Read Ezekiɛli 27

Ezekiɛli27bqc_sim

Wɛ̃nakɛa Tiiɛ

¹Dii yã'òmɛɛ à mɛ̀:²Gbɛ̃nazĩn nɛ́, wɛ̃nalɛ da ń Tii pↄ́ kú ísiabuakĩi³ì laata ń bui dasi pↄ́ an bùsu ku ísialɛↄ ǹ mɛ:Ma Dii Lua ma mɛ̀,Tii, ni mɛ n kɛfɛnkɛ bↄ̀lɛi.⁴Ń dɛ lán gówa ísia guo,n kalɛnaↄ tò n kɛfɛnkɛ bↄ̀lɛi.⁵N líↄá Senii gbɛ̀ pɛ̃liↄnɛ,mɛ́ n lipɛlɛá Libã sɛdɛ líɛ.⁶Wà n gólibↄↄ ã̀ ń Basana gbɛ̃́nɛliↄɛ,wà n lipɛpɛɛↄ kɛ̀ ń Sipi bùsu sɛ̃́ lí pↄ́ wà wesa swaa dàdauↄɛ.⁷N zwãaá Egipi pↄ́lɛ wɛ̃̀sãdeɛ,a dɛ n dàlapoo ũ.N zwã̀akpɛ zwãaá zwã̀a búunań zwã̀a gàalulade pↄ́ bↄ̀ Ɛlisa bùsuuↄnɛ.⁸Sidↄ̃deↄ ń Aavadideↄ mɛ́ n gobↄnaↄ ũ,nzĩa gbɛ̃́ gↄ̃ideↄ mɛ́ n ígbɛ̃ↄ ũ.⁹Gebali gↄ̃ide zↄ̃ↄↄ ku n guun gufootatanaↄ ũ.Ísia góↄ ń ń ígbɛ̃ↄ ku n saɛ,álɛ laata sãnu.¹⁰Pɛɛsiↄ ń Ludiↄ ń Libiiↄku n zĩgↄ̃ↄ guu nɛgↄ̃naↄ ũ.Aa ń sɛ̀ngbaoↄ ń ń mↄ̀ fùaↄ lòolooma,aa tò n kɛfɛũ kũ̀.¹¹Aavadi zĩgↄ̃ↄ kálɛa n bĩ́iↄwa aa lìai,Gamadadeↄ ku n gugwakĩi lɛsĩↄ guu.Aa ń sɛ̀ngbaoↄ lòoloo n bĩ́iↄwaaa tò n kɛfɛnkɛ bↄ̀lɛi.

