Amezwaru30rif_lti
1Umi teẓra Raḥil belli war dd-tiruw i Yaɛqub, tusem zeg učmas, tenna i Yaɛqub: “Ewc ayi tarwa! Mařa war teqbiřed, xenni ad mmteɣ.”2Ixeyyeq Yaɛqub x Raḥil, inna: “Ma aqa ayi necc deg wemcan n AREBBI, wenni xam iṭṭfen řɣiǧet n uɛeddis nnem?”3Tenna: “Aqa da tayya inu Bilha. Adef xas, ḥima ad dd-taruw x ifadden inu maḥend uřa d necc ad ɣari tiři tarrawt zzayes.”4Tewca as Bilha, tayya nnes, d tamɣart uca yudef xas Yaɛqub.5Teksi Bilha s ddeyset uca turuw-dd aḥenjir i Yaɛqub.6Tenna Raḥil: “Iwca ayi AREBBI tasɣart uca isřa ɛawed ɣari. Iwca ayi mmi.” X uya tegga as Dan.7Teksi Bilha, tayya n Raḥil, twařa nneɣni s ddeyset uca turuw-dd i Yaɛqub aḥenjir wiss tnayen.8Tenna Raḥil: “S imenɣan n AREBBI menɣeɣ ak-d učma uca ɣeřbeɣ.” Tegga as Naftali.9Umi teẓra Liya tessbedd tarwa, teksi Zilpa, tayya nnes, tewca i-tt i Yaɛqub d tamɣart,10uca Zilpa, tayya n Liya, turuw-dd aḥenjir i Yaɛqub.11Tenna Liya: “Mana řxir-a!” uca tegga as Jad.12Uca turuw-dd Zilpa, tayya n Liya, aḥenjir wiss tnayen i Yaɛqub.13Uca tenna Liya: “A sseɛd inu!”, minzi tibřiɣin ad ayi ḥesbent d sseɛd!” Uca tegga as Acir.14Deg wussan n tmeyra n irden iffeɣ Rubin uca yufa ‘titeffaḥin n tayri’ deg iyyar uca netta yiwy i-tent i Liya, yemmas. Xenni tenna Raḥil i Liya: “Ttzawgeɣ cem ad ayi tewced zi ‘tteffaḥin n tayri’ n mmim.”15Maca Liya tenna as: “Ma war iǧi drus ařami tiwyed aryaz inu, umi texsed ɛawed ad dd-tawyed ‘titeffaḥin n tayri’ n mmi?” Tenna Raḥil: “S uya ad iṭṭeṣ akidem ǧiřet-a x ‘tteffaḥin n tayri’ n mmim.”16Umi dd-iɛqeb Yaɛqub zeg iyyar s tmeddit, teffeɣ-dd Liya ɣares tenna as: “Ad xafi tadfed, minzi nican criɣ cek s ‘tteffaḥin n tayri’ n mmi.” Uca ammu i iṭṭeṣ akides ǧiret nni.17Isřa AREBBI i Liya uca teksi s ddeyset uca turuw-dd aḥenjir wiss xemsa i Yaɛqub.18Tenna Liya: “AREBBI iwca ayi řmunet inu x umi wciɣ tayya inu i weryaz inu!” Uca tegga as Issakar.19Teksi Liya ɛawed s ddeyset uca turuw-dd aḥenjir wiss setta i Yaɛqub.20Uca tenna Liya: “AREBBI iwca ayi ict n lbaraka tecna. Řexxu ad kidi izdeɣ weryaz inu, minzi urweɣ as-dd setta n iḥenjiren.” Uca tegga as Zabulun.21Awarni as turuw-dd taḥenjirt. Tegga as Dina.22Xenni idar AREBBI Raḥil uca isřa as AREBBI uca yarzem řemřawřet nnes.23Teksi s ddeyset uca turuw-dd aḥenjir, tenna: “Ikkes AREBBI řḥegra inu!”24Uca tegga as Yusuf, tenna: “Ad ayi yarni SIDI aḥenjir nneɣni.”
