Efesoona Kiita4gof_ltw

Nuuni Kiristoosan Issino

1Hiza, Godaa gisho qashetida taani, hinte xeegetida xeessas bessiya de7o daana mela hintena woossayis.2Hinte ubba wode aadatanne hayo gidite; issoy issuwa danda7itenne siiqon de7ite.3Sarotethan qashetidi Ayyaanay immiya issifetetha naaganaw minnite.4Xoossay hintena xeegida wode issi ufaysas xeegidaysada issi asatethinne issi Ayyaani de7ees.5Issi Goday, issi ammanoynne issi xinqatey de7ees.6Ubbaafe bolla gidida, ubbaa baggara oothiyanne ubbaa giddon de7iya issi Xoossay, ubbaa Aaway de7ees.7Shin Kiristoosi immanaw koydaysada nu issoy issoy dumma dumma imota ekida.8Hessa gisho, Xoossaa qaalay,“I pude keyida wodedi7etida darota baara ekidi bis;asaaska imota immis”yaagees.9Yaatin, “Pude keyis” guussay woy guussee? I koyro duge, sa7aa ziqa bessaa wodhis guussu gidonna ixiko ay guussee?10Ha duge wodhidaysi, ubba bessan bentanaw ubbaafe dhoqa saluwa keydaysi iya.11I issota issota hawaareta, issota issota nabeta, issota issota Wongela sabaaketa, issota issota woosa keethi heemmeyisata, issota issota astamaareta oothidi immis.12I hessa oothiday Kiristoosa asatethi gidida woosa keethi dichanawunne ammaniya asaa Xoossaa oosos giigisanaasa.13Hessadaka, nu ubbay Xoossaa Na7aa eridi ammanon bentiya issifetethaako gakidi, Kiristoosa ayyaana de7uwa kumethi gakidi diccana melasa.14Hizape guye, asaa gene cimon giigida balethiya wordo timirte carkoninne hobben gedenne haa kuullo kaa7iya nayta mela gidanaw bessenna.15Shin nuuni tumaa siiqon odishe, asatethaas huuphe gidiya Kiristoosara de7iya issifetetha guji guji dichoos.16Kumetha asatethay Kiristoosa bolla zempees qassi dumma dumma asatethaa billiteti issoy issuwara oyketidi uttis. Issi issi asatethaa kifiley ba oosuwa oothiya wode kumetha asatethay siiqon diccees.

Gal7a De7onne Ooratha De7o

17Hessa gisho, taani haysa hintew Godaa sunthan odaysinne markatayis. Go77i bayna qofaa qopiya Ayhude gidonna asatada de7opite.18Enta qofay dhumis; banta wozanaa muumisidosona. Enti eratetha dhayoninne ixas gidi Xoossay immiya de7uwape haakidosona.19Enti yeella giyaba erokona; enti laymatethas bantana aathidi immidosona; qassi tunabaa ubbaa guye goonna oothosona.20Shin hinte Kiristoosa eriday hessa mela ogen gidenna.21Iyabaa tuma si7ideta. Qassi Yesuusan de7iya tumaa mela iyape tamaarideta.22Hinte kase de7ida de7o ogiya aggite. Qassi ba cimmiya amon dhayiya hinte ceega asatethaa diggite.23Hinte wozanaa qofan ooraxite.24Tuma xillotethaninne geeshshatethan Xoossaa leemison medhetida ooratha asatethaa ma7ite.25Hiza, wordo odetofite. Nuuni ubbay Kiristoosa asatethaa billiteta gidiya gisho asa ubbaara tuma odetite.26Hanqetite, shin hinte hanquwan nagara oothopite. Hinte hanqeti de7ishin awi wullofo.27Xalahes besse immofite.28Kaysotiya uray hizape guye kaysotopo. Shin manqota maaddiyabay iyaw daana mela ba kushen lo77oba ootho.29Hinte doonape iita qaali keyopo. Shin si7eyisata go77ana melanne harata minthethiya koshshiya lo77o qaali hinte doonape keyo.30Xoossay hintena woziya gallasas hintena attamidi wothida Xoossaa Ayyaana azzanthofite.31Cametethi, yilo, hanqo, waaso, cashshenne iita ubbaa hintefe haassite.32Aathidi issoy issuwas keehanne qadheteyisata gidite. Xoossay Kiristoosa baggara hintew atto gidaysada hinteka wolis atto giite.
expand_more
Search