Godthu bäpay bokmar bukmak nhä malany warrpam (The Story of Creation)
1Ŋäthi Inydja ŋunhi, balanyamirriy ŋunhi yaka muka yan dhuwal wäŋa munathany maiŋ'thuna, God Waŋarr gan nhinan, ŋayipi waŋgany yan. Bala yan ŋayi Godthu bokmara dhuwal wäŋa munathany, ga gapu ga djiwarr'nha.2ŋunhi ŋayi ŋäthilnydja malŋ'thurr dhuwal munathany wäŋa buyuwuyu muka yan, ŋula nhämiriw muka, gapuy gan yan ŋapa-dhurrthurryurr. Ga munha'yiirr gan dhärranhany warrpam, munhay gan gungaŋal ŋunhiyi gapunhany. Ga wata gan marrtjin djiwatjiwa; ŋunhiyiny wata nhanŋuwuynha Godkun yan Walŋamirra Birrimbirr, wuŋi'wuŋijjyurrnydja gan ŋuliwitjarryi ŋapakurrnydja gapukurr.3Bala ŋuliŋuryiny God waŋanan bitjarr, “Ma'! Badayala'yin!” bitjarr. Bala yuwalkthi badayala'yinan dhuwal wäŋany.4Bala ŋayi Godthu nhäŋalnha ŋunhiyi badayalany', bala manymak lakaraŋala. Bala yan ŋayi gänaŋ'maraŋala badayala'nhany beŋur buku-munhaŋurnydja,5bala ŋayi yäku nhirrpar munhanhany munhawun. Ga munhany djuḻkthurr, bala djaḏaw'yurr godarr'nha, ga ŋunhiyiny munha ŋurruŋu.6Bala ŋayi Godtja waŋanan bitjarrnha, “Garrwarnydja dhu ga dhärra balanya nhakun bala'pala, bala dhu gapuny gulkmaranhamirra märrma'lila,” bitjarr. Bala yuwalkthin garrwarnydja maiŋ'thurra. Godthu djäma nhakun bala'palakuŋal, bala ŋayi gulkmaraŋal gapunhany, märrma'kuŋala, bala rulwaŋdhurr ḏiltji-ḏuwat bala'palaw, garrwar gal'ŋu, ga wiripuny gapu dhipal banydjiwal munatha'lil, ŋoylil bala'palalil.8Bala ŋayi Godthu yäku nhirrparnydja bala'palanhany garrwarnha. Ga munhany djuḻkthurr, bala djadaw'yurr goḏarr'nha, ga ŋunhiyiny wiripuŋuynha munhay,9Bala God waŋan bitjarr, “Dhuwal gapu ŋunhi ga bulyun dhiyal munatha'ŋur, dhuwaṉḏja dhu yiwupthunna waŋganylila, märr dhu ga wäŋa ŋarakany dhärra baṉḏanynha yan,” bitjarr. Bala yan yuwalkthi ŋunhi majŋ'thurra munathany wäŋa, ga gapuny ŋunhi yiwupthurra waŋganylila.10Bala Godthuny yäku-nhirrparnha ŋarakany wäŋa munathan. Ga yiwupthunawuynydja gapu ŋayi yäku nhirrpar moŋuknha. Bala ŋayi goŋmirriyinan nhäŋalnydja ŋunhiyi nhanukiyinguŋ djämapuynydja, bala manymak lakaraŋalnha.11Bala ŋayi Godtja waŋan bitjarr, “Dhiyalnydja wäŋaŋur munatha'ŋur dhu ga dharrwan dharpany mala ŋuthan, borummirr dharpa ga mulmu malany maŋutjimirr.” Bala maḻŋ'thurra yan.12Yo, ga bukmaknha ŋunhi dharpany malany ŋutharnha dhiyal munatha'ŋurnydja, wiripuny ŋathamirra dharpa mala ga mulmu, ga wiripuny borummirriyinan dharpa mala. Bala ŋayi Godthuny goŋmirriyinan nhäŋalnydja, ŋamakurr lakaraŋala mirithinan.13Ga munhany djuḻkthurr, bala djaḏaw'yurra goḏarr'nha. Ga ŋunhiyiny bitjarryi wiripuŋuynha munhay.14Bala ŋayi God waŋan bitjarr, “Baḏayalany' dhu ga dhärra garrwarnydja, märrma' yindi maṉḏany, bala gänaŋ'maraman maṉḏany dhu waluny ga munhany. Dhiyaŋuny dhu ga baḏayalay' lakaram, barrkuwatjkuman dhu ga maŋutji-lakaram waluny ga dhuŋgarrany ga ŋula nhaku malaŋuw buku-ḻuŋ'maranhaminyarawnha.” Bitjarr ŋayi God waŋanany.15“Bala maŋḏa dhu ga djeŋarra'yaman beŋur garrwarŋurnydja dhipal munatha'lilnydja.” Bala yan yuwalkthi maḻŋ'thurra.16Yo, bili Godthu bitjarryiny bokmar märrma' yindi baḏayala' maṉḏany; waluny ŋayi djäma walu-ŋupanaraw nhinanharaw, ga ŋaḻindiny ŋayi djäma munha-ŋupanaraw nhinanharaw, ga bulu ganyuny ŋayi djämayi.17Ŋayi nhirrparnydja ŋunhiyi malany garrwarlil, märr walal dhu ga baḏayala'kum räli munatha wäŋa,18yan badayala'kunharaw walu-ŋupanaraw ga munha-ŋupanaraw, nhakun gänaŋ'maram ga waluny beŋur