Řɛaḥd jar Yaɛqub d Laban25Řami dd-turuw Raḥil Yusuf, inna Yaɛqub i Laban: “Sekk ayi uca ad raḥeɣ ɣar dcar inu d temmurt inu.26Ewc ayi timɣarin inu d iḥenjiren inu min zi ɣarek xedmeɣ. Xenni ad ffɣeɣ. Aqa cek tessned řxedmet i zi tuɣa d ac ttsexxareɣ.”27Inna as Laban: “Mři ufiɣ řexxu arḍa di tiṭṭawin nnec. Aqa ẓriɣ s ijj n řeɛjeb belli SIDI ibarek ayi di ṭṭweɛ nnec.”28Yarni inna: “Ini ayi zeɛma man řmunet i texsed, uca ad ac tt wceɣ.”29Xenni inna as: “Cek tessned mammec d ac xedmeɣ d mammec uyureɣ ak-d řebhayem nnec zeg wami kic ǧiɣ.30Minzi drust i tuɣa ɣarek řexdenni qbeř i dd-usiɣ, aqa idweř deg waṭṭas, uca ibarek i cek SIDI deg iṣuraf inu. Xenni řexxu, meřmi zemmareɣ ad xedmeɣ i taddart inu?”31Inna as: “Min d ac i ɣa wceɣ?” Yarra-dd Yaɛqub: “War d ayi ttic walu, maca samḥ ayi aya waha, xenni ad dd-dewřeɣ ad arewseɣ uǧi nnec ɛawed uca ad ten ḥḍiɣ.32Ass-a ad ɛduɣ x marra taḥimart n wuǧi nnec. Egg cek x uɣezdis zzayes marra uǧi ibeqqḍen d iqarqacen, marra uǧi abarcan jar iḥuřiyyen d min iǧan d aqarqac niɣ s ibeqqiḍen jar iɣayḍen. Man aya ad yiři d řmunet inu.33Xmi dd ɣa tased deg ijj n wass n yimař maḥens ad tẓared řmunet inu, ad tban tsegda inu zzat i wudem nnec ammu nican: min war iǧin ibeqqeḍ niɣ min war iǧin iqqarqec jar iɣayḍen d min war iǧin d abarcan jar iḥuřiyyen, aqa ad ittwaḥseb ittwacar jar min iǧan inu.”34Xenni inna Laban: “Xzar, aqa ad yiři am mammec i d ayi tennid!”35Deg wass nni ifarq iwetman n iɣayḍen icarḍen d iqarqacen uřa d marra tiɣayḍtin ibeqqḍen d iqarqacen, d marra inni di teǧa temřeř, uřa d marra min iǧan d abarcan jar iḥuřiyyen, uca issars i-ten deg ufus n iḥenjiren nnes.36Xenni igga třata n wussan n webrid jar ixef nnes d Yaɛqub. Uca yarwes Yaɛqub uǧi iqqimen n Laban.37Xenni iksi Yaɛqub tiseḍwin n ṣṣefṣaf u zi tcejjart n ǧuz u zi tcejjart n dulb. Netta iqeccar i-tent d iceṭṭiḍen d icemřařen umi iɛarra x ucemřař n tseḍwin.38Issars tiseḍwin-a iqeccaren qibač i wuǧi di taryiwin d řeqwareb mani dd-usin wuǧi maḥend ad swent uca dewřent ttweḥḥament xmi dd-tasent ad wardent.39Xmi i ɣa iweḥḥem wuǧi ɣar tseḍwin, urwent-i-dd tɣarṭin min icarḍen d min ibeqqḍen d min iqarqacen.40Xenni tuɣa ibeṭṭa Yaɛqub iḥuřiyyen uca yarra uǧi s uzeǧif nsen ɣar min icarḍen d min iǧan d abarcan jar wuǧi n Laban. Uca igga tiḥimriwin nnes ɣar uɣezdis, war tent iggi ak-d wuǧi n Laban.41Kuř amuř xmi ttweḥḥament tinni ijehden zeg wuǧi, ittegg Yaɛqub tiseḍwin qibač i wuǧi di taryiwin, ḥima ad weḥḥment ɣar tseḍwin.42Maca war tent issars ca ak-d tenni iḍeɛfen jar wuǧi. Ammu tuɣa tinni iḍeɛfen i Laban u tinni ijehden i Yaɛqub.43Uca imɣar wagřa n weryaz-a břa qeṭṭu. Tuɣa ɣares aṭṭas n wuǧi d tiyya d isemɣan d iřeɣman d yeɣyař.
