Paaronas Kessida Zelelsi
1Nuuni di7etida tammanne nam7antho laythan, tammanne nam7antho ageenan, koyro gallasan, Godaa qaalay haysada yaagishe taako yis.2“Asa na7aw, Gibxe kawas haysada yaagada zeleela. Neeni kawotethatas giddon nena gaammo mela kessadasa; shin ne abba giddon de7iya yeeruntha mela. Ne haathaafe keyadasa; ne tohuwan yedhada, haatha buulloyadasa.3Daro asay shiiqiya wode taani ta gitiyan nena oykana; asay nena goochidi, haathaafe gaxa kessana.4Taani nena biittan hola aggana; sa7a bolla miccana; salo kafota ne bolla utisana; bazzo do7ata ne ashuwa kalsana.5Ta ne ashuwa dereta bolla laallana; zangaarata ne ahan kunthana.6Shaafata kumidi dereta kammana, gakanaw, ne suuthay gukana mela oothana.7Ta nena dhaysiya wode saloy goozetana; xoolintoti dhumana; away shaaran kametana; ageenay ba poo7uwa diggana.8Neepe bollara de7iya salo poo7ota ubbaa dhaysada, biitta dhumisana” yaagees Ubbaa Haariya Goday.9Ne bolla gakida dhayuwa ne eronna kawotethata sissiya wode daro asa wozanay un7ethana.10Daro kawotethati nena be7idi dagammana. Taani ta mashsha enta sinthan shoddada seesiya wode, kawotethati yashshan kokorana; ne kundiya wode enti ubbay banta shempuwas yayyana.11Ubbaa Haariya Goday Gibxe kawako haysada yaagees: “Babiloone kawa mashshay ne bolla yaana.12Hara kawotethatape aadhida, wozana mino olanchoti banta mashshan daro asaa wursanaada taani oothana. Enti Gibxe otoruwa dhaysana; daro asay wurana.13Daro haatha matan de7iya mehe ubbaa ta dhaysana; hizape guye, haatha buulloya asi woyko mehey deenna.14He wode taani ne haathata xillisana; ne shaafata wopu oothada gogisana. Taani Ubbaa Haariya Goday haysa odayis.15Taani Gibxe baysa kessiya wode iyan de7iya ubbaa quchada dhaysiya wodenne iyan de7iya asa ubbaa shociya wode taani Godaa gideysa enti erana.16Ha ubbay entaw zeleeletiya zelelsi gidana. Kawotethata maccasati Gibxesinne iya daro asaas zeleelana” yaagees Ubbaa Haariya Goday.17Nuuni di7etida tammanne nam7antho laythan, he ageenan, tammanne ichashantho gallasan, Godaa qaalay haysada yaagishe taako yis:18“Asa na7aw, daro gidida Gibxe olanchota gisho yeeka. Iyonne, wolqaama kawotethata macca nayta hayqidi duufo geleysatara issife duge duufo moyza.19Entako, ‘Hinteno Gibxeto, hinte haratape aadhidi mala lo77o? Hinte duufo gelana; yan hinte Godaa qaxaretonaysatara issife moogetana.’20Gibxe biittas mashshi shodetidi uttida gisho, enti mashshan hayqidaysata giddon kundana; Gibxey ba daro asaara duge gooshetana.21Duufon de7iya wolqaamaa halaqati Gibxebaanne Gibxera issifidaysataba haasayishe, ‘Enti duge yidosona; Godaa qaxaretonayisata mashshan hayqidaysatara enti zin7idosona’ yaagosona.22“Asoorey duufon de7ees. Olan hayqida Asoore olanchota duufoti iya yuushuwa teqidi uttidosona.23Enta duufoti ollas wursetha gaxan de7oosona. Iya olanchoti duufuwa yuushon keeletidosona; kase de7on de7iya asa heeran buqethi denthiya asay shuketidosona; mashshan wuridosona.24“Elaami duufon de7ees; iya olanchoti ubbay shuketidosona mashshan kundidosona. De7on de7iya asa matan buqethi denthidasati ubbay qaxaretona biitta garsi aadhidosona duufo gelidi zin7idosona.25Hayqidaysata giddon Elaamas bessi giigidi uttis. Elama olanchota duufoti iya yuushuwan de7oosona; enti ubbay mashshan hayqidosona. Enti ubbay qaxaretiboonaysatanne mashshan hayqidaysata Enti de7on de7eyisata giddon buqethi denthida gisho duufo geelidaystara issife zin7idosona.26“Mosahinne Tobaali banta olanchotara duufon de7oosona; enti kase kawotethata ubbaa yashshan kokorsidaysata gidikoka, enti ubbay mashshan hayqidosona. Enti ubbay qaxaretonayisata. Enti de7on de7eyisata giddon buqethi denthida gisho mashshan hayqidosona.27Enti beni gooba olanchoti banta ola miishiya dancidi banta gondalliya tiran wothidi banta mashsha borkotidi mogeteysada bonchon mogetibookona. Ha olanchota de7on de7iya asa giddon buqethi denthida gisho enta nagaray enta meqetha bolla de7ees.28“Hinte Gibxe asati xoonetananne mashshan hayqida, ammanonna asatara issife zin7ana.29“Edoomey ba kawotaranne ba halaqatara issife duufon de7ees; enti kase mino olanchota; shin ha77i olan hayqida, ammanonna asatara ollan gelidosona.30“Pudeha bagga halaqatinne Sidoona asay duufon de7oosona. Enti kase banta wolqan asaa yashisidosona; shin ha77i enti banta yeellara yaa gelidosona. Mashshan hayqida qaxaretiboonna asaara issife duufo geloosona.31“Gibxe kawoynne iya olanchoti, mashshan hayqida olanchota yan be7idi minettana” yaagees Ubbaa Haariya Goday.32“Ta haysafe kase kawotethati Gibxe kawas yayyana mela oothidaba gidikoka, inne iya olanchoti Godaa ammanonna, mashshan hayqida asatara issife zin7ana” yaagees Ubbaa Haariya Goday.