Read ሂዚቄላ ቲንቢቴ 32

ሂዚቄላ ቲንቢቴ32gmv_etw

ፓሮኔ ጊሻስ ዚላሌቲዳ ዚላስ

¹ኑኒ ዲኤቲዳ ታማኔ ናምኣን ላይን፥ ታማኔ ናምኣን ኣጊናን፥ ኮይሮ ጋላሳን ጎዳ ቃላይ ታኮ ዪዲ፥²«ሃይሶ ኣሳ ናዉ! ጊብጼ ካዎ ፓሮኔስ ዚላላሼ፥« ‹ኔኒ ካዎቴ ጊዶንጋሞ ማላ፤ኣባ ጊዶንካ ሚሚንቴ ማላ፤ኔኒ ሻፋታን ቦቦልጩ ጋሳ፤ሃታ ኔ ቶሆን ዋሳ፤ፑልቶታ ኡሎሳሳ።

³« ‹ኡባ ሃሪዛ ጎዳይ፡ዳሮ ዴሬ ሺሻዳ፥ታ ጊቴዛ ኔ ቦላ ዬጋና፤ኢስቲ ኔና ታ ጊቴዛራጎቺ ኬሳና።⁴ታ ኔና ቢታ ቦላ ዬጋና፤ዴምባ ቦላካ ሚጫና፤ሳሎ ካፎቲ ኡባይኔ ቦላ ኡታና ማላታ ኦና፤ዎራ ዶኣቲ ኡባይኔና ዪቄቲ ሚ ካላና።⁵ታኒ ኔ ኣሾ ዙማታ ቦላ ላላና፤ዙሌታካ ኔ ኣሃን ኩንና።⁶ቢታ ኔ ሱን ታ ጫጲሳና፤ኔፔ ጎጊዛይሲ ዙሌታ ኩሚዲዙማታ ጋካናስ ዲዛኦጌ ኡባ ካማና።⁷ታ ኔና ይሲዛ ዎዴሳሎታ ጎዛና፤ኢስታ ጾሊንቴታካ ሚሳና፤ኣዋካ ሻራን ካማና፤ኣጊናይካ ባ ፖኦ ዲጋና።⁸ሳሎን ፖኢሲዛ ፖኦታ ኡባ፥ኔ ቦላ ታ ሚሳና፤ኔ ቢታ ቦላታ ማ ኤሃና› ጌስ።

⁹«ኔ ቦላ ዪዳ ባሻታ ሲሲዛ ዎዴኔ ኤሮንታ ቢታንካዎቴታ ጊዶን፥ዳሮ ኣሳታ ዎዚና ጬጪሳና።¹⁰ዳሮ ኣሳይ ኔ ቦላ ጋኪዳ ሜቶንዳጋማና ማላ ታ ኦና፤ታኒ ታ ማሻ ኢስታ ሲንንሾዳ ሴሲሺንኔ ቦላ ጋኪዳ ሃኖዛ ጋሶንኢስታ ካዎቲ ዳጋማንኖዡ ጋና፤ኔኒ ኩንዲዛ ጋላስ ኢሶይ ኢሶይባ ሼምፖስያሻን ኣይፌ ቂጶን ኮኮራና።

