Kessaa15dwr_ltw

Muse Yetsaa

1He wode Musenne Israa'eeliyaa Asay ha yetsaa Med'inaa Godaw yes's'eeddino;«Bonchchuwaan loytsi d'ok'k'u d'ok'k'u geedda diraw,taani Med'inaa Godaw mazimuriyaa yes's'ana.Paranne paraa gaariyaanne toggeeddawantta abbaan oleedda.2Med'inaa Goday ta wolk'k'aanne ta mazimuriyaa;I taana ashshiyaawaa gideedda.I ta S'oossaa; taani Aa sabbana.I ta aawuwaa S'oossaa;taani Aa d'ok'k'u d'ok'k'u ootsana.3Med'inaa Goday ereteedda olanchchaa;Aa suntsaykka Med'inaa Godaa.4Gibs'e kaatiyaa paraa gaaretuwaanneAa olanchchatuwaa abbaan oleedda.Gibs'e kaatiyaa kaappatuu,ubbaappe aad'd'i lo"iyaawanttu Zo'o Abbaan muuketteeddino.5C'iimmo haatsay unttuntta kammeedda;unttunttu shuchchaadaan c'iimmuwaan mitetteeddino.
6«Abeet Med'inaa Godaw, ne ushechcha kushiiwolk'k'an goobeeddawaa;Med'inaa Godaw, ne ushechcha kushiimorkkiyaa mentsereetseedda.7Ne bonchchuwaa gitatetsaanneenana gaaddateeddawantta olaadda.Ne ees's'iyaa hank'k'uwaa neeni yeddina,I unttuntta dalaadan meedda.8Ne siid'iyaanna kesiyaa shemppuwaanhaatsay dooretteedda.Goggiyaa haatsaykka godaadan min ek'k'eedda;c'iimmo haatsay abbaa gomppan irkkiide minneedda.
9«Morkkii,‹Taani unttuntta yederssaade oyk'k'ana.Taani unttunttu mas'uwaa shaakkaade,ta koyeeddawaa ubbaa akkana.Taani ta mashshaa shoddaade,unttuntta d'ayissana› yaagiide c'eek'etteedda.
10«Shin Ne peenuwaan punnina,abbay unttuntta kammeedda.Unttunttu wolk'k'aama haatsaanbiratay mitettiyaawaadan mitetteeddino.11Abeet Med'inaa Godaw, s'oossatuwaa giddonne malay oonee?Geeshshatetsaan bonchchettiyaawe,bonchchuwaan yayettiyaawe,malaliyaabaa ootsiyaawe ne malay oonee?12Neeni ne ushechcha kushiyaa mic'c'ina,biittay unttuntta mitteedda.
13«Neeni wozeedda ne asaaaggena ne siik'uwaan kaaletsaadda.Neeni ne wolk'k'anunttuntta neeni de'iyaa geeshsha sa'aa gelissaadda.14Kawutetsatuu hewaa sisiidekokkoreeddino.Piliss's'eema gadiyaa asatuukkayeluu oyk'k'eeddawaadan un"etteeddino.15He wode Eedooma gade kaappatuu dagameeddino.Moo'aabe gadiyaa mooddiyaawanttayashshay kokkorsseedda.Kanaane asatuwaa shenii hayk'k'eedda.16Abeet Med'inaa Godaw dagamaynne yashshay unttuntta oyk'k'ina,Unttunttu ne wolk'k'aa gitatetsaa be'iide,ne Asay aad'd'ana gakkanaw,neeni wozeedda Asay aad'd'ana gakkanaw,shuchchaadan muumiide ek'k'ino.17Abeet Med'inaa Godaw Neeni unttuntta ahaade,ne buzo gaden de'iyaa deriyaa huup'iyaan toketteedda mitsaada wotsa.He sa'ayneeni new de'anaw ootseedda sa'aa,he geeshsha sa'ay neeni ne kushiyaan minisaadde esseedda sa'aa.18Med'inaa Goday med'inaappe med'inaw kawutanawaa.»19Gibs'e kaatiyaa paratuu, Aa paraa gaaretuunne Aa paraa asatuu abbaan geleedda wode, Med'inaa Goday unttunttu bolla abbaa haatsaa guyye zaariide unttunttu bolla aheedda; shin Israa'eelatuu abbaa gidduwaana mela biittaan hamettiidde beeddino yaagi yes's'eeddino.

Mayraami Yetsaa

20Aaroona michchata, nabatta Mayraama darbbiyaa akkaaddu; mac'c'a Asay ubbay darbbiyaa bak'k'iiddenne yes's'iidde izo kaaleeddino.21Mayraama unttunttoo yetsaa yes's'aadde,«Med'inaa Goday loytsi d'ok'k'u d'ok'k'u geedda diraw,aw yes's'ite.Paraanne paraa toggeeddaawaaI abbaan oleedda» yaagaadde yes's'aaddu.

C'ammiyaa Haatsaanne Lo"o C'ora Pulttuwaa

22Hewaappe guyyiyaan Muse Israa'eeliyaa Zo'o Abbaappe kaaletsina, unttunttu Suuri geetettiyaa mela biittaa beeddino. He mela biittaan unttunttu haatsaa demmennaan heezzu gallassaa hametteeddino.23Unttunttu Maaraa giyaa sa'aa gakkeedda wode, Maaraa haatsay c'amo gideedda diraw, ushanaw danddayibeykkino; hewaa diraw, he sa'ay Maaraageetetteedda.24Hewaa diraw, asay, «Nuuni ayaa ushanee?» yaagiide Muse bolla zuuzummeedda.25Muse Med'inaa Godaw waasseedda; Med'inaa Goday Aa itti mitsaa besseedda; Muse he mitsaa haatsaa giddo olina, haatsay mal"eedda. Med'inaa Goday unttunttoo kalesetiyaa wogaa immeedda; yaan S'oossay unttuntta paac'c'eedda.26I unttuntta hawaadan yaageedda; «Med'inaa Goday hinttenttu S'oossay odiyaawaa minisiide sisooppenne Aa ayfiyaa sintsaan likkebaa ootsooppe, hinttenttu Aa azazuwaa hayzzooppenne Aa wogaa ubbaa naagooppe, taani Gibs'etuwaa bolla aheedda harggiyaappe ittuwaanne hinttenttu bolla ahikke; ayaw gooppe, taani hinttentta patsiyaa Med'inaa Godaattee» yaageedda.27Hewaappe unttunttu Eliima giya gadiyaa yeeddino; yaan tammanne laa"u haatsaa pulttotuunne laappun tammu zambbaa mitsatuu de'iino. Unttunttu yaan haatsaa doonaan utteeddino.
expand_more
Search