عَلَ شَ سَاتّ نُهَ بّ
1نَ دَنفِ شَنبِ عَلَ نَشَ بَرَكّ سَ نُهَ نُن عَ شَ دِيٍ شَ قٍ. عَ نَشَ عَ مَسٍن عٍ بّ، «وٌ شَ وُيَ، وٌ شَ يِرِوَ، وٌ شَ فبٌ بْشِ مَ.2سُبٍ نَشٍيٍ نَ دُنِحَ مَ نُن شْنِ نَشٍيٍ نَ كٌورٍ مَ، عٍ فَاشُمَ نّ وٌ يَ رَ. بُبُسٍ نَشٍيٍ نَ بْشِ مَ نُن يّشّ نَشٍيٍ نَ بَا مَ، عٍ عٍ فِمَ نّ وٌ يَ رَ. ﭑ بَرَ عٍ بِرِن سَ وٌ سَفٌ،3ﭑ بَرَ عٍ بِرِن قِندِ بَلٌي رَ وٌ بّ عَلْ سَنسِيٍ ﭑ نَشَن سِنفٍ قِ وٌ مَ دٌنسٍ رَ.»4«كْنْ وٌ نَشَ سُبٍ دٌن، نَشَن وُلِ مُ بَشِ، بَرِ مَ عَ وُلِ قِندِشِ سُبٍ نِي نَن نَ.5سُبٍ يٌ نَشَن وٌ نِي بَمَ، شَ نَ مُ عَ رَ مِشِ يٌ نَشَن عَ بٌورٍ عَدَ مَدِ نِي بَمَ، نَ كَنيِ نَن فبٍ نَ نَ نِي كٌتٍ سَرٍ رَ.6مِشِ نَشَن عَدَ مَدِ نِي بَمَ،مِشِ نَن نَ كَنيِ قَن نِي بَمَ،بَرِ مَ عَلَ قْشِ بَرَ لُ عَدَ مَ مَ.7وٌ شَ وُيَ، وٌ شَ يِرِوَ، وٌ شَ فبٌ بْشِ مَ.»8نَ شَنبِ عَلَ نَشَ عَ مَسٍن نُهَ نُن عَ شَ دِيٍ بّ،9«ﭑ بَرَ سَاتّ تٌنفٌ وٌ نُن وٌ شَ دِيٍ بّ،10عَ نُن نِمَسٍ نَشَن بِرِن نُ نَ كُنكُي كُي؛ شْنِيٍ، شُرُ سٍيٍ، بُورُنيِ سُبٍيٍ، نِمَسٍ نَشَن بِرِن نَ دُنِحَ مَ.11ﭑ بَرَ سَاتّ تٌنفٌ وٌ بّ، بَنبَرَنيِ تَن مُ نِي بِرِن بَمَ سْنْن، عَ مُ دُنِحَ بِرِن كَنَمَ قَ.»12عَلَ نَشَ عَ مَسٍن، «ﭑ بَرَ سَاتّ تٌنفٌ وٌ نُن نِمَسٍ بِرِن بّ، سَاتّ نَشَن مُ كَنَمَ عَبَدَن.13سَاتّ تْنشُمَ نَن يَ، ﭑ سٍنكُي مَسٍنمَ نّ كٌورٍ مَ.14شَ ﭑ بَرَ كُندَ سَ كٌورٍ مَ، نَ سٍنكُي مِنِمَ نّ.15نَ تّمُي ﭑ نَتُمَ نّ سَاتّ شَ قٍ مَ، ﭑ سَاتّ نَشَن تٌنفٌشِ وٌ نُن نِمَسٍ بِرِن بّ. ﭑ مُ نِي بِرِن بَمَ دُنِحَ مَ بَنبَرَنيِ رَ سْنْن.16سٍنكُي نَ مِنِ كٌورٍ مَ، ﭑ نَ تٌمَ، ﭑ نَتُمَ سَاتّ شَ قٍ مَ، سَاتّ نَشَن مُ كَنَمَ عَبَدَن، ﭑ سَاتّ نَشَن تٌنفٌشِ وٌ نُن نِمَسٍ بِرِن بّ نَشٍيٍ نَ دُنِحَ مَ.»17عَلَ نَشَ عَ مَسٍن نُهَ بّ، «سَاتّ تْنشُمَ نَن يَ، ﭑ نَ سَاتّ نَشَن تٌنفٌشِ نِمَسٍ بِرِن بّ.»18نُهَ شَ دِ نَشٍيٍ كٍلِشِ كُنكُي كُي، عٍ شِلِ سٍمِ، هَمِ، يٍقٍتِ. هَمِ قِندِشِ كَنَانكَيٍ بَبَ نَن نَ.19دُنِحَ مِشِ بِرِن قَتَنشِ نُهَ شَ دِ سَشَنيِيٍ نَن نَ.20نُهَ تٌ شّ رَوَلِ قْلْ، عَ نَشَ وّنِ سَنسِ سِ.21نَ سَنسِ تٌ بٌفِ، نُهَ نَشَ وّنِ يَءِلَن. عَ تٌ سِيسِ نَ رَ، عَ نَشَ عَ سَ كِرِ بَنشِ كُي عَ مَفٍلِ.22كَنَانكَيٍ بٍنبَ هَمِ تٌ عَ بَبَ مَفٍلِ تٌ، عَ نَشَ نَ قَلَ عَ تَارَيٍ بّ.23نَ كُي سٍمِ نُن يٍقٍتِ نَشَ دُفِ تٌنفٌ قَ، عٍ سٌ عٍ بَبَ شُن عٍ شَنبِ شَنبِ مَ. عٍ نَشَ دُفِ قٍلٍن عٍ بَبَ مَ، عٍ مُ عٍ يَ تِ عٍ بَبَ مَفٍلِ رَ.24نُهَ شُن تٌ مَبْو عَ رَ، عَ نَشَ كٍلِ، عَ نَشَ عَ كٌلٌن قَ عَ شَ دِ دْنشْي نَشَن نَبَشِ عَ رَ.25نُهَ نَشَ عَ قَلَ، «ﭑ بَرَ كَنَان دَنكَ. عَ شَ قِندِ كٌنيِ بِرِن دْنشْي رَ عَ تَارَيٍ بّ.»26عَ مَن نَشَ عَ قَلَ،«ﭑ بَرَ سٍمِ مَرِفِ عَلَتَلَ مَتْشْ.كَنَان شَ قِندِ سٍمِ شَ كٌنيِ رَ.27عَلَ شَ يٍقٍتِ شَ بْشِ فبٌ،عَ شَ لُ سٍمِ شَ نِينِ بُن مَ،كَنَان شَ قِندِ عَ شَ كٌنيِ رَ.»28بَنبَرَنيِ دَنفِ شَنبِ، نُهَ نَشَ بُ دُنِحَ مَ حّ كّمّ سَشَن حّ تٌنفٌ سُولِ.29نُهَ شَ سِمَيَ تٌ حّ كّمّ سٌلٌمَنَانِ حّ تٌنفٌ سُولِ لِ، عَ نَشَ لَاشِرَ.