Mphattuwelo49mgh_wbt

Ureeriha wa Yakopi

1Vano Yakopi aheehana asaanawe ni weerelaca: Mmwaace woono wiira kuuhimeryeni citthu cinhala wuukhumelelani uhoolo.
2Nthukumanace va wiira mwiiwe nyu asaana a Yakopi,mwiiwe inhimyawe Isirayeli, athumwaninyu.3Rupeni, we uri ntthaara naka,ikuru caka, nhokorokho woopacera wo mwiirutthuni mwaka,ootepa uttitthimihinya ni ootepa ikuru.4Unaviluwa toko maasi. Khunkhalana tho iyuulupalekontha we uhowela ikori ya athumwana;uhaawela amweettyaka ni uhaaveeha.5Simiyoni ni Levi ari ntthu ni munnaawe,ikatana caya nnyo ciri ikaruma cookhwiri.6Akintthuna upanka mphantte miruku caya nnyo,akintthuna ukhala mmikuttanoni mwaya mmokontha waviruwacilyaya aheeva atthu enci,nuusama waya nwo ahokwanyulaca ni uthikilaca mitinka imope.7Uhotakhaliya urusiya waya nwo wowoopiha,uhotakhaliya uviruwa waya nwo wookhwiri.Mi kinawaakawanihaca ilapo ya Yakopini kinawaamwarusela ilapo yo Isirayeli.8Yutta, asunnaa anaahala wulemeliha,ntata naa ninaahala wavara nsiko eenani aa,asaana a Yakopi anaahala umoromela Yutta wiitho wawe.9Yutta ri toko mwaakharamu,we, mwamwanaka, uneetta toko kharamu oovara.Unonkoma toko kharamu nlopwana ni unrupatoko kharamu nthiyana,tipani nohala woorya wuuwusa?10Nttontto wo omwene khunhala unkhuma Yutta,hata ikopo yo nlamulo khinhala unkhuma mmatatani mwa,mpaka ukati unhalawe uwa mwaneeneni uyo naahala ulemelihiya ni ilapo cothene.11Yooyo naahala untthukelela puuru awe wanrittani woolipa;ikuwo cawe naahala ukattha ni ivinyu,iphome yo uva inamwareela nkuwoni mwawe.12Miitho awe ankootepa uriipa woopwaha ivinyu.Miino awe utepa utteela woopwaha iphepa.13Sepulooni nokokhala nceresere ipharyaanipuro ninkelaya weemela apaketi,mipika cawe cinaphiya mpaka oSitoni.14Isakaari uri puuru ooliparupile iriyari mirintti cawe.15Oonaka wiira nipuro nimmumulawe nno niri nooreerani itthaya eyo iri yoocivela,makhata ayo ahokusa mirinttinuuvara miteko co makokoromwa.16Tani naahala waakihera citthu cikhanle coneethi awetoko nihimo phi nihimo no Isirayeli.17Tani nokokhala toko mwiikhomya unceresere iparapara,ivili inari nceresere iphiro,inluma ikottokottho yo khavaluni inammulusa ntthu nowela uyo.18Nyenyu Mwaneene Nluku,mi kinawehererya woopola winyu!19Kaate naahala wananiinya ikhotto ni miphwinko,nanso uyo phinhala waatthema ni woomolanihaca.20Meeca a Aseri anhala ucara coolya;Yooyo phinhala uvaha coolya co mamwene.21Nafitali ri toko naahe ookwattula muntthapweni,phimaana napanka isukuhuulu.22Yusufu uri mwiri wo mihokorokho,woomela nceresere iluusi,miritta caya nnyo cinavira waculu waya isiri.23Nuuviruwa wa anamyuupa uhomwaattakananaanvonyeraka myuupa caya nnyo wo nceece.24Nanso muura awe uyo khattinkihile,myoono cawe ciri cokuru ni cowoorya uvonya myuupa,mwanlattu wo ntata na muulupale a Yakopimwancina na nhakheli, mwala wo Isirayeli.25Mwancina na Nluku a athumwane, ookavihere we,Mwancina na Nluku Okuru Cotheneoovahe cinenne iparakha co wirimu,iparakha cowiiserya cinenne,iparakha cocaayira ni cootosa.26Iparakha ca athumwanecinapwaha iparakha co myako cookhalayi.Makhalelo o myako coohimalacennya iparakha nnya cothene cirwee mwiirutthuni mwa Yusufu.Cirwee uhoolo wawe ule aakhanle oomwalanihinya na asunnawe.27Pencamii ri toko mwiici wooluwawicisuru unakhura inama,ni ucoocilo unakawaniha yahanle.28Ari phi yaala ala apankile mahimo khumi na meeli o Israyeli. Ciicammo athumwanaya phaahimenryaya wowavahaca iparakha, avahiyaka khula ntthu iparakha camwaacile.

Ukhwa ni uvithiya wa Yakopi

29Wahoolo Yakopi ahaattonkela asaanawe eerelaka: Kihanle vakani urwaa wa amuci aka akhwile khalayi. Mwakivithe wamoca ni miyapaapa nnikhukuni niri imatta ya Foromi nHitiita.30Nikhuku niri imatta yo Makipela, vakhiviru ni uManree, uKanaa, imatta Aparahamu inthumanannyawe Foromi, nhitita, aaceraka wiira akhale mahiye a amuci awe othene.31Wonwo hovithiya Aparahamu na amwaarawe, Isaki na amwaarawe. Ciicammo wonwo kihonvitha Leya.32Ukhuma imatta eyo ni nikhuku niri mmattani mmo cothene aathumananinye ahitita.33Aanowiira amalihaka wattonkela asaana awe nnya citthu nnya, Yakopi aheecatalela nuukhwa. Vano aahovithiya wamoca na amuci awe.
expand_more
Search