Read Daalɛa 9

Daalɛa9bqc_sim

Lua bàa kua ń Nↄeeo

¹Ɔ̃ Lua báaadà Nↄeegu ń aà nɛ́ↄ, a ònɛ́: Àↄ nɛ'i àↄ kã́fĩ, í dṹnia pa.²Nↄ̀bↄↄ ń bãↄ ń pↄ́taa'onkuawaↄ ń kpↄↄ píi aaↄ á vĩa vĩ. Ma ń naɛ́ á ↄzĩɛ.³Pↄ́ pↄ́ ì táa'oↄ píi aaↄ dɛ á pↄblea ũ.Ma ń kpáwá píiɛ, lá ma blɛ pↄ́ ì bↄlɛ tↄↄlɛwaↄ kpàwá yãawa.⁴Ãma ásuli nↄ̀ↄ pↄ́ wi a kòlokpao soo, asa a au mɛ́ a wɛ̃ni ũ.⁵Má á au pↄ́ dɛ á wɛ̃ni ũ tↄsiɛ́ɛ. Tó nↄ̀ↄ gbɛ̃dɛ̀, ge tó gbɛ̃́ a gbɛ̃́dee dɛ̀, má aà au tↄsiɛ̀. Má tↄsi gbɛ̃́ pↄ́ a gbɛ̃́dee dɛ̀wa.⁶Tó gbɛ̃́ gbɛ̃dɛ̀, wàli ade dɛ, asa ma gbɛ̃nazĩna kɛ̀ ma taa ũɛ.⁷Àↄ nɛ'i àↄ kã́fĩ, í li dṹniaa, íↄ kↄ̃́.⁸Lua yã'ò Nↄeeɛ ń aà nɛ́ↄ lↄ à mɛ̀:⁹Ma bàa aↄ kúánↄ ń á buiↄɛ,¹⁰ń pↄ́ wɛ̃nide pↄ́ kúánↄ aa bↄ̀ gó guuↄ píi, bãↄ ń pↄtuoↄ ń sɛ̃̀anↄbↄↄ ń pↄ́ pↄ́ kú tↄↄlɛwaↄ píi.¹¹Ma bàa aↄ kúánↄɛ. Má pↄ́ wɛ̃nideↄ midɛ píi ń í daa dṹniaao lↄo. Í a da dṹniala à kaalɛ lↄo.¹²Ɔ̃ Lua ɛ̀a mɛ̀: Ma bàa aↄ kúánↄ ń pↄ́ wɛ̃nide pↄ́ kúánↄↄ e gↄↄpiiɛ. A seelan kɛ:¹³Má a nàali bↄ louwa ma bàa kua ń dṹniao seela ũ.¹⁴Tó má tò lou sìsi mɛ́ nàali bↄ̀wà,¹⁵lá ma bàa kúánↄ ń pↄ́ wɛ̃nide bui píio, a yã́ ali dↄmaguɛ. Má tó í zↄ̃ↄkũ à pↄ́ wɛ̃nide kaalɛ píi lↄo.¹⁶Tó ma nàali è louwa, ma bàa kua ń pↄ́ wɛ̃nide bui píio e gↄↄpii yã́ ali dↄmaguɛ.¹⁷Ɔ̃ Lua ò Nↄeeɛ: Ma bàa kua ń pↄ́ wɛ̃nide pↄ́ kú dṹnia guu píio seelan we.

Nↄee nɛ́ↄ

¹⁸Nↄee nɛ́ pↄ́ aa bↄ̀lɛ gó guuↄ tↄ́n kɛ: Sɛũ, Haũ, Yafɛti. Haũ mɛ́ Kanaa de'ia ũ.¹⁹Nↄee nɛ́ↄn we gbɛ̃ↄn àaↄ̃. An buiↄ mɛ́ kpálɛ dṹnia guu píi.²⁰Nↄeeá sɛ̃̀wanaɛ, ↄ̃ à vɛ̃ɛbu kɛ̀.²¹Kɛ́ à vɛ̃ɛmì à kã̀, ↄ̃ aà pↄ́ↄ pìliwà a kpɛ́u.²²Kɛ́ Kanaa de'ia Haũ ń mae puizi è, à bↄ̀ gɛ ò Sɛũɛ ń Yafɛtio.²³Ɔ̃ Sɛũ ń Yafɛtio ulada sɛ̀ wa kà ń gã̀u ń pla, aa táa'ò ń kpɛo, an aɛ dↄa gupãle oi kɛ́ aasu ń mae puizi eo yã́i, aa gɛ̀ ń mae puizi ùlɛò.²⁴Kɛ́ Nↄee vɛ̃ɛ wèewà à vù, a mà lá a nɛ́ gbɛzã kɛ̀ɛ,²⁵ↄ̃ à mɛ̀:Kanaa a gↄ̃ láaipↄ ũɛ,ↄ̃mɛ aↄ a gbɛ̃́ↄ zↄnkɛ̃sãna ũ.²⁶Ɔ̃ à mɛ̀:Wà Dii Sɛũ Lua sáaukpa,Kanaa buiↄ aaↄ dɛ Sɛũ buiↄ zↄↄ ũɛ.²⁷Lua kã́fĩakɛ Yafɛtiɛ,Yafɛti buiↄ bɛkpa ń Sɛũ buiↄ,Kanaa buiↄ aaↄ dɛ Yafɛti buiↄ zↄↄ ũɛ.²⁸Í daa dṹniaa gbɛa Nↄee kɛ̀ wɛ̃̀ ↄ̀aa do ń basoplakwio (350).²⁹À kɛ̀ wɛ̃̀ ↄ̀aa síiↄ̃ ń basoplakwioɛ (950), ↄ̃ à gà.

Daalɛa 9 / bqc_sim

Lua bàa kua ń Nↄeeo

Nↄee nɛ́ↄ

Daalɛa9bqc_sim