Read ዒዝራ ማፃኣፖ 2

ዒዝራ ማፃኣፖ2mdy_twf

ዲዒንቶይዳፓ ፔ ዓጮ ማዔ ዒስራዔኤሌ ዓሶ

¹ባብሎኔ ካኣቲ ናብካዳናፆኦሬ ዲዒ ዔኪ ባብሎኔ ዓኣዼ ዓሶይዳፓ ፔኤኮ ካታሞ ካታሞ፥ ዬሩሳላሜና ዪሁዳና ማዒ ሙኬ ዓሶኮ ፓይዳ ያዺኬ፦²ዬያቶ ዲዒንታፓ ማዔ ዓሶኮ ሱኡጎ ማዒ ዔኪ ሙኬ ዓሳ ዜሬባቡሌ፥ ዒያሱ፥ ኔሄሚያ፥ ሴራያ፥ ሬዔላያ፥ ሜርዴኪዮሴ፥ ቢልሻኔ፥ ሚስፓሬ፥ ቢግዋዬ፥ ሬሁሜንታ ቤዓና ጌይንታዞንሢኬ። ፔቴ ፔቴ ዒስራዔኤሌ ዓሶ ቶኦካፓ ቡኪንቲ ዓጮ ባንሢ ማዔ ዓሶኮ ፓይዳ ሃካፓ ዴማ ዓኣ ጎይፆኬ፦³ፓርዖሼ ፃጳፓ ላምዖ ሺያና ፄኤታና ላንካይታሚ ላምዖ ዓሲ ሼፓፂያ ፃጳፓ ሃይሦ ፄኤታና ላንካይታሚ ላምዖ ዓሲ ዓራሄ ፃጳፓ ላንካይ ፄኤታና ላንካይታሚ ዶንጎ ዓሲ ፓሃትሞዓኣቤ ፃጳፓ ዒያሱና ዒዮዓቤና ዜርፃፓ ላምዖ ሺያና ሳሊ ፄኤታና ታጶ ላምዖ ዓሲ ዔላኣሜ ፃጳፓ ፔቴ ሺያና ላምዖ ፄኤታና ዶንጊታሚ ዖይዶ ዓሲ ዛቱ ፃጳፓ ታዞጳ ፄኤታና ዖይዲታሚ ዶንጎ ዓሲ ዛካዬ ፃጳፓ ላንካይ ፄኤታና ላሂታሚ ዓሲ ባኒ ፃጳፓ ላሆ ፄኤታና ዖይዲታሚ ላምዖ ዓሲ ቤባዬ ፃጳፓ ላሆ ፄኤታና ላማታሚ ሃይሦ ዓሲ ዓዝጋኣዴ ፃጳፓ ሺያና ላምዖ ፄኤታና ላማታሚ ላምዖ ዓሲ ዓዶኒቃሜ ፃጳፓ ላሆ ፄኤታና ላሂታሚ ላሆ ዓሲ ቢግዋዬ ፃጳፓ ላምዖ ሺያና ዶንጊታሚ ላሆ ዓሲ ዓዲኔ ፃጳፓ ዖይዶ ፄኤታና ዶንጊታሚ ዖይዶ ዓሲ ሂዚቂያሴ ዛሎና ዓፄሬ ፃጳፓ ታዞጲታሚ ሳሊ ዓሲ ቤፃዬ ፃጳፓ ሃይሦ ፄኤታና ላማታሚ ሃይሦ ዓሲ ዮራ ፃጳፓ ፄኤታና ታጶ ላምዖ ዓሲ ሃሹሜ ፃጳፓ ላምዖ ፄኤታና ላማታሚ ሃይሦ ዓሲ ጊባሬ ፃጳፓ ታዞጲታሚ ዶንጎ ዓሲ²¹ዬያ ዲዒንታፓ ማዔ ዓሶ ባኣካፓ ዱማና ዔያቶኮ ቤርታኣ ዓዶንሢ ሃካፓ ዴማ ዓኣ ካታሞይዳ ናንጌ ዓሶኮ ፓይዳ ያዺኬ፦ ቤኤቴሌሄሜይዳ ሾይንቴ ዓሳ ፄኤታና ላማታሚ ሃይሦ ኔፆፓይዳ ሾይንቴ ዓሳ ዶንጊታሚ ላሆ ዓናቶቴይዳ ሾይንቴ ዓሳ ፄኤታና ላማታሚ ሳሊ ዓዝማዌቴይዳ ሾይንቴ ዓሳ ዖይዲታሚ ላምዖ ቂርያትይዓሪሜ፥ ኬፕራና ቤዔሮቴናይዳ ሾይንቴ ዓሳ ላንካይ ፄኤታና ዖይዲታሚ ሃይሦ ራማና ጌባዔናይዳ ሾይንቴ ዓሳ ላሆ ፄኤታና ላማታሚ ፔቴ ሚክማሴይዳ ሾይንቴ ዓሳ ፄኤታና ላማታሚ ላምዖ ቤኤቴኤሌና ዓይናይዳ ሾይንቴ ዓሳ ላምዖ ፄኤታና ላማታሚ ሃይሦ ኔቦይዳ ሾይንቴ ዓሳ ዶንጊታሚ ላምዖ ማግቢሼይዳ ሾይንቴ ዓሳ ፄኤታና ዶንጊታሚ ላሆ ባጎ ዔላኣሜይዳ ሾይንቴ ዓሳ ፔቴ ሺያና ላምዖ ፄኤታና ዶንጊታሚ ዖይዶ ሃሪሜይዳ ሾይንቴ ዓሳ ሃይሦ ፄኤታና ላማታሚ ሎዴ፥ ሃዲዴና ዖኖናይዳ ሾይንቴ ዓሳ ላንካይ ፄኤታና ላማታሚ ዶንጎ ዒያርኮይዳ ሾይንቴ ዓሳ ሃይሦ ፄኤታና ዖይዲታሚ ዶንጎ ሴናዓይዳ ሾይንቴ ዓሳ ሃይሦ ሺያና ላሆ ፄኤታና ሃይሢታሚ³⁶ሃካፓ ዴማ ሃሣ ዲዒንታፓ ማዔ ቄኤሶ ማኣሮ ዓሶ ፓይዶ ኬኤዛኔ፦ ዒያሱ ዜርፃሢ፥ ዪዳዒያ ማኣሮ ዓሶፓ ታዞጳ ፄኤታና ላንካይታሚ ሃይሦ ዒሜሬ ማኣሮ ዓሶፓ ፔቴ ሺያና ዶንጊታሚ ላምዖ ፓሽሁሬ ማኣሮ ዓሶፓ ፔቴ ሺያና ላምዖ ፄኤታና ዖይዲታሚ ላንካይ ሃሪሜ ማኣሮ ዓሶፓ ፔቴ ሺያና ታጶ ላንካይ ዓሲ⁴⁰ዲዒንቶ ቤዛፓ ማዔ ሌዊ ማኣሮ ዓሶኮ ፓይዳ ሃካፓ ዴማ ዓኣ ጎይፆኬ፦ ሆዳውያ ዜርፆ ማዔ ዒያሱንታ ቃድሚዔሌንታ ማኣሮ ዓሳ ላንካይታሚ ዖይዶ ዓሳኣፔ ዜርፆ ማዔ፥ ጌኤዦ ማኣሮይዳ ፆኦሲ ቦንቾ ዓይኑሞ ዓይናዻ ዓሶኮ ሚርጉማ ፔቴ ፄኤታና ላማታሚ ሳሊ ጌኤዦ ማኣሮ ካፓ ሻሉሜ፥ ዓፄሬ፥ ፃልሞኔ፥ ዓቁቤ፥ ሃፂፃንታ ሾባዬ ዜርፃፓ ፔቴ ፄኤታና ሃይሢታሚ ታዞጳ⁴³ዲዒንታፓ ማዔ፥ ጌኤዦ ማኣሮ ማዾም ኬሶና ቶኦካ ሃካፓ ዴማ ዓኣ ዓሶኬ፦ ፂሃ፥ ሃሱፓ፥ ፃባዖቴ፥ ቄሮሴ፥ ሲዓሃ፥ ፓዶኔ፥ ሌባና፥ ሃጋባ፥ ዓቁቤ፥ ሃጋባ፥ ሻምላዬ፥ ሃናኔ፥ ጊዴሌ፥ ጋሃሬ፥ ሬዓያ፥ ሬፂኔ፥ ኔቆዳ፥ ጋዛሜ፥ ዑዛ፥ ፓሴሄ፥ ቤሳዬ፥ ዓሲና፥ ሜዑኒሜ፥ ኔፕሲሜ፥ ባቅቡቄ፥ ሃቁፓ፥ ሃርሁሬ፥ ባፂሉቴ፥ ሜሂዳ፥ ሃርሻ፥ ባርቆሴ፥ ሲሳራ፥ ቴማሄ፥ ኔፂሃና ሃፂፓናኬ።⁵⁵ሴሎሞኔም ማዻ ዓሶ ፃጶታዖ ዲዒንታፓ ማዔ ቶኦካ፦ሶፃዬ፥ ሃሶፔሬቴ፥ ፔሩዳ፥ያዕላ፥ ዳርቆኔ፥ ጊዴሌ፥ሼፓፂያ፥ ሃፂሌ፥ ፖኬሬቴ፥ሃፄባይሜና ዓሚ ጌይንታዞንሢኬ።

