om gidaleiya kuvapupoi boda ituwoli ituwoli.13Yoku kusunapula paila bukukoli m tomota,kidamwa goli bukukoli guyau matauna bogwa lokunagi.Yoku kuwaiya kasi tokugwa tomitugaga ikapusi wala,e kukwatumtuwoli goli kala tobwakuli.14M kwaiyala ibasi matauna kumatoula la tokwabilia,tuta makwaina mabudona leimaisi makawala utuyagila paila bibutugigaiyaimasi,e idubudabumasi makawala matausina availa availa okiwola eilamidadaisi tonamakava.15Metoya om wosa minasina kuvapupoi bolita,e bolita kwepeuluvagasi ikaipolusi goli.
16Alilagi vavagi makwaisina e atatatuva goli,e bilubalogu itatatuva deli kokola.Wowogu imata,e kaikegu ikatupupeili wala.Yeigu bakapatu wala batulotula paila tuta makwaina bimaavai tuta Yaubada bimipuki matausina availa availa ikabiliasi baisa yakamaisi.
17Ilagoli kaina seuseu gala wala kaiuwasideli matamsina waini gala bibukulasi,ilagoli kaina kaiuwala olibe biwogagadeli bigulela witi gala bikabinaisi,ilagoli kaina sipi komwaidona bikaligasideli bulutuvalu si bwala bikwaiukuwokuva,18mitaga yeigu desi wala bammwasawa deli bakaimwana,paila Guyau Yaubada matauna agu tokwatumova goli.19Guyau ikikatupewolaigu.Matauna iuvigakaigu bavamlili kaikegu makawala natana dia,e iiyamataigu odabala koya kidamwa gala wala basilagi.
expand_more
Search