Read Abaku 3

Abaku3bqc_sim

Abaku wabikɛa

¹Ãnabi Abaku wabikɛa.²Dii, ma n bao mà,Dii, n yãkɛaↄ tò má n vĩa vĩ.Ɛa yã́ bee taaↄ kɛ wá gↄↄ,ní tó wà dↄ̃ wá gↄↄ.Tó wá wɛgwaa dↄngu n pↄkũmagↄↄ.³Lua a bↄ Temani,Kuaadoade a bↄ Palana gbɛ̀sĩsĩ musu.Aà gawi a kúlɛ luabɛa,aà táasilɛa a dṹnia pa.⁴Aà tɛkɛa aↄ dɛ lán ĩatɛ̃ bilɛawa,gupua a pípi aà gbã̀tɛ̃ɛ ń gbã̀tɛ̃ɛo,we aà gbãa ulɛau.⁵Gagyã bɛ aà aɛ,tɛ́lɛpiↄ bɛ aà iau.⁶Tó à zɛ̀, dṹnia ì zãampapa,tó à wɛtɛ̀i, buiↄ ì kɛ gã̀sĩ.Gbɛ̀sĩsĩ ziↄ kwɛ̀,sĩ̀sĩ pↄ́ kú za káauↄ gbòo.Ì yãkɛ lá a kɛ̀ káaukaauwa.

⁷Ma Kusã zwã̀akpɛↄ è,wàlɛ taasikɛu,ma Madiã bùsu zwã̀akpɛↄ è,gili gɛ̃̀ńgu we.⁸Dii, n pↄ pà swaↄzi yã̀?N za fɛ̃̀ swa'ↄnaↄzi nɛe?Kɛ́ ń di n sↄ̃́ↄ kpɛ ń n zĩblesↄ̃goↄ,n mɛ fɛ̃̀ ísiazi yã̀?⁹N n sá bↄ̀ a bↄ̀ↄu,n mɛ̀ wà mↄ́ ń kaↄ,ↄ̃ n dṹnia pàapaa ń swaↄ.¹⁰Gbɛ̀sĩsĩↄ n e, aalɛ kↄ̃dɛ,í dàgua, àlɛ gɛ̃,ísi kↄ̃fĩ dↄ,a ikooaↄ lɛ́ fɛlɛ musu.¹¹Ĩatɛ̃ ń mↄvuao zɛ̀ gudoũ musumusun ka pↄ́ lɛ́ gɛ̃ fìoo tɛkɛa yã́iń n sↄ̃na pípia yã́o.¹²Ńlɛ tavaavaa'o dṹniau ń pↄkũmao,ńlɛ buiↄ gbɛ̃ ń kyã̀wãao.¹³N bↄ n mↄ n gbɛ̃́ↄ boi,n mↄ kía pↄ́ ń kpà suabai.N gbɛ̃vãi mi wì,n pↄ́ pìliwà à gↄ̃̀ láilai.¹⁴Kɛ́ aà zĩgↄ̃ↄ sìwázi wá fãaai,aalɛ pↄnakɛ yɛ̃̀ɛɛsaide pↄ́ ulɛaↄ blea yã́ musu,ↄ̃ n ń dↄaana mi fↄ̃̀ ń azĩa sↄ̃nao.¹⁵N ↄ̃zↄ̃̀ ísiawa ń n sↄ̃́ↄ,n í zↄ̃ↄpi yà.

¹⁶Kɛ́ ma a baomà, sↄ̃ kɛ̃̀magu,a kↄ̃fĩ ma lɛ́baa dèe, ma wá gà,málɛ lualua ma zɛgbɛu.Má mɛna màↄ gↄↄ pↄ́ wa yã́yia gbɛ̃́ pↄ́ lɛ̀lɛwáↄwa dã́.¹⁷Baa tó kaadↄɛna i nɛsoe kɛo,mɛ́ vɛ̃ɛliↄ i nɛ'io,baa tó ku i bↄo,mɛ́ buapↄ́ↄ i kɛo,baa tó sãↄ ku kaau lↄo,mɛ́ zuↄ làa kpàsau,¹⁸ń beeo ma pↄ aↄ na Diiwaɛ,má pↄnakɛ ń Lua ma Suabanao.¹⁹Dii Lua mɛ́ ma gbãa ũ,ì ma wá nakṹ lán tuewa,ì to màↄ bɛ gulɛsĩↄwa.

Abaku 3 / bqc_sim

Abaku wabikɛa

Abaku3bqc_sim