⁵⁸ጌኤዦ ማኣሮ ማዾም ኬሶና ፃጶና ሴሎሞኔም ማዻ ዓሶ ዜርፃ ዎሊ ዑፃ ሃይሦ ፄኤታና ታዞጲታሚ ላምዖ ዓሲኬ።⁵⁹ቴልሜላሄ፥ ቴልሃርሻ፥ ኬሩቤ፥ ዓዳኔና ዒሜሬ ጌይንታ ካታሞንሢዳፓ ማዒ ሙኬ ዓሲ ዓኣኔ፤ ጋዓንቴ ዔያቶኮ ዜርፃ ዒስራዔኤሌ ቶኦካፓ ማዒፆ ፒዚሲ ኬኤዛኒ ዔያታ ዳንዳዒባኣሴ። ሜሌ ሃሣ ዴላያንታ ፆቢያንታ ኔቆዳ ፃጶ ቶኦካፓ ማዒ ሙኬ ላሆ ፄኤታና ዶንጊታሚ ላምዖ ዓሲያኣ ዓኣኔ፤⁶¹ሃካፓ ዴማ ቄኤሶ ፃጶ ማዔዞንሢ ሃባያ፥ ሃቆፄና ባርዚላዬና ዔያቶኮ ቤርታኣ ዓዶንሢ ዖናንሢታቴያ ዔርቲባኣሢሮ ዔያታ ቄኤሴ ማዒ ማዻኒ ዳንዳዒባኣሴ። [ባርዚላዬ ጎዖሢ ጌሌዓዴይዳ ሾይንቴ ባርዚላዬ ፃጳፓ ፔቴ ላኣሊ ዔካዖ ዬኖ ሱንፆና ዔኤሊንቴኔ።]⁶³ዑሪሜና ቱሚሜ ጎዖ ባኮንሢና ናንጊና ናንጋ ጎዳ ዓይጎ ጋዓቴያ ዖኦጫኒ ዳንዳዓ ቄኤሴ ኬስካንዳያ ሄላንዳኣና ፆኦሲም ሺኢሺንታ ዱማዼ ሙዖ ዔያታ ሙዑዋጉዲ ዓጮ ዎይሣ ዓሢ ዔያቶ ላኣጌኔ።⁶⁴ዓካሪ ዬያ ጎይፆና ዲዒንታፓ ማዔ ዓሶኮ ሚርጉማ ዎሊ ዑፃ ዖይዲታሚ ላምዖ ሺያና ሃይሦ ፄኤታና ላሂታሚናኬ። ዬያ ዓሶፓ ማዾ ማዻ ዓቲንቆና ላኣሎናኮ ሚርጉማ ላንካይ ሺያና ሃይሦ ፄኤታና ሃይሢታሚ ላንካይ ማዓዛ፥ ዓቲንቆና ላኣሎና ማዒ ፆኦሲ ቦንቾም ዓይኑሞ ዓይናዻ ዓሳ ዎሊ ዑፃ ላምዖ ፄኤታኬ። ዬያ ዲዒንታፓ ማዔ ዓሶኮ፦ ላንካይ ፄኤታና ሃይሢታሚ ላሆ ፓራ፥ ላምዖ ፄኤታና ዖይዲታሚ ዶንጎ ባቁሎ፥ ዖይዶ ፄኤታና ሃይሢታሚ ዶንጎ ጋኣሎንታ ላሆ ሺያና ላንካይ ፄኤታና ላማታሚ ሃሬንታ ዓኣኔ።⁶⁸ዬና ዲዒንቴ ዓሳ ዲዒንታፓ ማዒ ዬሩሳላሜይዳ ናንጊና ናንጋ ጎዳኮ ጌኤዦ ማኣራ ዓኣ ቤዞ ሄላዛ ፔቴ ፔቴ ማኣሮ ዓሶኮ ሱኡጋ ጌኤዦ ማኣራ ቤርታ ዓኣ ቤዛ ማዓንዳጉዲ ላሚ ጊንሣ ማዢፆም ማዓንዳያ ፔ ሼኔና ዒንጎ ባኣዚ ዔኪ ሺኢሼኔ።⁶⁹ዔያታ ጌኤዦ ማኣሮ ማዾ ማዾንዶ ባኣዚ ዳንዳዓ ጎይፆና ኬሲ ቡኩሴ ዒንጊፃ ዎሊ ዑፃ ማሆዛ ዶንጎ ፄኤታ ኪሎ ዎርቄ፥ ላምዖ ሺያና ላንካይ ፄኤታና ሳሊታሚ ላሆ ኪሎ ቢራ ማዔኔ፤ ቄኤሶም ማዓያ ፄኤታ ማኣዖ ዔያታ ዒንጌኔ።⁷⁰ቄኤሶንታ ሌዊ ዓሶንታ ዴሮይዳፓኣ ፔቴ ፔቴ ዓሳ ዬሩሳላሜና ኮይሎናይዳ ዱንኪ ዴዔኔ፤ ጊንሣ ሃሣ ዓይኑሞ ዓይናዻ ዓሳ፥ ጌኤዦ ማኣሮ ካፓ ዓሶንታ ጌኤዦ ማኣሮ ሹጮና ማዣንዳጉዲ ጌይንቴ ማዾ ዓሶንታ ኮይላ ኮይላ ዓኣ ካታማ ዴዔኔ፤ ዬያጉዲ ሃንጎ ዒስራዔኤሌ ዓሳ ዔያቶኮ ቤርታኣ ዓዶንሢ ናንጌ ካታማ ዴዔኔ።

ዒዝራ ማፃኣፖ 2 / mdy_twf

ዲዒንቶይዳፓ ፔ ዓጮ ማዔ ዒስራዔኤሌ ዓሶ

ዒዝራ ማፃኣፖ2mdy_twf