Efežanenđe4rmn_atw

Jedinstvo ano telo e Hristesoro

1Adalese, me, o phandlo zbog o Gospod, molinava tumen te živinen dostojno zako poziv ko savo injen vičime.2Ani sa i poniznost hem krotkost, strpljivo podnosinen jekh avere ano mangipe.3Den sa tumendar te ićeren o jedinstvo ano Duho, palo mir savo povezini tumen.4Jekhi telo hem jekhi Duho, sar soi jekh i nada ki savi o Devel vičinđa tumen.5Samoi jekh Gospod, jekh vera, jekh krstiba.6Samoi jekh Devel hem Dad sarijengoro. Ovi upreder sa, prekalo sa hem ano sarijende.7A svakonese amendar dindi i milost edobor kobor o Hrist odredinđa.8Adalesei pisime ano Sveto lil:
“Kad uklinđa ko učipe,peja legarđa bute phandlen,hem dinđa darija e manušenđe.”
9A adava “uklinđa”, so šaj aver te značini nego da angleder huljinđa ano naj telune, e phuvjakere krajevija.10Okova kova huljinđa, istoi Okova kova uklinđa više oto sa o nebesija, te pherel sa.11Ov korkoro dinđa jekhen zako apostolja, a averen zako proroci, jekhen zako evangelizatorja, a averen zako pastirija hem učitelja,12te pripremini e Devlesere manušen zaki služba, te izgradini pe o telo e Hristesoro.13Ađahar sare ka ava đi ko jedinstvo ani vera hem ano pendžaripe e Devlesere Čhave, đi ko zrelo manuš, sa dok na ovaja savršena sar o Hrist.14Ađahar naka ova više nezrela sar čhavore kolencar čhelenafse o talasija hem kolen upre tele frdela svako barval oto sikaviba e lukavone manušengoro, kola kandena pe prevaraja sar te legaren len ko bišukar drom.15Nego, vaćerindoj o čačipe, ano mangipe, ano sa ka barjova ano Hrist, kovai o Šero.16Ov ćerela sa o telo te barjol hem te gradini pe ano mangipe, ađahar so o zglobija ićerena o telo zajedno, a svako ud ćerela pli buti.

Nevo dživdipe ano Hrist

17Adalese vaćerava tumenđe hem upozorinava tumen ano e Gospodesoro anav: ma živinen više sar okola kola na džanen e Devlese, kasere mislija zako ništa nane šukar.18Lengiri godi ani tomina, hem oni dur oto dživdipe e Devleja zbog pumaro bidžandipe hem zbog pumare steđime vile.19Adalese so našalde o osećaj zaki lađ, mukle pe ano grešna požude, i požudno ćerena svako vrsta oto bišukar buća.20Ali tumen adava na sikliljen e Hristestar.21Te čače šunđen e Isusestar hem te sikliljen dai ano leste o čačipe,22huljaven tumendar o purano dživdipe, e purane manuše ana tumende kova properela zbog o hovavne požude.23Muken e Duhose te obnovini tumaro razmisliba.24Urjaven upra tumende e neve manuše, kovai ćerdo te ovel slično e Devlese ani čačikani pravednost hem ani svetost.25Adalese ačhaven tumen taro hovajba! “Vaćeren o čačipe jekh averese”, adalese so sare zajedno injam udovija oto isto telo.26“Kad holjanena, ma grešinen.” Ma muken te perel i rat, a tumen te ačhoven holjame,27ni ma den prilika e bengese.28Ko čorđa, ma više te čorel, nego nek ćerel buti, ćerindoj šukaripe ple vastencar, te šaj ovel le so te podelini okolencar kas nane.29Ma vaćeren bišukar lafija, nego šukar, save, pali potreba, šaj te služinen ki izgradnja hem ko blagoslov okolenđe kola šunena.30Ma žalostinen e Devlesere Svetone Duho, saveja injen zapečatime zako Dive oto tumaro otkupljenje.31Ciden tumendar svako gorčina, holi hem gnev, vičiba hem akošiba, hem svako aver bišukaripe.32Oven šukar hem milosrdna jekh premalo avereste hem oprostinen jekh averese sar so o Devel ano Hrist oprostinđa tumenđe.
expand_more
Search