UGenesisi49nde_bib

UJakhobe Ubusisa Amadodana Akhe

1UJakhobe wabiza amadodana akhe wathi: “Sondelani eduze ngilitshele lokho okuzakwenzakala kini ensukwini ezizayo.2Buthanani lilalele, madodana kaJakhobe,lalelani kuyihlo u-Israyeli.
3URubheni, ulizibulo lami,amandla ami, isibonakaliso sokuqala samandla ami,ukuphelela ngodumo, ukuphelela ngamandla.4Uhlokoma njengamanzi, kawusayikuba liciko,ngoba wakhwela embhedeni kayihlo,waya phezu kwesihlalo sami wasingcolisa.
5USimiyoni loLevi bayizelamaniinkemba zabo yizikhali zodlakela.6Mangingangeni enkundleni yabo,mangingangeni emhlanganweni wabo,ngoba bababulala abantu ngokuthukuthela kwabonjalo inkabi baziquma imisipha santando.7Luqalekisiwe ulaka lwabo, lwesabeka kubi,lentukuthelo yabo, ilesihluku esibi!Ngizakubachithiza kuJakhobe,njalo ngibahlakaze ko-Israyeli.
8Juda, abafowenu bazakudumisa;isandla sakho sizakuba sentanyeni yezitha zakho;amadodana kayihlo azakukhothamela.9Ungumdlwane wesilwane, Oh Juda;uvela ekuzingeleni, ndodana yami.Njengesilwane uyacathama alale phansi,njengesilwanekazi, ngubani olesibindi sokumhlokoza?10Intonga yobukhosi kayiyikusuka kuJuda,loba umqwayi wombusi phakathi kwezinyawo zakhe,aze ayofika kumnini wayolokulalela kwezizwe kukuye.11Uzabophela ubabhemi wakhe evinini,inkonyane kababhemi wakhe ogatsheni oluhle;uzagezisa izembatho zakhe ngewayini,izigqoko zakhe egazini lamagrebisi.12Amehlo akhe azathuba okudlula iwayini,amazinyo akhe abe mhlophe kulochago.
13UZebhuluni uzahlala okhunjini lolwandleabe litheku lemikhumbi;umngcele wakhe uzaqhelela eSidoni.
14U-Isakhari ulithambo likababhemi elilohlonziolele ephahlwe ngamasaka amabili emithwalo.15Uthi nxa ebona ubuhle bendawo yakhe yokuphumulalokubukeka kwelizwe lakhe,uzakwehlisa ihlombe lakhe ukuthwala umthwaloazimisele emsebenzini wesigqili.
16UDani uzakwahlulela kahle abantu bakibonjengesinye sezizwe zako-Israyeli.17UDani uzakuba yinyoka esemgwaqweni,inhlangwana elele endleleni,eluma izithende zebhizaukuze umgadi walo atshelele aye emuva.
18Ngilindele ukuhlenga kwakho, Oh Thixo.
19UGadi uzahlaselwa liqula lamanxusa,kodwa uzabahlasela bamuphe izithende zabo.
20Ukudla kuka-Asheri kuzakuba ngokunonileyo,uzakupha okumnandi okufanele inkosi.
21UNafithali yimpalakazi ekhululiweyoezala amazinyane amahle.
22UJosefa ulivini elithela kakhulu,ivini elithela kakhulu eduze komthombo,elimagatsha alo akhwela emdulini.23Abahlaseli bemitshoko bamhlasela ngolaka;bamciba ngenzondo embi.24Kodwa kawalazelanga ngedandili lakhe,ingalo zakhe eziqinileyo zala zilokhu ziqinilengenxa yesandla soMninimandla kaJakhobe,ngenxa kaMalusi, iDwala lika-Israyeli,25ngenxa kaNkulunkulu kayihlo, okusizayo,ngenxa kaSomandla okubusisayongezibusiso zasezulwini ngaphezulu,izibusiso zolwandle olungaphansi,izibusiso zebele lenzalo.26Izibusiso zikayihlo zinkulukulezibusiso zezintaba zekadeni,kulezithelo zamaqaqa adabuka endulo.Zonke lezi kazehlele ekhanda likaJosefa,ebunzini lenkosana phakathi kwabafowabo.
27UBhenjamini yimpisi ephangayo;ekuseni uyakudlithiza akujimbileyo,ntambama akwabe.”28Zonke lezi yizizwana ezilitshumi lambili zako-Israyeli, njalo yikho lokho uyise akutsho kubo lapho wayebabusisa, esipha ilowo lalowo isibusiso esimfaneleyo.

Ukufa KukaJakhobe

29Emva kwalokho wasebanika imilayo le: “Sekusondele ukuba ngimbelwe ebantwini bakithi. Lingimbele labokhokho ebhalwini ensimini ka-Efroni umHithi,30ubhalu olusensimini kaMakhaphela, eduze leMamure eKhenani, eyathengwa ngu-Abhrahama kanye lensimu leyo ku-Efroni umHithi, ukuba yindawo yokungcwaba.31Khonapho kwangcwatshwa u-Abhrahama lomkakhe uSara, kwembelwa u-Isaka lomkakhe uRabheka, njalo khonapho ngambela uLeya.32Insimu kanye lobhalu oluphakathi kwathengwa kumaHithi.”33Kwathi uJakhobe eseqedile ukunika imilayezo emadodaneni akhe, wakhweza inyawo zakhe embhedeni, waphefumula okokucina, wasiwa kwabakibo.
expand_more
Search