¹¹«ኡባ ሃሪዛ ጎዳይጊብጼ ካዎስ፥‹ባቢሎኔ ካዎ ማሻይኔ ቦላ ያና።¹²ካዎቴታ ኡባፌኬሂ ሜንጼ ኢታ ጊዲዳ፥ዎልቃማ ኣሳታ ማሻንኔ ሺሺዳ ኦላንቻቲኩንዳና ማላ ታ ኦና፤ጊብጼ ኦቶሬቴኢስቲ ኩንዲሳና፤ኢዚስ ጮራ ኦላንቻታካይሳና።¹³ዳሮ ሃ ማታን ዲዛኢዚ ዉዴታ ታ ይሳና፤ሄሳፌ ጉዬ ኣሳ ቶሆንዬቴቴና፤ሜሄ ቶሆይ ኡሎሴና።¹⁴ሂስታዳ ታ ኢዚ ሃታ ጺሊሳና፤ኢዚ ሻፋታ ዛይቴ ማላታ ጎጊሳና።¹⁵ታ ጊብጼ ቡላሲሺንቢታይን ዲዛይ ኡባይ ይሺን፥ሄን ዲዛ ኡባ ታኒ ሾጪሺን፥ታኒ ጎዳ ጊዲዳይሳ ኢስቲሄ ዎዴ ኤራና› ጌስ» ጊዴስ።¹⁶ኡባ ሃሪዛ ጎዳይ፥ «ሄሲ ኡባይ ኢዚ ጊሻስ ዚላሌቲዛ ዚላሳ፤ ካዎቴታ ማጫ ናይቲ ዚላላና፤ ጊብጼሲኔ ኢዚ ጮራ ኦላንቻታ ጊሻስ ዚላሊሼ ኮይዛና» ጌስ።

