UNGGUTINGA5met_wbt
Adam Bakbagindi
1Adam bakbagindi bila li.Bungina Urana tongtongia lipudi, tongtongiadi disok bila ina.2Tongtongiadi lup haing, saing sina guxama nadi. Tongtongiadi laing sup, baing uxudi ba, “lipudi.”3Adam nianindi 130, baing xapsaxi gara lup tela sok bila ing sibuna—maxuna sok bila ina. Uxu ba Set.4Adam wa niani 800 muli kimuya mana xapsaxi Set, saing xapsaxi gara teladi muli, lupdi xaung haingdi.5Bila balau Adam nianindi 930, saing mati.6Set nianindi 105, baing xapsaxi Enos.7Set wa niani 807 muli kimuya mana xapsaxi Enos, saing xapsaxi gara teladi muli, lupdi xaung haingdi.8Bila balau Set nianindi 912, saing mati.9Enos nianindi 90, baing xapsaxi Kenan.10Enos wa niani 815 muli kimuya xapsaxi Kenan, saing xapsaxi gara teladi muli, lupdi xaung haingdi.11Bila balau Enos nianindi 905, saing mati.12Kenan nianindi 70, baing xapsaxi Mahalalel.13Kenan wa niani 840 muli kimuya mana xapsaxi Mahalalel, saing xapsaxi gara teladi muli, lupdi xaung haingdi.14Bila balau Kenan nianindi 910, saing mati.15Mahalalel nianindi 65, baing xapsaxi Yaret.16Mahalalel wa niani 830 muli kimuya mana xapsaxi Yaret, saing xapsaxi gara teladi muli, lupdi xaung haingdi.17Bila balau Mahalalel nianindi 895, saing mati.18Yaret nianindi 162, baing xapsaxi Inok.19Yaret wa niani 800 muli kimuya mana xapsaxi Inok, saing xapsaxi gara teladi muli, lupdi xaung haingdi.20Bila balau Yaret nianindi 962, saing mati.21Inok nianindi 65, baing xapsaxi Metusela.22Inok haxa rangua Urana 300 niani muli kimuya mana xapsaxi Metusela, saing xapsaxi gara teladi muli, lupdi xaung haingdi.23Bila balau Inok nianindi 365.24Inok haxa rangua Urana, ning Urana xap mala, binabu lipudi dibagu muli te.25Metusela nianindi 187, baing xapsaxi Lamek.26Metusela wa niani 782 muli kimuya mana xapsaxi Lamek, saing xapsaxi gara teladi muli, lupdi xaung haingdi.27Bila balau Metusela nianindi 969, saing mati.28Lamek nianindi 182, baing xapsaxi gara lup tela.29Baing harua ba, “Bagula tatua makasangaroa xaung salaga taxap mana titia li Toxoratamona sina guxam diana na. Binabu uxu ba Noa.30Lamek wa niani 595 muli kimuya mana xapsaxi Noa, saing xapsaxi gara teladi muli, lupdi xaung haingdi.31Bila balau Lamek nianindi 777, saing mati.32Noa nianindi 500, baing xapsaxi Siem, Ham, Yapet tung.