Popodalaina30lga_sco

1Totonai i Resolo sa batia sake vapore vania na koburu si Jekopi, poni sa sa konoa sa na tugana rereko. Ko pira saunia si Jekopi, Kei! <<Mu vaporenisiu na koburu, minake vei sa kode mana matequa,>> sau.2Poni sa tagigirinia i Jekopi si Resolo ko pira saunia, <<Ara sa na Tamasa isa sa aru mulenia tamu na vuana na iapa?>> sau.3Poni pira sau si Resolo, <<Ego vei, ina ropi i Biliha na qua nabulu rereko. Mu tome nagoa ko mi boka vapodo vanisiu na koburu ko ara mana boka roitinia kai tatamana,>> saunia.4Ko sa vania ko mi maqotana i Jekopi si Biliha nona nabulu rereko. Ko sa tome nagoa i Jekopi sisa,5ko sa bogata sisa ko sa vapodo vania kai tuna marene si Jekopi.6Poni pira sau si Resolo, Na Tamasa sa pitu ruvatasiu beto sa nongoria tugu vei na ovovelequ ko sa vanisiu kai koburu marene, sau. Ko sa vei sa sa vaisongonia i Resolo i Dani sisa.7Beto sa kai bogata ligu mule si Biliha na nabulu rereko tai Resolo ko sa vapodoa vania i Jekopi na vinarua marene.8Poni pira sau si Resolo, <<Na vaitoregasa tai Tamasa sa qa toregasania na tugaqu ara ko kopira qa lenonia ara,>> sau. Ko sa vei sa sa vaisongonia i Naputali isa sisa.9Totonai sa batia i Lia sa nogoto teku koburu sisa, sa tekua si Zilipa nona nabulu rereko ko sa vania isa si Jekopi ko mi maqotana saunia.10Poni sa i Zilipa na nabulu rereko tai Lia sa vapore vania kai tuna marene si Jekopi.11Poni sa pira sau si Lia, <<Beko vavagua jola mutu,>> sau. Ko sa vei sa sa vaisongonia i Qadi isa sisa.12Ego beto sa, i Zilipa na nabulu rereko tai Lia sa vapodo vania mule na marene vinarua si Jekopi.13Poni sa pira sau si Lia, <<Qa qera vivitigi sara ko ira na rereko kode mai kukunisiu Qera,>> sau sisa. Ko sa vei sa sa vaisongonia i Asa isa sisa.14Pa totoso abu vakamu vuiti, sa i Rubeni sa batiria sa kaki buburu roro pa inuma ko sa pogoso kamu vania i Lia na tinana. Poni sa pira saunia i Resolo si Lia, <<Bu vanisiu kaki buburu roro sa tekuria na tumu marene,>> saunia.15Sa pira sau si Lia, Ago! <<Qu tei teku variunisiu tu sa na marenequ. Ko kopira muna teku variunia mutu sa na buburu roro tana tuqu marene?>> sau. Poni pira sau si Resolo, <<Ego vei sa isa mi puta tavitigo ao kode bongi na lipuna na buburu roro tana tumu marene,>> sau sisa.16Ko totonai sa tome lame si Jekopi koko pa mumuqu na vevelu poni, sa votu lao si Lia ko sa gosoria sisa beto pira saunia, <<Ara sa muna puta tavitisiu ao.>> Sau sisa. <<Ura qa tei tabaranigo tu na buburu roro tana tuqu marene ara sao,>> sau. Ko na bongina sa i Jekopi sa puta tavitia si Lia.17Ego sa nongoria na Tamasa sa na nyorogua tai Lia ko sa bogata sisa ko sa vapore vania na tuna marene vinalima si Jekopi.18Poni sa pira sau si Lia, <<Na Tamasa sa vanisiu na tabaraqu na laena qa vania na qua nabulu rereko sa na marenequ, sau>> sisa. Ko sa vei sa sa vaisongonia i Isika isa sisa.19Ego sa bogata soga mule si Lia ko sa vapodoa vania na tuna marene vinavonomo si Jekopi.20Poni sa pira sau si Lia, <<Na Tamasa sa vanisiu kai vaivana poreveveina. Kopira alepi na marenequ sa kode mina valavatasiu, ura qa vapore vania ka vonomo marene,>> sau sisa. Ko sa vei sa sa vaisongonia i Zebuluni isa sisa.21Pa liguna lao poni sa vapodoa kai tuna rereko si Lia ko sa vaisongonia i Dina.22Ego sa roqu kamua na Tamasa si Resolo, beto sa nongoria na Tamasa sisa ko sa revangia sa na iapana.23Ko sa bogata ko sa vapodoa i sa sa kai tuna marene beto pira sau, <<Na Tamasa sa teku pale na qua kea,>> sau sisa.24Sa vaisongonia i Josepa sisa, beto pira sau, I Iahova mi tamo vanisiu mule kai tuqu marene, sau.