ጊብጼስ ዉርሴ ካዮ

¹⁷ኑኒ ዲኤቲዳ ታማኔ ናምኣን ላይን፥ ሄ ኣጊናን፥ ታማኔ ኢቻሻን ጋላሳን ጎዳ ቃላይ ታኮ ዪዲ፥¹⁸«ሃይሶ ኣሳ ናዉ! ጊብጼ ኦላንቻ ጮራታ ጊሻስ ዬካ! ኢዞኔ ዎልቃማ ካዎቴታ ማጫ ናይታ ዱጌ ዱፎን ጌሊዛይታራ ኢሲፌ ዱጌ ቢታ ጋርስ ጌል።¹⁹ኔኒ ኢስታስ፥ ‹ኢንቴ ሃራታፔ ኣዲ ሎኤቲ? ዱጌ ዎዳ ኣማኖንታይታራ ኢሲፌ ኢቻ› ጋ ዮታ።²⁰ኢስቲ ማሻን ሲፌቲዳይታ ጊዶን ኩንዳና፤ ማሻይ ሾዴቲዴስ፤ ኢዛ ባ ዳሮ ኦሳንቻታራ ኢሲፌ ጎሼቱ።²¹ዱፎ ጊዶን ዎልቃማ ሃላቃቲ ጊብጼ ጊሻሲኔ ኢዚራ ዙፔቲዛይታ ጊሻስ ኢስቲ ዱጌ ዎዲ፥ ‹ማሻን ሃይቂዳይታራኔ ኣማኖንታይታራ ኢሲ ቦላ ኢቺዳ› ጋና።²²«ኣሶሬይ ባ ኩሜ ኦላንቻታራ ዳዉስ፤ ኢዚፔ ማሻን ኩንዲዳይታኔ ሲፌቲዳይታ ዱፎን ዶዴታ ኡታዱስ።²³ኢስታ ዱፎይ ጪማ ኦላ ጊዶን ዴስ፤ ኢዚ ኦላንቻቲ ኢዚ ዱፎ ዩሾን ኮሬቲዳ፤ ፓጻ ዲዛይታ ቢታን ሺሮ ዴንዳይቲ ኡባይ ሹኬቲዳ፤ ማሻንካ ዉሪዳ።²⁴«ኤላማ ሄን ዳዉስ፤ ኢዚ ኦላንቻቲ ኡባይ ኢዚ ዱፎ ዩዪ ኣ ዴቴስ፤ ኡባቲካ ሹኬቲዳ፤ ማሻንካ ሃይቂዳ፤ ፓጻ ዲዛይታ ቢታን ሺሮ ዴንዳ ኡባቲ ኣማኖንታ ቢታ ጋርስ ጌሊዳ፤ ዱጌ ቢታ ጋርስ ጌሊዳይታራ ኢሲፌ ዬላ ማይኢ ጌሊዳ።²⁵ኢዚ ዱፎ ዩሾን ዲዛ ኩሜ ኦላንቻታራ ሹኬቲዳይታ ጊዶን ሂጻይ ኢዚስ ጊጌቲዴስ። ኢስቲ ኡባይ ኣማኖንታይታኔ ማሻን ሲፌቲዳይታ፤ ኢስታ ሺሮይ ሼምፖራ ፓጻ ዲዛይታ ቢታን ዎሬኬቲዳ ጊሻስ ዱጌ ዱፎን ጌሊዛይታራ ኢሲ ቦላ ዬላ ማይኣና፤ ሹኬቲዳይታ ጊዶን ኢስቲ ኢቻና።²⁶«ሜሼኬይኔ ቱባሌ ዱፎይ ባንታ ኦላንቻታ ዱፎን ዶዴቲ ኡታና፤ ኢስቲ ኡባይካ ኣማኖንታይታ ጊዲ ኡቲዲ ሼምፖራ ፓጻ ዲዛይታ ቢታን ባ ሺሮ ዴንዳ ጊሻስ ማሻን ሃይቂዳ።²⁷ዳሮ ላይፌ ካሴ ሃይቂዳ ኦላ ቃራቲ ባንታ ማሻ ቦርኮቲዲ፥ ባንታ ጎንዳሌ ባንታ ቲራ ቦላ ኦይኪዲ፥ ባንታ ኩሜ ኦላ ሚሽ ኡባራ ዱፎን ጌሊዳይታ ማላ ቦንቾን ሞጌቲቤቴና። ሃ ኦላንቻቲ ሼምፖራ ፓጻ ዲዛይታ ቢታን ዲዛ ዎልቃማ ኣሳታ ቦላ ሺሮ ዴንዳ ጊሻስ ኢስታ ናጋራ ቂጻቴይ ኢስታ ሜቄ ቦላ ሼምፓና።²⁸«ፓሮኔ! ኔኒካ ሄሳ ሜቃና፤ ማሻን ሲፌቲዳይታራኔ ኣማኖንታይታራ ኔ ኢሲ ቦላ ኢቻና።²⁹«ኤዶማ ሄን ዴኣዉስ፤ ኢዚ ካዎቲኔ ኢዞ ሃሪዛይቲ ኡባይ ሄን ዴቴስ፤ ኢስቲ ዎልቃራ ዲዛይታ ጊዲኮካ ማሻን ሲፌቲዳይታራ፥ ዱጌ ዱፎን ጌሊዳይታራኔ ኣማኖንታይታራ ኢሲ ቦላ ኢቺዳ።³⁰«ፑዴሃ ባጋ ሃሪዛይቲኔ ሲዶናቲ ኡባይ ሄን ዴቴስ፤ ሃይሳፌ ካሴ ኢስቲ ባ ዎልቃን ኣማኔቲዲ ሺሮ ዴንዳይታ ጊዲኮካ ሹኬቲዳይታራ ኢሲፌ ዬላን ኩንዲዳ፤ ማሻን ሲፌቲዳይታ ኣማኖንታይታራኔ ዱጌ ዱፎን ዎዳይታራ ኢሲፌ ዬላ ማይኢ ኢቻና።³¹«ፓሮኔይኔ ኢዛ ኦላንቻቲ ኡባይ ኢስታ ቤኣና፤ ማሻን ሲፌቲዳ ባ ኦላንቻታ ኡባ ካዮፔ ኢዚ ሚኔታና።³²ታኒ ሃይሳፌ ካሴ ካዎቴቲ ኡባይ ጊብጼ ካዎስ ያያና ማላ ሼምፖራ ፓጻ ዲዛይታ ቢታን ሺሮይ ኣካና ማላ ኮይኮካ ፓሮኔይኔ ኢዛ ኦላንቻቲ ኡባይ ማሻን ሲፌቲዳይታራኔ ኣማኖንታይታራ ኢሲፌ ኢቻና፤ ታኒ ኡባ ሃሪዛ ጎዳይ ሃይሳ ዮታዲስ» ጊዴስ።

ሂዚቄላ ቲንቢቴ 32 / gmv_etw

ፓሮኔ ጊሻስ ዚላሌቲዳ ዚላስ

ጊብጼስ ዉርሴ ካዮ

ሂዚቄላ ቲንቢቴ32gmv_etw