Read እዝራ ማፃፋ 6

እዝራ ማፃፋ6gof_etw

ዳርዮሳ አዋጁዋ

¹ሄሳ ግሾ፥ ካዎይ ዳርዮሳ ኪታን፥ ባብሎነ ደእያ ሚሸ ዎያ ኬን ደእያ ታርከ ማዝጋበታ ኮይዶሶና።²ሜዶና አዉራጃን አህማታ ካታማን እስ ፃ ማፃፍ በንትስ፤ ሄ ማፃፋን ፃፈትዳባይ ሀይሳዳ ያጌስ፦³“ካዎይ ቅሮስ ባ ካዎትዳ ኮይሮ ላይን፥ የሩሳላመን ደእያ ፆሳ ኬ ግሾ፥ ሀይሳዳ ግያ አዋጆ ከስስ። ፆሳ ኬይ ያርሾ ሺሽያ በሲ ግድድ ዛር ኬፀቶ፤ እያ ባሶይካ የገቶ። ሄ ኬ አዱሳተይ ኡሱፑን ታሙ ዋ፥ ዳልጋተይ ኡሱፑን ታሙ ዋ ግዶ።⁴ሄ ቶሆ ግታ ሹቻን ዩሾ፥ እስ ቶሆ ም ቱሳት ዩዮ። ሄሳስ ኮሽያ ሚሸ ኡባይ ካዎ ሻሎ ምንጅያ ኬፈ እመቶ።⁵ናቡካዳናፆር የሩሳላመን ደእያ ፆሳ ኬፈ ኤክድ፥ ባብሎነ ኤህዳ ፆሳ ኬ ዎርቃነ ብራ ሚሸት ባንታ በሳ ጉየ የሩሳላመ ስሚድ፤ ፆሳ ኬን ደኦ” ያግስ።

⁶ሄሳፈ ጉየ፥ ዳርዮስ ፃፍዳ ዳብዳበይ ሀይሳዳ ያጌስ። “ህንተኖ ኤፍራፂሳ ሻፋፐ ሄፍን ቢታ አይስያ ታታናያ፥ ሳታርቦዝንያነ ኤንታራ ኦይሳቶ፥ ሀ ፆሳ ኬኮ ሺቆፕተ።⁷ሀ ፆሳ ኬ ኦሱዋስ በ ግዶፕተ። አይሁደታ ሀላቃትነ አይሁደ ጭማት ፆሳ ኬ ካሰ በሳን ዛሪድ ኬፆ።”⁸ሄሳ ቦላ ቃስ፥ “ሀ አይሁደ ጭማት ፆሳ ኬ ኬፅያ ዎደ፥ ኤንቲ ኦያ ኦሶይ ኤቆና መላ ኤንታዉ ኮሽያ ሚሸ ኡባ ኤፍራፂሳ ሻፋፐ ሄፍን ቢታፈ ሺሽዳ ካዋ ጊራ ሚሽያፐ ኤንታዉ እማና መላ ታኒ ኪታስ።⁹የሩሳላመን ደእያ ካህነት ሳሎ ፆሳስ ፁሳ ያርሾ ያርሻናዉ ኮሽያ ዎፋኖ ግድን፥ ማራዘ ግድን ዎይኮ ዶርሳ ኡርገ ግድን ኤንታዉ እምተ። ቃስ አይባካ ፓጭሶና ኤንቲ ኮይያ ግስተ፥ ማፅነ፥ ዎይነነ ዛይተ ኤንታዉ ጋላስ ጋላስ እምተ።¹⁰ሄሳ ህንተ እመይ ኤንቲ ሳሎ ፆሳ ኡፋይስያ ያርሾ ያርሻናሳነ ካዋስነ እያ ናይታስ ዎሳናሳ።¹¹ሀ አዋጁዋ ላምያ ኦንካ ደእኮ፥ እያ ኬ ቱሳ ሾድድ፥ ሄ ቱሳ ቦላ እያ ካቆ፤ እያ ኬይካ ፕቶ የግያ በሰ ግዶ።¹²ሀ ኪታ ላማናዉ ዎይኮ የሩሳላመን ደእያ ፆሳ ኬ ላላናዉ ኩሸ ደንያ አይ ካዎይ ዎይኮ አስ ግድን፥ ባ ሱንይ ፄገታና መላ የሩሳላመ ዶርዳ ፆሳይ እያ ይሶ። ታኒ ዳርዮስ ሀይሳ ኪታስ። ሀ ኡባይ ምኖተን ፖለቶ” ያግስ።

