Efesoona Kiita5gof_ltw
1Hiza, Xoossay dosiya naytada iya daanite.2Kiristoosi nuna dosidi bana nu gisho Xoossaas sawiya imonne yarsho oothidi immidaysada hinteka siiqon de7ite.3Shin laymatethi, tunatethinne uuzetethi ammaniya asaas bessonna gisho hinte giddon ubbaraka si7etofo.4Xoossaa galatitepe attishin, yeellayabaynne eeya odi woyko qidhey hintew bessonna gisho hinte giddon ubbaka de7opo.5Haysa erite; oonika laymatey woyko tunabaa oothey woyko uuzetey Kiristoosa kawotethaanne Xoossaa kawotethaa laattanaw danda7enna. Uuzetethi eeqa goyinno mela.6Hayisata gaason Xoossaa hanqoy kiitetonna asaa bolla yaana gisho oonika hintena pathonna odan cimmofo.7Hessa mela asaara issifetethi oothopite.8Kase hinte dhuman de7ideta, shin ha77i Godaa baggara poo7on de7eeta. Hiza, poo7o asada poo7on simeretite.9Poo7oy lo77otethi, xillotethinne tumatethi ayfees.10Godaa ufaysiyabaa oothanaw koyite.11Go77i bayna dhuma ooso qoncisitepe attishin, iyara issifopite.12Enti geeman oothiya oosuwa hari attoshin odanawuka yeellayees.13Shin ubbabay poo7on keyiya wode qoncen bentees.14Poo7oy ubbaba qoncen bessees. Hessa gisho,“Neno dhiskeyso barka;hayqope denda;Kiristoosi ne bolla poo7ana” yaagetis.15Hiza, hinte waanidi de7iyako akeeki be7ite. Cincata giditepe attishin, eeyata gidopite.16Laythay iita gidiya gisho injetiya wode ubbaa go7etite.17Hessa gisho, Godaa sheney aybeko akeekitepe attishin, eeyopite.18Geeshsha Ayyaanan gallas gallas kumitepe attishin, dhayoko hintena kaalethiya gisho woyne ushshan mathotofite.19Mazmuren, sabaninne ayyaana yethan, issoy issuwara odetite. Qassi hinte wozanan yexishenne sabbishe Godaa galatite.20Nu Godaa Yesuus Kiristoosa sunthan ubba wode Xoossaa Aawa ubbabaas galatite.21Kiristoosa bonchuwas gidi issoy issuwas haaretite.