Na Gogodo Sipi Tai Jekopi Qai Vovonu

25Pa liguna i Resolo sa vapodoa si Josepa, sa pira saunia i Jekopi si Labani, <<Ai vei bu vamalumusiu ko ba boka mule lao pa qua ia beto pa qua peso.26Mu vanisiu karu maqotaqu beto ira na qua koburu ira qa roiti tale vanigo ko ma taloa riu,. Ura qu gigilaimua ao sa na roiti qa roiti vanigo ara,>> sau.27Poni pira saunia i Labani sisa, <<Vei bu qeranisiu ara sao, sa bu suvere qau. Qa batia pa vinagila ara sa, i Iahova sa mananisiu ara pa laemu gu ao,>> saunia.28Beto pira sau, <<Mu pojanisiu na tabaramu ko ma vanigo ara,>> sau.29Beto pira saunia i Jekopi sisa, <<Qu gigilaimua ao sa ai qa roiti veini vanigo ara sao beto ai qa vasoku veini vanigo ara sira na mua papausu.30Ura ka vivisa qu isongia ao tonai qa oqoro kamu ara lani sa kopira qai vovonu vasoku, beto i Iahova sa mananigo sao pai ketakoi sa tete na nenequ ara ko kopira ai totoso mana boka roiti vania na qua tatamana sara?>> sau sisa.31Poni pira sau si Labani, <<Na sa sa mana vanigo ao?>> sau. Sa oe si Jekopi, pira sau, <<Munake vanisiu tu kai sa.>> <<Goto isa ma tepanigo ara ao kopira sa mu roiti vanisiu, ko ara ma kole tugu dodogororia beto kopuniria ara sa na gogodo sipi tamu.32Mu vamalumusiu ko pa ngeni alepi, ba lekogo doro betoria ara sa doru gogodo sipi tamu beto ko ba pikata varijoria sira doru sipi qai kikirikoti babi tototu, doru tuni sipi kukudedi beto doru qoti qai tototu babi kikirikoti. Mi isa gu sa na tabaraqu ara.33Na tuvisi taqu pa ngeni sa mina ule tokanisiu vuka risa totonai muna lao kamuria ao sira vei qu tabaranisiu. Ira doru qoti vei qaike kikirikoti babi tototu beto na tuni sipi qaike kukude taqu sa muna doro veiniria na taikodi gu sira,>> sau sisa.34Poni pira sau si Labani, <<Vavagua!>> <<Mi vei isa qu pojai ao,>> sau.35Pa ranena tugu isa sa varijoria i Labani sa doru qoti marene qai gagasi babi qai tototu beto doru qoti rereko kikirikoti babi qai tototu (doru kekekadi) beto doru tuni sipi kukudedi beto ko sa vakopuniria ira na tuna marene.36Beto sa vakole vaipikatainiria padana kue rane lelekogo sa mekana beto i Jekopi beto ko i Jekopi sa kole dogoro kopuniria sa doru sipi kole joladi tai Labani.37Ba i Jekopi sa likoto tekuria sa na kae gou popola; na gou alimodi, na gou peleni beto sa lida gasi vagigilaria sa na kopodi na kae gou ko totonai sa dosi teku pale na kopodi poni sa sa votu sa na kekana na gou.38Beto sa vakoleniria pa leona na ia bubukudi tadira na sipi sira na kae gou tadosidi pa ia vei qai lame buku poni sa qai bata tariria sosoto sau. Ko totonai qai korapa nyorogua vaipapa ko qai lao buku qarigu sa na sipi,39poni sa qai vaikesa pa moedi na kae gou. Poni qai vapodoria sa na tuni sipi gagasidi beto na kikirikotidi beto na tototudi.40Ko i Jekopi sa pikata kaleniria sira na tuni sipi beto ira doru kole joladi sa sa vagabala lao veiniria pana sipi gagasidi beto na kukudedi tai Labani. Ko sa pikata kaleniria isa sira nona papausu ko sake vaisomanainiria pa sipi tai Labani.41Tonai vei bai nyorogua vaipapa sira na sipi rereko sisibadi, poni sa i Jekopi sa gigila vakoleria sa na kae gou pa leo ia bubukuna tadira na sipi pa moedi na sipi ko qai vaikesa tata pa kaedi na gou sau,42ba vei bi batiria sira na sipi mamaleidi, poni sa sake vakoleria sa na kae gou. Ko ira na sipi mamaleidi sa qai lao vei tai Labani goto ira na sisibadi sa qai lao tai Jekopi.43Ko pa soana vei api sa, i Jekopi sa pururu votu ko sa kai tinoni isisongona jola ko sa isongoria soku sipi, ira na nabulu rereko, ira na nabulu marene, ira na kameli beto ira na dongiki.
expand_more
Search