Hizqeela Maxaafa3gof_ltw

1Xoossay, “Asa na7aw, ne sinthan de7eysa ma; ha xaatha maxaafa ma; bada, Isra7eele asaas oda” yaagis.2Hessa gisho, taani ta doona dooyin, I tana xaaxa maxaafa barsis.3I taako, “Asa na7aw, ha ta nena barsiya xaatha maxaafa ma; iyara ne uluwa kuntha” yaagis. Ta miya wode ta doonan eessada mal7is.4Xoossay taako, “Asa na7aw, dendada, Isra7eele asaako ba; ta qaala entaw oda.5Neeni kiitetiday, enta doonay eretonnanne qaalay gelonna asaako gidenna; shin neeni Isra7eele asaako kiitetadasa.6Taani nena enta qaalay gelonna, enta doonay eretonnanne akeekanaw metiya daro deriyako ta nena kiittabike. Ta nena entako kiittidaba gidiyako, enti ne odiyaba si7anashin.7Isra7eele asay ta odiyaba si7anaw koyonna gisho, ne odeysa si7okona. Isra7eele asay wozana muumenne yeelli baynayisata gidiya gisho ne odiyaba si7okona.8Shin taani nena entada wozana muumenne yeelli baynaysa oothana.9Taani nena yashshi baynanne zaallafe aadhida mino oothana. Enti makallancho gidikoka, entaw yayyofa; entaw dagammofa” yaagis.10Gujidi Xoossay, “Asa na7aw, ta new odiya qaala ubbaa minthada si7a; akeeka.11Di7on de7iya ne asaako bada entaw oda. Enti si7in, si7onna ixin, taani Ubbaa Haariya Goday odeysa entaw oda” yaagis.12Hessafe guye, Ayyaanay tana pude denthis; Godaa bonchoy ba bessaafe pude dendiya wodetaape guyera wolqaama guunthu si7as.13Hessika, de7on de7iya medhetethata qefey issoy issuwara boshetiya girsaynne enta miyen de7iya gertota girsaara gahetidi, wolqaama guuntha girsi si7as.14Ayyaanay tana pude denthis; tana ekidi hara bessi efis; Godaa gita wolqay tana haaris; ta ayyaanan cametashenne yilotashe bas.15Koboora shaafa matan, Tel-Abiban de7iya di7etida asaako gakas. Taani dagammada yan entara laapun gallas gam7as.

Hizqeeli Naagiso Asi

16Laapuntho gallas wursethan Godaa qaalay taako haysada yaagishe yis:17“Asa na7aw, ta nena Isra7eele asaa naagiya asi oothas. Ta doonape keyiya qaala si7idi, naagana mela entaw oda.18Taani nagaranchuwa, ‘Tuma neeni hayqana’ giya wode, ne bada iyaw odonna ixiko, I ba iita ogiyape simmana melanne iya shempoy attana mela ne iya naagisonna ixiko, I ba nagaran hayqana; shin iya suutha gisho ta nena oychana.19Neeni nagaranchuwas odin, I ba nagarapenne ba iita ogiyape simmonna ixiko, I ba nagaran hayqana; shin neeni ne huuphiya ashshana.20“Xillo asi ba xillotethaafe guye simmidi, iita oothiya wode ta iya sinthan dhube wothin, I hayqana. I simmana mela ne iyaw odonna gisho I ba nagaran hayqana. I kase oothida xillo oosoy zaaridi qofetenna; shin taani iya suuthaa gisho nena oykana.21Shin xillo asi nagaraa oothonna mela ne iyaw odin, I ne kiita si7idi, nagara oothonna aggiko, tuma I de7on daana; neeni nena ashshana” yaagis.

Hizqeela Doonay Muumis

22He bessan Godaa wolqay tana haaris; I taako, “Dendada zangaara ba; yan ta new odana” yaagis.23Ta dendada, zangaara bas. He bessan kase Koboora shaafa matan ta be7idaysada, yan Godaa bonchuwa be7as; taani sa7an som7ora gufannas.24Shin Ayyaanay ta giddo gelidi, tana ta tohaan essis. Goday taako, “Ne soo bada, ne bolla pengiya gordada utta.25Asa na7aw, ne wodoron qashetana; asako keyanaw danda7aka.26Ha makallancho asaas ne odonna melanne enta bolla hanqetonna mela ta ne doona muumisana.27Shin ta new odiya wodenne ne doona dooyiya wode neeni, ‘Ubbaa Haariya Goday, enti makallancho gidiya gisho, si7iya oonika si7o; si7onna ixiya oonika si7opo’ yaagada” odana.
expand_more
Search