Sarah ilweyel
1Sarah aherrety 127 anenh, apmer Kiriath Arba ilwemel-antey ikwer-itwek-antey. Apmer itna ingweran Hebron, Canaan-itwek.3Abraham rarl amperrngirrek ikwer. Ikwer-penh Abraham Hitt-kenh-rnem-warl alhek, ra renh-rnem ayerney-alhek,4“Ayengan alethang. Nthenhek atha anew atyenh arrewaly akwernem? Apmer mwerr ngay ntwa akely atyenh anthem?”5Rernem angkek, “Ngarl Atyetyart ilkwan intey nthenhek ngarl arlkwententyelan? Kel, ntwa intey yanhek anew ngkwenh arrewaly akwerna.”7Abraham angkek, “Ephron ayernerr-arey intey renh parrik impalth-itwek tharlemiletyek. Atha man ilkwan anthem, arrantherr ayenh ingkerrel aytaretyek, atharl anthem.”10Ephron apmerek-artwey, artwa Hitt-kenh apmer tern ilkwa arriw-itwek-antey anenh. Abraham-el apmer ikwer ayernek.11Ephron angkek, “Kel, intey atha anthey, ingwerel-rneman ngenh aytaremel ntwarl atyeng-they intey ineman.”12Abraham angkek, “Man ilkwa innga atha ngenh anthem, arraty-angkwarr.”14Ephron ra ilek, “Menty! Thilp 400 ntwa payemeley-areny inteyekey! Arwa ngkweng aknga, man-weny. Atha ngenh menty anthek, man-weny-anem.”16Abraham-el artwa Hitt-kenh 400 thilp anthek, artwa akngerrel aytarek-angkwarr. Alakenh Abraham-el apmer Ephron-kenh payemelek ikwerant-anem, ikwerenh-rnem-akert, intey-akert, arrewaly renh akwernetyek. Apmer ranap arwerl-angketyarr.19Abraham-el anew ikwerenh intey ikwer-itwek akwernek, rarl payemelek-itwek, Hitt-kenh-rnem-itwek.