Řɛaḥd jar Yaɛqub d Laban25Řami dd-turuw Raḥil Yusuf, inna Yaɛqub i Laban: “Sekk ayi uca ad raḥeɣ ɣar dcar inu d temmurt inu.26Ewc ayi timɣarin inu d iḥenjiren inu min zi ɣarek xedmeɣ. Xenni ad ffɣeɣ. Aqa cek tessned řxedmet i zi tuɣa d ac ttsexxareɣ.”27Inna as Laban: “Mři ufiɣ řexxu arḍa di tiṭṭawin nnec. Aqa ẓriɣ s ijj n řeɛjeb belli SIDI ibarek ayi di ṭṭweɛ nnec.”28Yarni inna: “Ini ayi zeɛma man řmunet i texsed, uca ad ac tt wceɣ.”29Xenni inna as: “Cek tessned mammec d ac xedmeɣ d mammec uyureɣ ak-d řebhayem nnec zeg wami kic ǧiɣ.30Minzi drust i tuɣa ɣarek řexdenni qbeř i dd-usiɣ, aqa idweř deg waṭṭas, uca ibarek i cek SIDI deg iṣuraf inu. Xenni řexxu, meřmi zemmareɣ ad xedmeɣ i taddart inu?”31Inna as: “Min d ac i ɣa wceɣ?” Yarra-dd Yaɛqub: “War d ayi ttic walu, maca samḥ ayi aya waha, xenni ad dd-dewřeɣ ad arewseɣ uǧi nnec ɛawed uca ad ten ḥḍiɣ.32Ass-a ad ɛduɣ x marra taḥimart n wuǧi nnec. Egg cek x uɣezdis zzayes marra uǧi ibeqqḍen d iqarqacen, marra uǧi abarcan jar iḥuřiyyen d min iǧan d aqarqac niɣ s ibeqqiḍen jar iɣayḍen. Man aya ad yiři d řmunet inu.33Xmi dd ɣa tased deg ijj n wass n yimař maḥens ad tẓared řmunet inu, ad tban tsegda inu zzat i wudem nnec ammu nican: min war iǧin ibeqqeḍ niɣ min war iǧin iqqarqec jar iɣayḍen d min war iǧin d abarcan jar iḥuřiyyen, aqa ad ittwaḥseb ittwacar jar min iǧan inu.”34Xenni inna Laban: “Xzar, aqa ad yiři am mammec i d ayi tennid!”35Deg wass nni ifarq iwetman n iɣayḍen icarḍen d iqarqacen uřa d marra tiɣayḍtin ibeqqḍen d iqarqacen, d marra inni di teǧa temřeř, uřa d marra min iǧan d abarcan jar iḥuřiyyen, uca issars i-ten deg ufus n iḥenjiren nnes.36Xenni igga třata n wussan n webrid jar ixef nnes d Yaɛqub. Uca yarwes Yaɛqub uǧi iqqimen n Laban.37Xenni iksi Yaɛqub tiseḍwin n ṣṣefṣaf u zi tcejjart n ǧuz u zi tcejjart n dulb. Netta iqeccar i-tent d iceṭṭiḍen d icemřařen umi iɛarra x ucemřař n tseḍwin.38Issars tiseḍwin-a iqeccaren qibač i wuǧi di taryiwin d řeqwareb mani dd-usin wuǧi maḥend ad swent uca dewřent ttweḥḥament xmi dd-tasent ad wardent.39Xmi i ɣa iweḥḥem wuǧi ɣar tseḍwin, urwent-i-dd tɣarṭin min icarḍen d min ibeqqḍen d min iqarqacen.40Xenni tuɣa ibeṭṭa Yaɛqub iḥuřiyyen uca yarra uǧi s uzeǧif nsen ɣar min icarḍen d min iǧan d abarcan jar wuǧi n Laban. Uca igga tiḥimriwin nnes ɣar uɣezdis, war tent iggi ak-d wuǧi n Laban.41Kuř amuř xmi ttweḥḥament tinni ijehden zeg wuǧi, ittegg Yaɛqub tiseḍwin qibač i wuǧi di taryiwin, ḥima ad weḥḥment ɣar tseḍwin.42Maca war tent issars ca ak-d tenni iḍeɛfen jar wuǧi. Ammu tuɣa tinni iḍeɛfen i Laban u tinni ijehden i Yaɛqub.43Uca imɣar wagřa n weryaz-a břa qeṭṭu. Tuɣa ɣares aṭṭas n wuǧi d tiyya d isemɣan d iřeɣman d yeɣyař.