Read Abaku 2

Abaku2bqc_sim

Dii yã́zãsia Abakuwa

¹Má zɛ ma gudↄ̃akĩi,má tepɛ bĩ́iwa,má itɛ̃kɛ mà gwa lá asu omɛɛ,lá a a tàae pↄ́ málɛ e yã́zãsia.²Ɔ̃ Dii òmɛɛ à mɛ̀:Yã́ pↄ́ ń è dalau,kɛ̃ gbɛ̀ pɛ̀pɛɛwa wásawasa,kɛ́ kyokɛna e kɛ ń wãao.³Asa yã́pi gↄↄ dilɛaɛ,yã́pi lɛ́ a kɛgↄↄ yá, a gí kɛio.Baa tó a gↄↄ lɛ́ gɛ̃gɛ̃, ǹyↄ̃ dã́,gↄↄpi a ká, wa sↄ̃òo.⁴Gwa! Gbɛ̃́ pↄ́ a nↄ̀sɛ maao a fu,ãma gbɛ̃́ maa aↄ kuma náai pↄ́ àlɛ kɛ yã́i.⁵Àizɛɛ náai vĩo,yↄ̃̀ↄde sↄ̃ líↄ daa doũo.A asia vĩ lán bɛdawaɛ,ìli kã́o, a dɛ lán gawa.Ì buiↄ kãaaazi,ì bùsu píi gbɛ̃́ↄ kṹkũ zĩ̀zↄↄ ũ.⁶Aà yã́ a gↄ̃ ń baadeɛ yãa ũ,aa aà àlafiikɛ aa aà láanikɛ aa mɛ:Waiyoo n gbɛ̃́ pↄ́ ni dãↄ pↄ́ kãaa nzĩaɛ,ni nzĩa dilɛ gbia gbɛ̃́ bↄ́ↄ'imia yã́ musu.⁷N fĩadeↄ fɛlɛnnↄ kã́ndoɛ,aa vu iu, ní gↄ̃ ń lualuao,ní gↄ̃ ń gbãablema ài ũ.⁸Lá bui pↄ́ n ń pↄ́ↄ sìmá yãaↄ dasi,an kↄ̃naↄ n pↄ́ↄ sima sa sↄ̃ɛ,asa n gbɛ̃́ↄ dɛ̀dɛ, n bùsuↄ kàalɛń wɛ̃́lɛↄ ń gbɛ̃́ pↄ́ kúuↄ píiɛ.⁹Waiyoo n gbɛ̃́ pↄ́ ni n ua kã́fĩ ń ài vãio,ni n sakpɛpi da musu,kɛ́ músi su n leo yã́i.¹⁰N lɛkpàaĩ gbɛ̃dɛdɛa dasi yã́i,ↄ̃ n widà n uawa,ńyↄ̃ wɛ̃ni kɛ lↄo.¹¹N kpɛ́ gbɛↄ mɛ́ aa wiidↄma,a zaↄ i yã́pi zã́simá.¹²Waiyoo n gbɛ̃́ pↄ́ ni wɛ̃́lɛ kṹ ń gbɛ̃dɛao,ni mɛɛwia kálɛ ń dìidiinkɛao.¹³Gbɛ̃nazĩnaↄ isimagakpaa gbɛ a gↄ̃ yàa ũɛ,buiↄ ì ńzĩa kpasa pãɛ.Dii Zĩgↄ̃de mɛ́ dìlɛ màao lò?¹⁴Asa Dii gawi dↄ̃a a li dṹniaaɛ,lá í ì dagua ísiaiwa.¹⁵Waiyoo n gbɛ̃́ pↄ́ ni íkaka n gbɛ̃́deeↄnɛ,ni naɛnaɛmá e ípi gɛ zↄ̃lɛomá,kɛ́ ǹ e wɛ́tɛ an puizii yã́i.¹⁶Wí mɛ́ a n kṹ, i kɛ gawi no.Imi, asa wa n puizi e sↄ̃ɛ.Imibↄ pↄ́ kú Dii ↄzĩ lɛ́ suma,wí i gↄ̃ n gawi gbɛu.¹⁷Yãpãsĩ pↄ́ ń kɛ̀ Libã a kúlɛmaɛ,n nↄ̀bↄↄ kaalɛa yã́ a sↄ̃ kɛ̃ngu.Asa n gbɛ̃́ↄ dɛ̀dɛ, n bùsuↄ ↄ̃̀ↄkpàɛ,n wɛ̃́lɛↄ ń gbɛ̃́ pↄ́ kúuↄ kàalɛ píi.¹⁸Bↄ́ ài tã́aↄ vĩi? Gbɛ̃nazĩna mɛ́ ã̀.Bↄ́ ài pↄ́ kásaa pↄ́ aaì ń da ɛɛupiↄ vĩi?Gbɛ̃́ pↄ́ kɛ̀ ì a pↄkɛa náaikɛ,ì tã́a pↄ́ lí fↄ̃ yã'òopiↄ kɛ.¹⁹Waiyoo n gbɛ̃́ pↄ́ ni o líɛaà yãmama,ge ni o gbɛ̀ wɛ̃nisaiɛ àↄ ku.A fↄ̃ dↄaanɛe?Wà vua ge ã́nusu'i lɛ̀wà,kási wɛ̃ni ku a guuo.²⁰Dii ku a bɛ pↄ́ a kua adoau.Dṹnia gbɛ̃́pii à kɛ kílikili aà aɛ.

Abaku 2 / bqc_sim

Dii yã́zãsia Abakuwa

Abaku2bqc_sim