1ጭንጫ አስ ዳነይ ኦኔ?ኡባባስ ብርሸ ኤረይ ኦኔ?ጭንጫተ ፓሽክስድ፥ ምዳ ሶምኡዋ ፖእሴስ።
ካዎስ ኪተታ
2ካዎስ ኪተታ፤ ካሰ ኔኒ ኪተታናጋዳ ፆሳ ስንን ጫቃዳሳ።3ካዋ ስንፈ ኤለሳዳ ከዮፓ፤ ካዎይ ባ ኮይዳባ ኦናዉ ዳንዳእያ ግሾ ኢታ ኦሶ ኦናዉ ደንዶፋ።4ኡባባ ኦናዉ ካዋስ ማት ደእያ ግሾ፥ “አይስ ሀይሳ ኦዲ?” ያግድ እያ ኦይቻናዉ ዳንዳኤይ ኦኔ?5እያ ኪታ ፖልያ አስ ቆሄተና፤ ጭንጫ አስ ልከ ዎድያነ ኦያ ኦግያ ኤሬስ።6አሰ ዴፆ መቶይ ጋክኮካ ኡባባስ ዎደይነ ኦገይ ደኤስ።7ስንፈ ሀናናባ ኤርያ አስ ባዋ፤ “ሀይስ ሀናና” ግድ ኦዳናዉ ዳንዳኤይ ኦኔ?8ሸምፖይ ሻከትድ ብያ ጋላስ ኦይክድ ተቃናዉ ዳንዳእያ አስ ባዋ፤ ዎይኮ ሀይቆይ ባ ጋላሳን ዮናዳ ድጋናዉ ዳንዳእያ አስ ባዋ። ኦላ ዎደ ኦንካ ኦለትከ ጋናዉ ዳንዳኦናይሳዳ ኢታተ ኢታ ኦያ ኡራ የደና።9ሳሎፐ ጋርሳን ሀንያባ ኡባ ታኒ አኬካዳ ቆፕያ ዎደ አስ ባዉ ደእያ ማታ ሀራ አስ ቆሀናዉ ጎኤተይሳ በአስ።10ኢታ አሳት ቦንቾን ሞገትሽን በአስ። ኤንቲ ኢታተ ኦዳ ካታማ አሳይ ሺቅድ ኤንታ ሳቢሽን ስአስ፤ ሄስ ኡባይ ሀዳ።11አስ ቆፕድ ኢታባ ኦያ ጋሶይ፥ ኢታባ ኦዳ አሳታ ኤለስድ ሴረይ ባይና ግሾሳ።12ናጋራንቾይ ፄቱ ቶሆ ኢታባ ኦሽን እያ ባረይ አዱቅኮካ፥ ፆሰ ያየይሳታስነ ቦንቸይሳታስ ሳእ ሎአናይሳ ታ ኤራይስ።13ኢታት ፆሰ ያዮና ግሾ ሳሮተ ኤንታዉ ባዋ፤ ኤንቲ ፆሰ ያዮና ግሾ ኤንታ ባረይ ኩያዳ ቃማና።አስ ፆሳ ኦገ ኤረና
14ሀ ሳአን ኦሰትያ ሀራ ሀዳባይ ደኤስ። ሄስካ፥ ጌሻ አሳት፥ ናጋራንቾት ኤካናዉ በሲያ ሴራ ኤክያ ዎደ ናጋራንቾት ጌሻት ኤካናዉ በሲያ ሎኦባ ኤከይሳ፤ ሄስ ኡባይ ሀዳ።15አስ ምያባፐ፥ ኡያባፐነ ባና ኡፋይስያባፐ አድ ሎኦባይ ሳሎፐ ጋርሳን ሀር ባይና ግሾ፥ አስ ባ ደኦን ኡፋይትኮ ሎኦ ጋስ። ፆሲ እያዉ እምዳ ላይን እ ዳቡርድ ደምዳባን ኡፋይታናዉ ዳንዳኤስ።16ታኒ ጭንጫተ አይበኮ ኤራናዉነ አስ ሀ ሳአ ቦላ ዳቡርያ ዳቡራ አኬካናዉ ሀልቻስ፤ ዉርሰን አስ ስኮ ይድ ኦያ ኦሶይ ደኤይሳ በአስ።17ታኒ ፆሲ ኦዳባ ኡባ በአስ። ሳሎፐ ጋርሳን ኦሰትዳ ኦሶ አስ ፕልግድ ኤራናዉ ዳንዳኦናይሳ ኤራስ። አስ አይ መላ ዳቡርድ ፕልግ ፄልኮካ፥ እያ ብርሸ ኤራናዉ ዳንዳኤና። ቃስ ጭንጫ አስ ሀይሳ ኤራይስ ጋናዉ ዳንዳኤና።