ቃየላነ አበላ
1አዳመይ ባ ማቸ ሄዋንራ አቅስ። እያ ቃንታዳ አደ ናአ የላሱ። “ጎዳይ ታና ማድን አደ ናአ ደማስ” ጋዳ ቃየላ ጋዳ ሱንሱ።2እያ እሻ አበላ የላሱ። አበል ዶርሰ ሄሜስ ቃስ ቃየል ቢታ ኦስ።3ኡንደና ዎደፐ ጉየ፥ ቃየል ባ ጋደን ካፅዳ ካፈ ጎዳስ ያርሾ ያርሽስ።4ሽን አበል ባ ዶርሳ ዉድያ ግዶን ባይራ የለትዳይሳ ሹክድ እያ አሹዋፐ ሞ ባጋ ያርሽስ። ጎዳይ አበላነ እያ ያርሹዋ ኤክስ።5ሽን ቃየላነ እያ ያርሹዋ ኤክቤና። ሄሳ ግሾ፥ ቃየል ዳሮ ይሎትስ፤ እያ ሶምኦይ ምስ።6ጎዳይ ቃየላኮ፥ “አይስ ይሎታይ? ነ ሶምኦይ አይስ ምዴ?7ኔኒ ሎኦ ኦዳባ ግድያኮ፥ ነ ሶምኦይ ፓሽካ ግደኔ? ሽን ኔኒ ሎኦ ኦና እፅኮ፥ ናጋር ዶአዳ ነ ፐንገን ናጌስ። እ ነና ሃራናዉ ኮዬስ፥ ሽን ኔኒ እያ ፆናናዉ በሴስ” ያግስ።8ሄሳፈ ጉየ፥ ቃየል ባ እሻ አበላኮ፥ “አነ ደምባ በሲ ቦስ” ያግስ። ኤንቲ ደምባን ደእሽን፥ ቃየል ባ እሻ አበላ ቦላ ደንድድ እያ ዎስ።9ጎዳይ ቃየላ፥ “ነ እሻይ አበል አዉኔ?” ያግድ ኦይችስ። ቃየል ዛሪድ፥ “ታኒ ኤርከ፤ ታ እሻ ናገይ ታነዬ?” ያግስ።10ጎዳይ ቃየላ፥ “ሀይሳ አይስ ኦዲ? ሄኮ፥ ነ እሻ ሱይ ቢታፈ ታኮ ፅሎ ፕርዳስ ዋሴስ።11ኔኒ ባደትዳባ ግድያ ግሾ ቢታ ዛራዳ ኦናዉ ዳንዳአካ። ነ እሻ ዎዳሳ እያ ሱካ ቢታን ጉሳዳሳ።12ኔኒ ኦንካ ቢታይ ነዉ አይፈና፤ በተ አሳዳ ኔኒ ሳአ ቦላ ቶይላታዳ ዳቡራና” ያግስ።13ቃየል ጎዳኮ፥ “ነ ታ ቦላ ፕርድዳ ፕርዳይ ታ ዎልቃፈ ቦላ።14ኔኒ ታና ሀች ቢታፈ የደሳ፤ ነ ስንፈካ ሃሳሳ። በተ አሳዳ ታኒ ሳአ ቦላ ዳቡራና፤ ታና ደምያ ኦንካ ዎና” ያግስ።15ጎዳይ እያ፥ “ነና ኦንካ ዎና፤ ዎኮ፥ ታኒ ላፑን ቶሆ ሀሎ ከያና” ያግስ። ሄሳ ግሾ፥ እያ ደምያ ኦንካ ዎና መላ ጎዳይ እያ ቦላ ናግሶ ማላ ዎስ።16ቃየል ጎዳ ስንፈ ከይድ፥ ኤደነ ባጋፈ ዶሎሀ ባጋን ደእያ ኖዳ፥ቢታን ደእስ።ቃየላነ እያ የለታ
17ቃየል ባ ማቸራ አቅስ፤ እያ ቃንታዳ ሄኖከ የላሱ። ሄ ዎደ ቃየል ካታማ ኬፅድ፥ ሄ ካታማ ባ ናኣ ሱንን “ሄኖከ” ግድ ሱንስ።18ሄኖከይ ጋይዳ የልስ። ጋይድ ማኤላ የልስ። ማኤል ማቱሳኤላ የልስ። ማቱሳኤል ላመሀ የልስ።19ላመህ አዶነ ሲሎ ጌተትያ ናምኡ ማቾ ኤክስ።20አዳ ያባላ የላሱ። ያባል መሄ ሃርያነ ዱንካነን ደእያ አሳታ አዋ።21እያ እሻ ሱንይ ዩባላ። ዩባል ቃስ ዲ ዲፀይሳታነ ሱሱልኤ ፑንያ አሳታ ኡባ አዋ።22ሲላ ቃስ ቱባልቃይና ጌተትያ ናኣ የላሱ። ቱባልቃይን ናሰ ብራታፐነ ብራታፐ ዱማ ዱማ ሚሸታ ቆፀይሳታ አዋ። ቱባልቃይና ምችያ ናእሞ።23እስ ጋላስ ላመህ ባ ማቸታ፥ “አደ፥ ሲለ፥ ስእተ፤ ታ ማቸቶ፥ ታኒ ኦድያባ ሀይዝተ። እስ ፓን አደይ ታና ደችድ ማዱንፅስዳ ግሾ፥ ታኒ እያ ዎስ።24ቃየላ ሃሉዋ ከያናው ላፑን ኩሸ ኮሽኮ፥ ላመሀ ሃሉዋ ከያናው ላፑን ታማነ ላፑን ኩሸ ኮሼስ” ያግስ።ሴታነ ሄኖሳ
25አዳመ ማችያ ሀራ አደ ናኣ የላሱ። ያታዳ፥ “ቃየል ዎዳ አበላ ግሾ ፆሳይ ታዉ ሀራ ናአ እሚስ” ጋዳ እያ ሴታጋዳ ሱንሱ።26ሴት አደ ናአ የልድ እያ “ሄኖሳ” ግድ ሱንስ። አሳይ ጎዳ ሱን ፄግድ ጎይኖ ዶምዳይ ሄ ዎደ።