munhawuŋur. Bala ŋayi Godthu goŋmirriyinan nhäŋalnydja ŋunhiyi nhanukiyinguŋ djämapuynydja, bala manymak lakaraŋala ŋayi.19Ga munhany djuḻkthurr, bala djaḏaw'yurra goḏarr'nha. Ga ŋunhiyiny bitjarryi wiripuŋuynha munhay.20Bala ŋayi God waŋan bitjarr, “Dharrwan dhu ga guyany mala ŋorra, ga ŋula nhäny mala ŋunhiliyi gapuŋurnydja, ga wäyin dhu ga buṯthunna ŋula garrwarkurrnydja,” bitjarr.21Bala yuwalkthi ŋunhi maḻŋ'thurrnydja ŋunhiyiny mala. Godthu bitjarryi bokmar ŋunhiyiny mala. Godthu bitjarryi bokmar dilkurrunhany gal'ŋu guyany, ga yumurrku mala, ga wiripuŋuny ga wiripuŋuny nhä mala ŋunhi ga ŋorra gapuŋur; ga bulu wäyinnha ŋayi bokmaryi wiripu ga wiripu mala buṯthunamirriny. Bala ŋayi goŋmirriyinan nhäŋalnydja ŋunhiyi nhanukiyinguŋ djämapuynydja, bala ŋayi manymak lakaraŋalnha.22Bala ŋayi Godtja waŋanan, nhakun goŋmirriyaŋala walalany, “Nhuma nhä malany ŋunhi nhuma ga nhina gapuŋur, nhumany dhu bulun dharrwathirr, dhaŋaŋdhirra dhu bulun gapuŋurnydja. Ga nhuma warrakan mala buṯthunamirr dhu bitjaṉḏhi bili mala-bunhamirr, dharrwathirr dhu bulun malany,” bitjarr ŋayi God waŋanany.23Ga munhany djuḻkthurr, bala djaḏaw'yurr goḏarr'nha. Ga ŋunhiyiny bitjarryi wiripuŋuynha munhay.24Bala ŋayi God waŋan bitjarr, “Dhiyal munatha'ŋurnydja dhu ga nhina wiripu wiripu warrakan mala, yutjuwaḻa warrakan ga ḏilkurr, goŋmirr ga wakinŋu warrakan,” bitjarr. Bala yuwalkthin ŋunhi bitjarryiny maḻŋ'thurrnydja.25Yo, Godthu bitjarryi bokmarnydja bawalamirra warrakan'nhany malaŋuny, yumurrkuny ga ḏilkurruny. Bala ŋayi Godthuny goŋmirriyinan nhäŋalnydja ŋunhiyi nhanukiyinguŋ djämapuy, bala manymak lakaraŋala.26Ga ŋuliŋuryiny dhurrwaraŋur ŋunhi ŋayi bokmar nhä malany, bala ŋayi God waŋan bitjarrnha, “Dhiyaŋuny bala limurr dhu dhuwal djäma yolŋunhan; yurr ḻiyamirra ŋayiny dhu, balanyan nhakun limurruwuy, märr ŋayi dhu ga guyaŋan ga mala-djarr'yunna. Ŋilimurr dhu nhirrpaṉḏja yolŋuwala goŋlilnydja bukmak ŋunhi nhä mala ŋarrakuŋ bokmanawuy, guya ga warrakan mala, buṯthuna-mirriny ga marrtjinyamirriny ga gaḻ'yunamirriny warrakan'nha, goŋmirriny ga wakinŋuny, ḏilkurruny ga yumurrkuny; bukmak yan dhu dhuwaliyi warrakan'tja mala yolŋuwala djägaŋur,” bitjarr Godtja waŋan.27Bala ŋayi Godthuny djäma yolŋunhan; ŋayi ŋanya djämany yolŋunhany ḻiyamirryaŋal, bitjarr bili nhakun ŋayipi, märr ŋayi dhu ga guyaŋan ga mala-djarr'yunna. Djämany ŋayi yolŋunhany maṉḏany, ḏirramuny ga miyalknha.28Bala ŋayi God waŋanan maṉḏaŋgal, goŋmirryaŋala manapar maṉḏany, “Nhumalaŋguŋuny dhu mala-bunhawuy dharrwan mirithirra djamarrkuḻiny', märr walal dhu ga nhumalaŋguŋ mala-bunhamirra, ḻatjuwarr'yunna dhu wäŋalila malaŋulil, bawalamirrilila, bala walalnha dhu ga goŋdhuny ŋayatham wäŋanhany dhuwal munatha'nhany. Ga bitjaṉḏhi bili ŋarra nhumalany ga yolŋu'-yulŋunhany waṉa-nhirrpaṉḏhi bukmakku warrakan'ku malaŋuw ŋunhi ga marrtji'-marrtji gapukurr ga munatha'kurr ga garrwarkurr.”29Ga bulu God waŋan maṉḏaŋgal, rom nhirrpar yolŋuwalnydja maṉḏaŋgal bitjarr, “Rulwaŋdhurrnydja ŋarra dhuwal borumdja mala wiripu wiripu ga ŋathany nhumalaŋ yolŋu'-yulŋuwnydja Jukanharaw,30yurr warrakan'kuny yumurrkuw ga ḏilkurruw ga buṯthunamirriw warrakan'ku ŋarra rulwaŋdhurr dharpapuy marwat ga mulmu walalaŋguny ŋatha.” Bala yuwalkthin majŋ'thurra gan.31Ga Godthu nhäŋalnydja ŋunhiyi warrpam' nhä mala ŋayi djäma, bala ŋayi märr-ŋamathinan nhäŋalnydja, manymak lakaraŋala. Ga ŋunhiyiny bitjarryi wiripuŋuynha munhay.