ESDRAS2nhw_tbl

Nopa israelitame catli mocuepque ipan Jerusalén

1Nica eltoc inintoca nopa israelitame catli quistejque tlali Babilonia huan sempa yajque altepetl Jerusalén huan campa hueli ipan tlali Judá campa ejque ininhueyi tatahua. Tlanahuatijquetl Nabucodonosor huejcajya quinhuicatoya ininhuejcapan tatahua ilpitoque hasta Babilonia para tetequipanose. Nojquiya nica eltoc quesqui tlacame mocuepque catli hualajque ipan sesen ininhuejcapan tata catli quipehualti sesen familia.2Nopa tlayacanca tlacame catli mocuepque ica Zorobabel elque: Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum huan Baana. Huan nica techilhuía quesqui sequinoc israelita tlacame yajque ihuaya Zorobabel huan ajqueya ininhueyi tata. Yajque tlacame catli itztoyaj iteipan ixhuihua ni hueyi tatame huan nica techilhuía quesqui ininteipan ixhuihua yajque:
Hueyi tata, QuesquiParos, 2,172Sefatías, 372Ara, 775Pahat Moab tlen Jesúa huan Joab, 2,812Elam, 1,254Zatu, 945Zacai, 760Bani, 642Bebai, 623Azgad, 1,222Adonicam, 666Bigvai, 2,056Adín, 454Ater iixhui Ezequías, 98Bezai, 323Jora, 112Hasum, 223Gibar, 95
21Nojquiya yajque ihuaya Zorobabel tlacame tlen ni altepeme huan nica techilhuía quesqui yajque tlen sese altepetl:
Altepetl, QuesquiBelén, 123Netofa, 56Anatot, 128Bet Azmavet, 42Quiriat Jearim, Cafira huan Beerot, 743Ramá huan Geba, 621Micmas, 122Betel huan Hai, 223Nebo, 52iteipan ixhuihua Magbis, 156Elam, 1,254Harim, 320Lod, Hadid, Ono, 725Jericó, 345Senaa, 3,630

Totajtzitzi catli mocuepque

36Nopa israelita totajtzitzi catli mocuepqui elque iniixhuihua ni familias huan nica techilhuía quesqui yajque:
Familia, QuesquiJedaías huan icone Jesúa, 973Imer, 1,052Pasur, 1,247Harim, 1,017

Levitame catli amo totajtzitzi catli mocuepque

40Nopa levitame catli amo totajtzitzi catli mocuepque elque 74 tlen nopa familias Jesúa huan Cadmiel catli elque iixhuihua Hodavías.41Mocuepque 128 huicani tlen nopa familia Asaf.42Mocuepque 139 tlamocuitlahuiani ipan ipuertajyo tiopamitl tlen familias: Salum, Ater, Talmón, Acub, Hatita huan Sobai.43Huan ni tequipanohuani catli tequitque tiopan calijtic quipixque iniixhuihua catli mocuepque tlen nopa tlalme campa quinhuicatoyaj:Ziha, Hasufa, Tabaot,44Queros, Siaha, Padón,45Lebana, Hagaba, Acub,46Hagab, Salmai, Hanán,47Gidel, Gahar, Reaía,48Rezín, Necoda, Gazam,49Uza, Paseah, Besai,50Asena, Meunim, Nefusím,51Bacbuc, Hacufa, Harhur,52Bazlut, Mehída, Harsa,53Barcos, Sísara, Tema,54Nezía huan Hatifa.55Huan ni tlacame catli huejcajya eliyayaj itequiticahua Salomón quinpixque ininteipan ixhuihua catli mocuepque tlen nopa tlalme campa quinhuicatoyaj:Sotai, Soferet, Peruda,56Jaala, Darcón, Gidel,57Sefatías, Hatil, Poqueret Hazebaim huan Ami.58Huajca san sejco nochi tequipanohuani ipan tiopamitl huan nochi catli itztoyaj ininteipan ixhuihua itequiticahua Salomón mochijque 392.59Sequinoc masehualme nojquiya mocuepque Jerusalén catli quisque ipan tlali Persia tlen altepeme Tel Mela, Tel Harsa, Querub, Addán huan Imer. Pero amo huelque quinextíaj sintla nelía israelitame pampa amo quipantijque inintocax, niyon inintoca inintatahua ipan nopa lista campa eltoya nochi israelitame catli quinhuicaque Babilonia achtihuiya.60Elque 652 ni tlacame catli elque iteipan ixhuihua Delaía, Tobías huan Necoda.61Huan nojquiya ipan ininteipan ixhuihua nopa totajtzitzi itztoyaj sequin catli amo quipantijque inintoca. Itztoyaj ininteipan ixhuihua Habaía, Cos huan Barzilai. Barzilai quiseli nopa itoca pampa mosihuajti ihuaya iichpoca se tlacatl catli itoca Barzilai catli ejqui tlali Galaad huan quiseli itoca ifamilia isihua.62Huan nojquiya amo quipantijque inintoca ipan amatlapohuali huan huajca nochi quinitaque para amo tlapajpacme iixpa TOTECO para tequipanose quen totajtzitzi.63Huan nopa tlanahuatijquetl quinilhui para amo ma quicuaca inintlacualis totajtzitzi hasta se totajtzi quitlatzintoquilisquía TOTECO ica nopa piltetzitzi catli itoca Urim huan Tumim, nopa dados tlatzejtzeloltic tlen TOTECO, para quimatis sintla nelía eliyayaj totajtzitzi o amo.64Quema mosentilijque san sejco para ma mocuepaca eliyayaj 42,360 masehualme,65huan iyoca 7,337 inintequipanojcahua, sihuame huan tlacame. Huan nojquiya itztoyaj 200 huicani, sihuame huan tlacame.66Huan quinpixque 736 cahuayojme, huan 245 mulas,67huan 435 camellos huan 6,720 burrojme.68Huan quema ajsicoj ipan altepetl Jerusalén campa eltoya itiopa TOTECO, sequin nopa tlayacanca tatame temacaque tomi quen ipan ininyolo quisqui para tlapalehuise para quicualtlalise nopa tiopamitl.69Sese inijuanti temacaque catli huelque huan quen quipixque paquilistli temacase. Huan quisentilijque 61,000 oro tomi, 3,000 kilos tlen plata huan 100 ininyoyo totajtzitzi.70Huan nochi inijuanti catli eliyayaj totajtzitzi o levitame mocajque ipan altepetl Jerusalén huan nopona mochantijque. Pero nopa huicani huan catli quimocuitlahuise tiopamitl ipuertajyo, huan catli tequitise tiopan calijtic huan nochi sequinoc israelitame yajque mochantitoj ipan altepeme campa hualajtoyaj inintatahua campa hueli ipan tlali Judá.
expand_more
Search