Read Ezekiɛli 7

Ezekiɛli7bqc_sim

Isailiↄ midɛa kà kãi

¹Dii yã'òmɛɛ à mɛ̀:²Gbɛ̃nazĩn nɛ́, yã́ pↄ́ ma Dii Lua má ò Isaili bùsudeↄnɛn kɛ: Á kua lɛ́ kà! Á bùsu gola síiↄ̃ píi mìdɛ.³Á kua lɛ́ kà! Má pↄkũmabↄbↄwáɛ, mí yã́kpalɛkɛánↄ á yãkɛaↄwa, mí yãbɛ̃ɛ pↄ́ á kɛ̀ fĩaboɛ́ píi.⁴Má á wɛ̃nagwao. Má á kɛ̃o. Á yãkɛaↄ fĩa má boɛ́ ń yãbɛ̃ɛ pↄ́ á kɛ̀ↄ, íↄ dↄ̃ kɛ́ mámɛmaa Dii.⁵Ma Dii Lua ma mɛ̀ yã́ a á le!Yãzↄ̃ↄ a á le!⁶Á kua lɛ́ kà! Á kua lɛ́ kà!Yã́pi lɛ́ sↄ̃ázi, à pìlawá kↄ̀!⁷Yã́ zↄ̃̀lɛwáɛ,á gbɛ̃́ pↄ́ á kú bùsuɛ beeuↄ.Á gↄↄ kà kãi, à kà se!Gili gɛ̃̀ńgu gbɛ̀sĩsĩↄ musu,i kɛ pↄna wii aalɛ lɛ́o.⁸Tia kɛ́wa má pↄkũmabↄbↄwá,mí palawá ń pↄfɛ̃o.Má yã́kpalɛkɛánↄ á yãkɛaↄwa,mí á yãbɛ̃ɛkɛaↄ fĩaboɛ́.⁹Má á wɛ̃nagwao, má á kɛ̃o.Má fĩaboɛ́ á yãbɛ̃ɛkɛaↄwaɛ,íↄ dↄ̃ ma Dii mámɛ ma á wɛtã̀.

¹⁰À gↄↄpi gwa, à kà! Yã́ pìla!À nↄsì yã́ gbãa ũ, ↄ̃ à nɛ'ì wala ũ.¹¹Yãpãsĩ fɛ̀lɛ vãikɛnaↄ gbɛ̃go ũ.An gbɛ̃e a bↄo! Bílapi gbɛ̃e a bↄo!Ɔdee a bↄo! An bɛɛɛdee a bↄo!¹²A gↄↄ kà! À ń lé!Pↄluna su pↄnakɛo,pↄyiana su ↄ́ↄlↄo,asa ma pↄ fɛ̃̀ bílapiziɛ.¹³Pↄyiana a pↄ́ pↄ́ á yìa si lↄo e a wɛ̃ni lɛ́u.Ãnabikɛkɛa bílaɛpi a lɛ́lɛ pão,gbɛ̃e a bↄo a tàae yã́i.¹⁴Wà kuupɛ̀, zĩ̀ sↄu mà píi,kási gbɛ̃e a gɛ́ zĩlauo,asa ma pↄ fɛ̃̀ bílapiziɛ.

¹⁵Zĩ ku bĩ́i kpɛ,gagyã ń nↄanao ku wɛ̃́lɛ guu.Gbɛ̃́ pↄ́ aa ku sɛ̃uↄ gaga zĩ guuɛ,gbɛ̃́ pↄ́ aa ku wɛ̃́lɛ guuↄ gagań nↄanao ń gagyãoɛ.¹⁶An gbɛ̃́ pↄ́ aa bↄ̀ↄbàalɛ ta gbɛ̀sĩsĩↄ kĩ́i.Aa ↄ́ↄlↄ lán swadↄↄ felenaↄwabaade zĩa tàae yã́i.¹⁷Ampii an ↄ a gↄ̃ dↄńziɛ,an kosokũↄ i busa.¹⁸Aai zwã̀nkasaↄ dↄ ń pi,vĩa i ń kṹ.An gɛɛ i gↄ̃ kpá ń wɛ́i,aai migbaa lɛ́ ḿpii.¹⁹Aa ń ã́nusuↄ kↄ́lɛ zɛaↄ guu,an vuaↄ i gↄ̃nɛ́ pↄ́ gbãlɛaↄ ũ.An ã́nusuↄ ń ń vuaↄ a fↄ̃ ń bↄ Dii pↄfɛ̃gↄↄzĩo.Ɔ̃api a ń nↄana kpálɛo,an gbɛɛ kão,asa ↄ̃mɛ ń dá duunau.²⁰Aa ńzĩa sɛ̀ lɛsĩń nↄamblebↄ kɛfɛnaↄ yã́i,aa pↄbɛ̃ɛ pↄ́ má ye a gĩyãioↄ pìò.A yã́i má tó à gↄ̃nɛ́ pↄ́ gbãlɛa ũ.²¹Má pↄ́piↄ na bui zĩ̀loↄnɛ ń ↄzĩaa ń pↄ́ sɛ́lɛɛ.Má kpá dṹnia vãikɛnaↄwa,aa ń pↄ́ naaaɛ, aai a gbãlɛ.²²Má mikpɛlinɛ́ɛ,aai ma gu bɛɛɛde gbãlɛ.Kpã́i wɛliwɛpiↄ gɛ̃u, aai a gbãlɛ.

²³À mↄgalaↄ pí,asa gbɛ̃dɛa di bùsuuɛ,mɛ́ yã́ gbãa kↄ̃̀ wɛ̃́lɛu.²⁴Má tó bui vãiↄ mↄ́ ń uaↄ símá,má tó gbãadeↄ zĩasɛa lɛsĩ midɛ,wi ń sa'okĩiↄ gbãlɛ.²⁵Tó gili gɛ̃̀ńgu, aa aafia wɛɛlɛ,kási aa eo.²⁶Músi a kɛ músi,bao ĩ́i a kɛ bao ĩ́i,aai gbasa kpálɛkɛ ãnabikɛkɛai.Sa'ona a fua ikoyãwa,gbɛ̃zↄ̃ↄ a kua lɛdamawa.²⁷Kí a búbuapɛ,yã́ a di kíanɛwa,táaaↄ ↄ a lualua.Má kɛnɛ́ an yãkɛaↄwaɛ,má yãdańla lá aa dà gbɛ̃́awaɛ,aaiↄ dↄ̃ kɛ́ mámɛmaa Dii.

Ezekiɛli 7 / bqc_sim

Isailiↄ midɛa kà kãi

Ezekiɛli7bqc_sim