Tjurrtju Purlkanya-ya Palyaranytja
1Nyangka-ya pitjangu lurrtjurringu Tjurutjamala. Palunyalu-ya kukangkatjanya tilira tjunkupayinya palyarnu walykumunurnu. Palunyalu-ya kuka pungkula tilira tjunkula Mama Kuurrku nintiranytja.7Nyangka-ya yarnangu pirnilu tjimarri nintiranytja. Nyangka-ya warta purlkanya pirni payipungu tjurrtju purlkanya palyalkitjalu.8Nyangkalta-ya pirnilurtu palyaranytja.10Nyangka-ya wati kutjupatjarralu yapu walu mantawanalu parrangarritjunkula-wanarnu wiyarnu. Nyangka-ya turlku yinkapayilu puru turampirrpa puulpayilu Mama Kuurrnga pukurltu marninypungkulanytja. Tjiinya-ya turlku ngaapirinypa yinkarra marninypungkulanytja,“Mama Kuurrnga walykumunu mularrpa.Palunyalu-lanya ngarltunytjulu tirtu kanyira.”Nyangkalta-ya pirnilurtu pukurltu mirrarra Mama Kuurrnga marninypungkulanytja. Tjiinya-ya pukurlarringu yapu walu mantawana parratjunu wantinyangka tjurrtju purlkanya palyalkitjalu.12Nyangka-ya wati yirna pirnilu nyakula ruukulira yularranytja. Tjiinya-ya tjurrtju ngarnmanypalpi kanyiranytjatjanulu ruukulira yularranytja. Nyangka-ya kutjupatjarranya pukurlpa mirrarranytja.