Read Ezekiɛli 24

Ezekiɛli24bqc_sim

Yelusalɛũ lɛɛũa ń mↄ̀ oo tã́nkpakɛao

¹Wá kua zĩ̀zↄↄ ũ wɛ̃̀ kɛ̃okwide, a mↄ kwide gↄↄ kwide zĩ́ Dii yã'òmɛɛ à mɛ̀:²Gbɛ̃nazĩn nɛ́, gↄↄɛ bee dalau, asa gbã Babɛli kía koezↄ̃̀ Yelusalɛũzi.³Yãlɛɛũ ń bui swã́yãmansaidepiↄ ǹ onɛ́ ma Dii Lua ma mɛ̀:À oo ditɛ, í íkau,⁴í nↄ̀ↄ kau,nↄ̀ↄ maaↄ, a gbá ń a ↄo,í wá nísideↄ ka à pai.⁵Iↄ dɛ kpàsa nↄ̀ↄ maa ũ,í yàaka oopi zíɛ,í disa à ma oopi guu ɛ́lɛ'ɛlɛ.⁶A yã́i ma Dii Lua ma mɛ̀,waiyoo gbɛ̃dɛn wɛ̃́lɛ,oo pↄ́ a gbãsĩ gì woloi pi!À a nↄ̀ↄpiↄ bↄlɛu dodo píi,kási ásu líkpa a yã́ musuo.⁷Aa gbɛ̃́ↄ dɛ̀dɛ wɛ̃́lɛpi guu,aa ń au bↄ̀lɛ gbɛsɛɛnawa,aai kↄ́lɛ tↄↄlɛwa aa bùsukàwào.⁸Má tò aupi gↄ̃̀ gbɛsɛɛnapiwa,kɛ́ wasu e pↄ́ káwào yã́i,gbɛ̃́ↄ pↄ i pańzi, aai tↄsimá.⁹A yã́i ma Dii Lua ma mɛ̀,Waiyoo gbɛ̃dɛn wɛ̃́lɛ!Mapi, má yàakau zↄ̃ↄzↄ̃ↄ sↄ̃ɛ.¹⁰À yàakau, í tɛ́ dau.À nↄ̀ↄpi disa e a í ba,a wápiↄ i tɛ́kũ.¹¹À oo giipi di tɛyↄ̃wa,kɛ́ à mↄ̀ e wãa kũ tã́utãu,a gbãsĩ i wolowà,a kpɛ sia i láa.¹²Oopi tò wà fùwa,a gbãsĩ zↄ̃ↄ a gowà tɛ́ guuo.¹³N gbãsĩ mɛ́ n dↄ́ɛ'ĩi ũ.Ńyↄ̃ↄ zɛ̃ao e ma pↄ gɛ́ weeò,asa má wɛ̀ɛlɛ mà n gbãsĩ woloma,kási ń ye à wolomao.¹⁴Ma Dii ma yã'ò, yã́pi lɛ́ mↄ́.Má yã́pi kɛɛ, má gí kɛio,má gbɛ̃e wɛgwao, má nↄ̀sɛlilɛo.Má yã́kpalɛkɛánↄ á yãkɛawaɛ,ma Dii Lua mámɛ má ò.

Ezekiɛli na gaa

¹⁵Dii yã'òmɛɛ à mɛ̀:¹⁶Gbɛ̃nazĩn nɛ́, má pↄ́ pↄ́ n wɛ́ blè sima kã́ndo. Ńsu búbuapɛo, ńsu ↄ́ↄlↄo, ńsu to wɛ́'i bↄmao.¹⁷Aaukɛ kílikili, ńsu ǹ aà gɛ ↄ́ↄlↄo. Ǹyↄ̃ n fùa ń n kyaleↄ kpaa. Ńsu pↄ́ kú n lɛ́wao. Ńsu gɛ'ↄↄlↄnaↄ blɛ bleo.¹⁸Ma yã'ò gbɛ̃́ↄnɛ kↄↄ, a oosi ↄ̃ ma na gà. Kɛ́ gu dↄ̀, ↄ̃ má yã́ pↄ́ Dii òmɛɛ kɛ̀.¹⁹Ɔ̃ aa ma la aa mɛ̀: Yã́ pↄ́ ńlɛ kɛɛ beeↄ dɛ wá yã́ ũ yã̀? Ǹ a bↄↄlɛkɛwɛ̃ɛ.²⁰Ɔ̃ má wèmá ma mɛ̀: Dii yã'òmɛɛ à mɛ̀²¹mà o á Isailiↄnɛ á Dii Lua mɛ̀, álɛ a kpɛ́ gbãlɛ, á zɛgikĩi pↄ́ i ĩ́anadãò, ì kɛɛ́ maa, i a bɛɛkɛpi, á nɛgↄ̃ɛↄ ń á nɛnↄɛ pↄ́ a ń tó weↄ gaga zĩ guuɛ.²²Í kɛ lá má kɛ̀wa. Á pↄ́ kú á lɛ́wao, á gɛ'ↄↄlↄnaↄ blɛ bleo.²³Áↄ á fùaↄ ń á kyaleↄ kpaa. Á búbuapɛo, á ↄ́ↄlↄo. Á ibaba á duuna yã́i, í aaukɛkↄ̃ɛ.²⁴Máↄ dɛɛ́ seela ũ. Lá má kɛ̀ píi, ápiↄ sↄ̃ á kɛɛ, íↄ dↄ̃ kɛ́ Dii mɛ́ Lua ũ.²⁵Dii ɛ̀a mɛ̀: Gbɛ̃nazĩn nɛ́, gↄↄ pↄ́ ma ń zɛgikĩi sìmá, an ĩ́andãbↄ pↄ́ aaì pↄnakɛòpi, pↄ́ pↄ́ ń wɛ́ blè an pↄ́ dↄwàpi ń ń nɛgↄ̃ɛↄ ń ń nɛnↄɛↄ,²⁶gbɛ̃́ pↄ́ bↄ̀ zĩ bee a mↄ n kĩ́i, i a bao kãnɛ n swã́wa.²⁷Zĩ́ bee n lɛ́na a golɛ, ní yã'o ń gbɛ̃́ pↄ́ bↄ̀pio, n lɛ́na aↄ naalɛa lↄo. Ńyↄ̃ↄ dɛnɛ́ seela ũ, aai dↄ̃ kɛ́ mámɛmaa Dii.

Ezekiɛli 24 / bqc_sim

Yelusalɛũ lɛɛũa ń mↄ̀ oo tã́nkpakɛao

Ezekiɛli na gaa

Ezekiɛli24bqc_sim