ፆሳ ኬ አንጅሶ ባኣለ

¹³ሄሳፈ ጉየ፥ ኤፍራፂሳ ሻፋፐ ሄፍን ቢታ አይስያ ታታናያ፥ ሳታርቡዛንነ ኤንታራ ኦያ ኡባይ ካዎይ ዳርዮስ ኪትዳይሳዳ ምኖተን ኦድ ፖልዶሶና።¹⁴አይሁደ ጭማት ባንታ ኦሱዋ አጎና ኦዶሶና፤ ቃስ ናበይ ሀገይነ እዶ ናአይ ዛካርያስ ኦድዳ ቃላን ምነትዶሶና። እስራኤለ ፆሳይ ኪትዳይሳዳ ፋርሰ ካዎት ቅሮስ፥ ዳርዮስነ አርፀክስስ አዋጅዳይሳዳ ፆሳ ኬ ኬፅድ ዉርስዶሶና።¹⁵ዳርዮስ ካዎትዳ ኡሱፑን ላይን አዳረ ጌተትያ አጌናን ሄን ጋላሳን፥ ፆሳ ኬ ኦሶይ ፖለትስ።¹⁶እስራኤለ አሳይ፥ ካህነት፥ ሌወትነ ድኦፐ ስምዳ አሳ ኡባይ ፆሳ ኬ አንጅስያ ባኣለ ኡፋይሳን ቦንችዶሶና።¹⁷ሄ ባለይ ቦንቸትያ ዎደ ኤንቲ እስ ፄቱ ኮርማ፥ ናምኡ ፄቱ ማራዘ፥ ኦይዱ ፄቱ ዶርሳ ኡርገታ ያርሽዶሶና። ቃስ ናጋራ ያርሾስ ታማነ ናምኡ እስራኤለ ኮቻታ ታይቦን ታማነ ናምኡ ኮለ ያርሽዶሶና።¹⁸ሙሰ ማፃፋን ፃፈትዳይሳዳ፥ የሩሳላመን ደእያ ፆሳ ኬን ኦና መላ ካህነትነ ሌወት ኤንታ ማራዳ ማራዳ ዎዶሶና።

ፓስካ ባኣለ

¹⁹ድኦፐ ስምዳ አሳይ ኮይሮ አጌናን ታማነ ኦይዳን ጋላስ ፓስካ ባኣለ ቦንችዶሶና።²⁰ካህነትነ ሌወት ባንታና ጌሽዶሶና፤ ኤንቲ ኡባይ ዎጋዳ ጌይዶሶና። ሌወት ድኦፐ ስምዳ ኡባስ፥ ካህነታስነ ባንታዉ ፓስካ ዶርሰ ሹክዶሶና።²¹ድኦፐ ስምዳ እስራኤለ አሳይነ አይሁደ ግዶና አሳይ ኦያ ቱናተፈ ባንታና ሻክድ፥ ጎዳኮ፥ እስራኤለ ፆሳኮ ስምዳ አሳ ኡባይ ፓስካ ምዶሶና።²²ጎዳይ አሶረ ካዋ ቆፋ ላምድ እስራኤለ ጎዳ፥ ፆሳ ኬ ኬፅድ ፖላና መላ ማድዳ ግሾ፥ ኤንቲ ላፑን ጋላስ ኡይ ባኣለ ኡፋይሳን ቦንችዶሶና።

እዝራ ማፃፋ 6 / gof_etw

ዳርዮሳ አዋጁዋ

ፆሳ ኬ አንጅሶ ባኣለ

ፓስካ ባኣለ

እዝራ ማፃፋ6gof_etw