¹²Taasisideↄ laatànnↄ sãnu n àizɛɛ dasiↄ yã́i. Aa fĩabònɛ ń ã́nusuo ń mↄsio ń mↄpuo ń bɛↄmao.¹³Gɛlɛkiↄ ń Tubaliↄ ń Mɛsɛkiↄ laatànnↄ sãnu, aa fĩabònɛ ń zↄↄ ń mↄgotɛ̃ pↄ́ↄ.¹⁴Tↄgaamaↄ fĩabònɛ ń sↄ̃́ zĩkɛnaↄ ń sↄ̃́ zĩ̀kanaↄ ń sↄ̃baonaↄ.¹⁵Lodedeↄ laatànnↄ sãnu, bùsu dasideↄ mɛ́ n laalunaↄ ũ, aa wesa swaa ń mↄa lío kpàma.¹⁶Siliↄ laatànnↄ sãnu n pↄ́ dasiↄ yã́i, aa fĩabònɛ ń tiikↄazio ń zwã̀a gàaluladeo ń zwã̀a wɛ̃̀sãdeo ń bàabaao ń òsoo ń lubiio.¹⁷Yudaↄ ń Isailiↄ laatànnↄ sãnu, aa fĩabònɛ ń pↄ́wɛnao ń zↄ́o ń nísio ń lí'ↄo.¹⁸Damasideↄ laatànnↄ sãnu ń Ɛlɛbↄ̃ vɛ̃ɛo ń Zahaa sãkão n pↄ́ dasiↄ ń n àizɛɛↄ yã́i.¹⁹Dã buiↄ ń Gɛlɛki pↄ́ kú Uzaliↄ n laa lù ń mↄ̀ pↄ́ wa kàsoo ń kasia gĩnanao ń kanɛ lí feeo.²⁰Dedãↄ laatànnↄ sãnu ń gaaĩ zwãaↄ.²¹Laalubuↄ ń Kedaa kíaↄ laatànnↄ sãnu ń sãnɛbↄlↄↄ ń sãsakaoↄ ń bleↄ.²²Seba ń Laama laatanaↄ fĩabònɛ ń pↄ́ gĩnana maaↄ píi ń gbɛ̀ bɛɛɛdeↄ píi ń vuao.²³Halanadeↄ ń Kanɛdeↄ ń Edɛnideↄ ń Seba laatanaↄ laatànnↄ sãnu ń Asiliↄ ń Kilimadadeↄ.²⁴Aa pↄkasa maaↄ ń ulada búunaↄ ń zwãa pↄ́ wà bà kɛ̃̀wàↄ ń pↄ́ wɛ̃̀sãde pↄ́ wì kpálɛ kpɛ́uↄ ń bà gbãaↄ yíama n ɛlɛu.²⁵Taasisi gó'ilɛnaↄ n laaↄ sɛa,ń kãa, n tↄbↄ̀ ísia guo maamaa.²⁶Gobↄnaↄ gɛnnↄ ikooa lɛsĩↄ kĩ́i,gukpɛ ĩ́ana i n wíwi ísia guoguo.²⁷N àizɛɛↄ ń n laaↄ ń n pↄ́ↄ píikpálɛ ísia guoguo n ↄ̃̀ↄkpagↄↄń n bↄnaↄ ń n ígbɛ̃ↄń n gufootatanaↄ ń n laatanaↄń n zĩgↄ̃ↄ ń dasi pↄ́ kú n guuↄ.²⁸Gↄ̃sↄ̃ a lualua ígbɛ̃piↄ wii yã́i.²⁹Gobↄnaↄ bↄlɛ ń góↄ guu ḿpii,gofĩnaↄ ń ígbɛ̃ↄ píi aaↄ zɛa gↄ̃sↄ̃lɛ.³⁰Aa wiilɛ n yã́ musu,aai búbuapɛ wɛ̃nannↄ.Aa bùsu zu ń mia,aai gbeembo túfu guu.³¹Aa ń migbaa lɛ́ n yã́i,aai zwã̀nkasaↄ da.Aa n ↄ́ↄlↄ ń pↄsiaoń búbua pãsĩo.³²Aa wɛ̃nalɛ sinɛ ń ↄↄlↄo,aa wɛ̃nakɛnɛ aa mɛ:Tii, wɛ̃́lɛe muaannↄo,ↄ̃ n kɛ kyↄ̃́ ísia guoguoa?³³Kɛ́ n laa yíaaↄ dàzɛu ísiaa,bui daside kã̀ n àizɛɛ zↄ̃ↄ yã́i.N pↄ́ↄ tò dṹnia kíaↄ kɛ̀ ↄdeↄ ũ.³⁴Ísia n wiwi sa, n sↄ̃ↄlɛ ísiu,n pↄ́ↄ ń n gbɛ̃́ↄ kpàlɛnnↄ ḿpii.³⁵N yã́ dì ísialɛdeↄwa,ↄ̃ an kã́ sĩ̀, an oa ↄ̃̀ↄkpà.³⁶Buiↄ laatanaↄ lɛ́ lɛsuikɛkɛma,n kaalɛa vãi, ńyↄ̃ↄ ku bau lↄo.

Ezekiɛli 27 / bqc_sim

Wɛ̃nakɛa Tiiɛ

Ezekiɛli27bqc_sim