1यहोवा के बचन ह मोर मेर आईस:2“हे मनखे के बेटा, अगमबानी करके कह: ‘परमपरधान यहोवा ह ये कहत हे:“ ‘बिलाप करव अऊ कहव,“हाय ओ दिन बर!”3काबरकि ओ दिन ह लकठा म हवय,यहोवा के दिन ह लकठा म हवय—बादरमन के दिन,जाति-जाति के मनखेमन बर दंड के दिन होही।4मिसर के बिरूध एक तलवार उठही,अऊ कूस ऊपर पीरा के समय आही।जब मिसर म हतिया करे जाही,तब ओकर धन-संपत्ति ले लिये जाहीअऊ ओकर नीवमन ला टोरके गिरा दिये जाही।5कूस अऊ लिबिया, लूदी अऊ जम्मो अरब, कूब अऊ करार करे देस के मनखेमन, मिसरीमन के संग म तलवार ले मारे जाहीं।6“ ‘यहोवा ह ये कहत हे:“ ‘मिसर के संगी देसमन नास हो जाहींअऊ ओकर घमंड ले भरे बल ह खतम हो जाही।मिगदोल ले लेके असवान तकओमन ओकर भीतर ही तलवार ले मारे जाहीं,परमपरधान यहोवा ह घोसना करत हे।7ओमन निरजन देसमन के बीचनिरजन हो जाहीं,अऊ नास हो गय सहरमन के बीचओमन के सहरमन नास होके पड़े रहिहीं।8जब मेंह मिसर म आगी लगाहूं,अऊ ओकर जम्मो मददगारमन कुचरे जाहीं,तब ओमन जानहीं कि मेंह यहोवा अंव।9“ ‘ओ दिन मोर करा ले संदेसियामन जहाजमन म निकलके जाहीं अऊ कूस के मनखेमन ला ओमन के आत्म-संतोस होय ले डराहीं। मिसर के बिनास के दिन ओमन पीरा ले भर जाहीं, काबरकि अइसने जरूर होही।10“ ‘परमपरधान यहोवा ह ये कहत हे:“ ‘मेंह बेबिलोन के राजा नबूकदनेसर के हांथ लेमिसर के उपदरवी मनखेमन के अन्त कर दूहूं।11ओ अऊ ओकर सेना ला जऊन मन जम्मो जातिमन म बहुंत निरदयी अंयओ देस ला नास करे बर लाय जाही।ओमन मिसर के ऊपर तलवार चलाहींअऊ देस ला हतिया करे गय मनखेमन ले भर दीहीं।12मेंह नील नदी के पानी ला सूखा दूहूंअऊ देस ला एक दुस्ट जाति के हांथ म बेच दूहूं;परदेसीमन के दुवारामेंह देस अऊ ओमा के हर एक चीज ला उजाड़ दूहूं।में यहोवा ह कहे हवंव।13“ ‘परमपरधान यहोवा ह ये कहत हे:“ ‘मेंह मूरतीमन ला नास कर दूहूंअऊ मेमफीस सहर म मूरतीमन के अन्त कर दूहूं।मिसर देस म फेर कोनो राजकुमार नइं होहीं,अऊ मेंह पूरा देस म डर फईला दूहूं।14मेंह ऊपरी मिसर ला उजाड़ दूहूं,सोअन सहर म आगी लगा दूहूंअऊ थेबेस सहर ला सजा दूहूं।15पेलुसियम, जऊन ह मिसर के मजबूत नगर अय,ओकरे ऊपर मोर कोप ह भड़कही,अऊ मेंह थेबेस के उपदरवी मनखेमन ला नास कर दूहूं।16मेंह मिसर म आगी लगा दूहूं;पेलुसियम ह पीरा म तड़पही।थेबेस नगर गरेर म उड़ जाही;मेमफीस म लगातार दुख-पीरा बने रहिही।17ओन अऊ पीवेसेत सहर के जवानमनतलवार ले मारे जाहीं,अऊ ये सहरमन बंधुवई म चले जाहीं।18जब मेंह मिसर के जुड़ा ला टोरहूं,तब तहपनहेस नगर म दिन म ही अंधियार हो जाही;तब उहां ओकर घमंड ले भरे बल के अन्त हो जाही।ओकर ऊपर बादर छा जाही,अऊ ओकर गांवमन बंधुवई म चले जाहीं।19ये किसम ले मेंह मिसर देस ला सजा दूहूं,अऊ ओमन जानहीं कि मेंह यहोवा अंव।’ ”
फिरौन के बाहांमन टूट गे हवंय
20हमर बंधुवई के गियारहवां बछर के, पहिला महिना के सातवां दिन, यहोवा के बचन ह मोर मेर आईस:21“हे मनखे के बेटा, मेंह मिसर के राजा फिरौन के बाहां ला टोर देय हंव। ओकर ईलाज बर ओला बांधे नइं गे हवय या ओमा पलस्तर नइं चघाय गे हवय ताकि ओह मजबूत होके तलवार ला धर सकय।22एकरसेति परमपरधान यहोवा ह ये कहत हे: मेंह मिसर के राजा फिरौन के बिरूध म हवंव। मेंह ओकर दूनों बाहांमन ला टोर दूहूं, बने बाहां के संगे-संग टूटे बाहां ला घलो, अऊ तलवार ला ओकर हांथ ले गिरवा दूहूं।23मेंह मिसरीमन ला जाति-जाति के मनखेमन के बीच एती-ओती फईला दूहूं अऊ देस-देस म ओमन ला तितिर-बितिर कर दूहूं।24मेंह बेबिलोन के राजा के बाहांमन ला मजबूत करहूं अऊ अपन तलवार ला ओकर हांथ म दे दूहूं, पर मेंह फिरौन के बाहांमन ला टोर दूहूं, अऊ ओह बेबिलोन के राजा के आघू म अइसन कलहरही, जइसन मरनेवाला एक घायल मनखे कलहरथे।25मेंह बेबिलोन के राजा के बाहांमन ला मजबूत करहूं, पर फिरौन के बाहांमन ढीला पड़ जाहीं। तब ओमन जानहीं कि मेंह यहोवा अंव, जब मेंह अपन तलवार बेबिलोन के राजा के हांथ म दे दूहूं अऊ ओह येकर उपयोग मिसर देस के बिरूध करही।26मेंह मिसरीमन ला जाति-जाति के मनखेमन के बीच फईला दूहूं अऊ ओमन ला देस-देस म तितिर-बितिर कर दूहूं। तब ओमन जानहीं कि मेंह यहोवा अंव।”