1Abaho Musa na Waizilaeli wamwimbila Mndewa Imulungu lwila luno,“Nomwimbila Mndewa Imulungu kwavija kauchanha ng'hani,falasi na wanhu owakwela kawasung'hila mwiibahali.2Mndewa iyo nguvu zangu na lwila lwanguheyo iyo yanikombole.Heyo iyo Imulungu wangu, na niye nomtogola,na niye nomtogola Imulungu wa tatangu, na nomtambikila.3Mndewa Imulungu kamba munhu wa ng'hondoMndewa Imulungu dijo twaga jake.4Mituka ya Falao na wakalizi zake kawasila mwiibahali.Watawala zake wadumbukila mwiibahali ya Shamu.5Mazi gawagubika,Wadumbukila mbaka hasi mwiibahali kamba dibwe.6Mndewa Imulungu mkono wako wa kudila, ogweleligwa ukulu.Mndewa Imulungu mkono wako wa kudila owahonda waja okwihila.7Kwa ukulu wako kuwabwanha hasi waja okwihilakowahuvila kwa ng'hasiliki yako nayo yowasakaza kamba usoti.8Kwa mhumuzi yako mazi gailundiza.Mawimbi gamazi gema wima kamba kisugulu,mazi ga bahali gaganda.9Ija yatwihile kalonga, ‘Nowakweleleza na nowagoga,Noigolela vinhu vao kamba vinonda,Nosomola sime jangu, na nowabananga kwa mkono wangu.’10Lakini gweye kugala beho jako, nayo bahali iwagubika.Wadidimila mgamazi kamba dibwe.11Mndewa Imulungu, mna iwaja oikema mulungu nani kamba gweye?Nani yaigalile na gweye, gweye ung'alile ng'hani,Nani yodaha kutenda unzonza na vinhu vikulu kamba vako?12Kuugolosa mkono wako wa kudila,na isi iwameza waja watwihile.13Gweye kotamaniligwa mna igaja goulonga, kuwalongoza waja uwakombole,kwa nguvu zako kuwalongoza kuna iisi yako ing'alile.14Wanhu wa isi ziyagwe wazihulika mbuli azo, na wagwaya kwa bwembwe,Wanhu okala Filisitia onyawanyawa.15Watawala wa isi ya Edomu ogwaya,wakulu wa Moabu oinyuwata,wanhu wose okala Kanaani mizoyo yao yolumbuka.16Bwembwe na ifa viwagubika.Kwa ukulu wa nguvu zakowao wanyamala tuluu kamba dibwe,mbaka wanhu zako wabite,ona mbaka waja uwakombole wabite.17Gweye kuwagala wanhu zako na kowahanda kulugongo lwako,Hanhu hausagule hawe kae yako gweye Mndewa Imulungu,kae yuuzengile kwa makono gako.18Gweye Mndewa Imulungu, kotawala milele.”
Lwila lwa Miliamu
19Falasi wa Falao na mituka yake na wakwela falasi wake viwengile mwiibahali hanhu hanyalile, Mndewa Imulungu kagabweza mazi ga bahali gawagubika. Lakini Waizilaeli wagendelela kutembela hanhu hanyalile hagati ya ibahali.20Abaho Miliamu mtula ndagu wa kitwanzi, lumbu jake Haluni kasola ngoma ndodo, na watwanzi wayagwe wamkweleleza, kuno wagoga ngoma zao ndoondodo kuno ocheza.21Miliamu kawembila,“Mwimbileni Mndewa Imulungu, kwavija kabanza kwa ukulu,falasi na waja owakwela kawasung'hila mbahali.”
Mazi gausungu
22Abaho Musa kawalongoza Waizilaeli wagendelele na mwanza kulawa bahali ya Shamu, kuchola kuluwala lwa Shuli. Wagenda kuluwala kwa siku ndatu bila kugona mazi.23Viwavikile hanhu hokemigwa Mala, hawadahile kugang'wa mazi ga hanhu aho kwavija gakala gausungu. Lekaavo hanhu aho hakemigwa Mala.24Wanhu wamuyalalila Musa walonga, “Tung'we choni?”25Musa kamulilila Mndewa Imulungu, nayo Mndewa Imulungu kamulagusila kibiki. Abaho Musa kakigela mgamazi, mazi gakala gaumulile. Kuko Mndewa Imulungu kawagwaa Waizilaeli malagizo vivija kawageza.26Kawalongela, “Kamba monitegeleza goya niye Mndewa Imulungu wenu kwa kutenda ganogile mgameso gangu, na kugoga Malagizo gangu, na niye siwakoboza bule kwa mitamu iniwagalile Wamisili. Kwavija niye ayo Mndewa Imulungu niwahonyaga mweye.”27Abaho Waizilaeli wavika kuko Elimu, kuko kukalile na nzasa longo na mbili na mitende malongo saba, weka ng'hambi yao kuko behi na mazi.