UNGGUTINGA25met_wbt

Ebraham Matianoa

1Ebraham yau haing tela muli yanoa Ketura.2Hayau garadi li na Ebraham: Simran, Yoksan, Medan, Midian, Isbak xaung Sua.3Yoksan Seba Dedan tang tibuding. Dedan bakbakingdi Asurdi, Letusdi xaung Leumdi.4Midian garandi Epa, Eper, Hanok, Abida xaung Elda. Ding longga Ketura bakbagindi.5Ebraham sina xalinging longgalo na Aisak.6Ne garadi haining oxatamdi dahayaudi ba, sina yahangadi nadi saing bungina wauyu soxidi mala sangua garanoa Aisak, soxidi mala titia wa sanga karagia.7Ebraham wa laing nianindi 175.8Baing ina naga, yaganganoa sup saing mati bungina muganga. Duanga, nianindi dibaxagi, saing kinu rangua mugangandi.9Garang Aisak Ismael tang dikimang guhia wa Makpela, longga Mamre sanga karagia. Guhia ba wa mana Epron titinoa, Sohar garanoa, lipu Hitam.10Titia ba, Ebraham gim rangua Hitdi ba. Dikimang la ba rangua haininoa Sara.11Kimuya mana Ebraham matianoa, Urana sina guxama na garanoa Aisak. Mana bungina baguba, Aisak wa mana Ber-Lahai-Roi.

Ismael Bakbagindi

12Ismael bakbagindi bila li. Ebraham garanoa. Haing Isikpama Hagar, Sara haining oxata olanggama, hayau na.13Ismael garang lupdi yadingdi bila li. Ungguti mana matuaua ila mari. Nebaiot Ismael garang matuaua, kimuya Kedar, Atbel, Mipsam,14Misma, Duma, Masa,15Hadat, Tema, Yetur, Napis xaung Kedema.16Ismael garang lup 12 disok yanamdi mana bakbak 12 ba daxap yadingdi. Taining tainina ding ganangading xaung tabalaxayading.17Ismael wa laing nianindi 137. Yaganganoa sup saing mati, saing kinu rangua mugangandi.18Bakbagindi dirung mana titia liwe mana Habila xaung Sur, haxek mana Isip bila sanga Asur wa mana. Baing bakbakkadi li dirung xai rangua ding te.

Yekop Iso Tang

19Ebraham garanoa Aisak bakbagindi bila li. Ebraham Aisak tibuna.20Aisak nianindi 40 baing yau Rebeka. Rebeka tibuna Betuel, Aram tela yabanoa Padan-Aram. Rebeka moxongonoa Laban, lipu Aramgam.21Aisak sabu na Toxoratamona ba hauli haininoa, namua na xuhiana. Toxoratamona lungu sabunganoa, saing Rebeka gamona.22Garadi dahaung lunia, saing harua ba, “Baruta alali sok manga?” Binabu ila ba xusunga Toxoratamona.23Toxoratamona harua na ba,
“Numanuma luwa duwa gamomia,saing bakbak luwa bagula disok sanguaung, dutu ding.Bakbak tela haringinganoa bagula dali tela,saing sabangua bagula tuxu kixinginoa oxatanoa.”
24Tauna, xaidap hayauxingama sok, baing gara haragaragangandi duwa gamonia baing.25Gara mugamungama sok sabuxana, saing sangganoa bukbuxana bila imang buxama. Binabu duxu yanoa ba Iso.26Sup, baing kixinginoa sok, rimanoa tuxu Iso king tambonga. Binabu duxu yanoa ba Yekop.Aisak nianindi 60 bungina Rebeka hayau haragaraganganadi ba.

Iso Yunga Yabang Matuaua Mala Rangua Yekop

27Neng sabangandi ditubu, baing Iso ruanginoa yabina, lipu onganam. Ne Yekop lipu mamugina, wa tabalaxaya(u).28Aisak muruna mana Iso, namua na yaha ba xang asaxa abungindi xapdi. Ne Rebeka muruna mana Yekop.29Xaidap tela Yekop bori, baing Iso goxoya ongania ma. Haringinganoa sup saing gesaging sibuna.30Harua na Yekop ba, “Sap! Oxop axamang sabuxana ubori ba ma bu ngaxang. Haringingagu sup saing gesagu sibuna.” (Binabu duxu yan tela ba Idom.)31Ne Yekop harua ba, “Sangau, ne muga uyunga yabama matuaua mala rangua nga to.”32Iso harua ba, “Laku, ngabo ba ngamatiuba! Yabagu matuaua sanga ba hauli nga baru?”33Ne Yekop harua ba, “Uhau haruangua rangua nga to.” Binabu hau haruangua rangua saing yunga yabang matuaua na Yekop.34Baing Yekop sina salanga na Iso xaung anginga boringam sabuxana tongtongia mana lentil marandi.Xang nung, baing mesa ilauba. Bila balau Iso hatanga ba yabang matuaua axamang olang hatumingania.
expand_more
Search