Mwanduso50kdc_pbt

1Baho Yusufu kaibwanha mwenyego kamfagatila tatake kalila na kumnonela.2Yusufu kawalagiza waganga wambake tatake Izilaeli dawa ili sikuyakole, na wao watenda vivo.3Kamba viwatendaga, watenda sang'hano ayo kwa siku malongo mane. Na wanhu wa Misili wamuyalalila kwa siku malongo saba.4Siku za kumuyalalila vizishile, Yusufu kawalongela wanhu wa Falao, “Kamba moninogela nipulileni kwa Falao mulongeleni,5‘Tatangu viyakalile kolonda kufa kanongela niiduwile kamba nomzika kudipanga diyatandile ako Kanaani. Avo chonde ndeke nichole hamzike tatangu, abaho nobwela.’ ”6Falao kamwidika, “Genda kamzike tatako, kamba viulongile kotenda.”7Avo, Yusufu kachola kumzika tatake. Wasang'hanaji na vilongozi wa ng'anda ya Falao na vilongozi wa wanhu wa Misili wachola na Yusufu.8Wanhu wa mng'anda yake na ndugu zake na wanhu wa lukolo lwa tatake wachola nayo. Wana wadodo na ng'ombe na ng'hondolo na mbuzi, wao wasigale ako Gosheni.9Vivija wanhu okwela falasi na wanhu okwela mituka ibululigwa na falasi wailumba nayo. Kukala na wanhu wengi.10Viwavikile kulubuga lwa kubigila uhemba lwa Atadi, mwambu wa lwanda lwa Yolidani waiyalala kwa bwembwe, Yusufu nayo kamtendela mwenekwaga matanga ga siku saba.11Wanhu wa Kanaani wakalile baho viwone kuiyalala kwao aho hana ulubuga lwa kubigila uhemba lwa Atadi walonga, “Kuiyalala kuno kwa Wamisili kukula ng'hani.” Lekaavo hanhu aho behi na lwanda lwa Yolidani hakemigwa Abeli Misili.12Wana wa Yakobo wamtendela tatao kamba viyawalagize.13Wamgala mbaka isi ya Kanaani, wamzika mwiimhango ikalile mumgunda ako Makipela, mwambu wa kudilawila zuwa wa Mamule. Mhango na mgunda awo Abulahamu kaugula kwa Efuloni Muhiti, ili hawe hanhu ha kuzikila.14Viwamambukize kumzika tatao, Yusufu kabwela Misili hamoja na ndugu zake na wanhu wose wacholile hamoja nayo muumwanza wa kumzika tatake.

Yusufu kowalongela ukweli ndugu zake

15Viimalile ndilo ya tatao, ndugu zake Yusufu wailongela, “Sengine ndugu yetu Yusufu kagevuzika na kogabweza gehile gose gatumtendele.”16Avo wamgalila Yusufu usenga, walonga, “Tatako kaleka usi uno yang'hali hanakufa,17‘Mulongeleni vino Yusufu mbuli yangu, chonde ugele kumgongo nzambi ziwakutendele ndugu zako, kwavija wakutendela gehile ng'hani.’ Avo sambi chonde ugele kumgongo nzambi zitukutendele siye wasang'hanaji wa Imulungu wa tatako.” Yusufu viyapatile usenga uno kalila.18Abaho ndugu zake wamcholela, wamfugamila mbaka hasi walonga, “Lola siye twa watumwa zako.”19Lakini Yusufu kawalongela, “Sikumudumbe, vino niye na Imulungu?20Mweye mukala mulondile kunhendela gehile, lakini Imulungu kagesa kutenda ganogile ili wanhu wengi wawe wagima kamba vimona sambi.21Avo, sikumudumbe, niye nowagwaa ndiya hamoja na wanenu.” Avo kawahoza mizoyo na kalonga nao vinogile.

Ifa ya Yusufu

22Yusufu kagendelela kukala Misili hamoja na wanhu wa lukolo lwa tatake. Yusufu kakala na miyaka gana na longo.23Yusufu kamweda kuwona wana na wazukulu wa mwanage Efulaimu. Vivija wana wa Makili mwana wa Manase kawabokela mmahaza gake.24Abaho Yusufu kawalongela ndugu zake, “Niye sambi nofa, lakini Imulungu kowezila tu kuwataza. Kowalava mwiisi ino na kowagala mwiisi iyawalongele kowagwaa Abulahamu na Isaka na Yakobo.”25Abaho Yusufu kawatenda wana wa Izilaeli waiduwile, kalonga, “Imulungu yahawezila kuwataza, soleni mizege yangu kulawa hano.”26Avo, Yusufu kafa ako Misili, akuno mvele wa miyaka gana na longo. Na hewo walubaka dawa lukuli lwake ili sikulukole, walwika kudisanduku ako Misili.
expand_more
Search