1ዮኦታ ቢርሻና ዳንዳይዛኣ ኤራንቻ ማላኣሲ ኦኔ?ዮኦታ ኡባ ቢርሼኤሪዛይ ኦኔ?ኣ ኤራቴኣሳ ኣይፌሶ ፖኢሴስ፤ጺርጶቲዳ ሲንካ ቢርሼስ።
ካዎስ ኣዛዜቴ
2ኔ ካሴ ጾሳ ሲንን ጫቂዳ ጊሻስ ካዎስ ኣዛዜታ።3ካዎ ሲንፌ ኤሶን ኬዞፓ፤ ኢዚ ባ ዶሲዳይሳ ኦናስ ዳንዳይዛ ጊሻስ ኢታ ኦሶስ ዙፔቶፓ።4ኡባ ሚሽ ኦናስ ካዎስ ማታይ ዲዛ ጊሻስ፥ «ሃይሳ ኣይስ ኦይ?» ጊዲ ኢዛ ኦይቻናስ ዳንዳይዛይ ኦኔ?5ኢዛስ ኣዛዜቲዛ ኣሲኡባይ ቆሄቴና፤ኣ ኤራቴ ዲዛ ዎዚናይሊኬ ዎዴኔ ቤሲዛ ኦሶ ኦጌሻኪ ኤሬስ።6ኣስ ሜቶይ ኬሂ ኡንኤኮካኡባ ሚሻስካሊኬ ዎዴይኔቤሲዛ ኦሶ ኦጌይ ዴስ።7ሲንፌ ሃናናይሳኤሪዛይ ዴና፤ሄሳ ጊሻስሲንፌ ሃናናይሳዮታናስ ዳንዳይዛይ ኦኔ?8ኣሲ ባ ሼምፖናጊ ኣሻናስ ዳንዳዬና፤ዎይኮ ባ ሃይቃናጋላሳ ቦላማታይ ዲዛ ኣሲ ዴና፤ኦላ ጋላስ ኦኒካ ኦላ ዬጊዲጉዬ ሲሞንታይሳ ማላኢታ ኦሶይካባናራ ሜዜቲዳይታ ዬዴና።ኢታ ኣሳታ ሃኖታኔ ኪያ ኣሳታ ሃኖታ
9ሳሎ ጉፋንንሃኒዛ ሚሽ ኡባታኒ ፒልጋ ቤኣዲስ፤ኣሲ ኣስ ቆሃናስዳናቲዛ ዎዴይ ዴስ።10ቃሴ ኢታቲ ቦንቾንሞጌቲሺኒኔጌሻ ካታማን ሳቤቲሺን፥ጾሳ ኣሳቲ ጌሻ ካታማንዶጌቲሺን ታ ቤኣዲስ፤ሄሲ ኡባይካ ሃዳ።11ኢታ ኦዳ ኣሳ ቦላ ኤሶን ፒርዶንታ ኣጊኮ ኣሳ ዎዚናይ ኢታ ኦና ሃልቾን ኩሜስ።12ናጋራንቻይ ጼቱቶ ኢታ ሚሽ ኦሺን ኢዛ ላይይ ኣዱቂኮካ፥ ጾሳ ቦንቺዛይታሲኔ ጾሳ ያዪዛይታስ ሎኦይ ሃናናይሳ ታ ኤራይስ።13ጊዶ ኣቲን ኢታቲ ጾሳስ ያዮንታ ጊሻስ ሎኦ ሚሺ ኢስታስ ሃኔና፤ ኢስታ ላይ ኤሾ ማላ ኤሌ ኣና።14ሳኣ ቦላ ኦሴቲዛ ሃራይ ሃዳ ሚሺ ዴስ፤ ሄሲካ ጺሎቲ ኢታታስ ቤሲዛ ቂጻቴ፥ ኢታቲ ጺሎታስ ቤሲዛ ሎኦ ሚሽ ኤኬቴስ። ሄይቲ ኡባይካ ሃዳ።15ሳሎ ጉፋንን ኣሳስ ሙሳፌ፥ ኡሻፌኔ ኡፋዬቴፌ ኣዛ ሃራ ሚሺ ባይንዳ ጊሻስ ባ ዴኦ ላይን ኡፋዬቴ ሎኦ ጋዲስ፤ ሄሳ ጊሻስ ጾሲ ሳሎ ጉፋንን ኢዛስ ኢሚዳ ላይታን ኢዚ ባ ኦሶን ኡፋዬታና።16ታኒ ኣ ኤራቴ ኤራናሲኔ ኣሲ ሃ ሳኣ ቦላን ኦማርሲኔ ጋላስ ስኮይ ባይንዳ ዳቡርዛ ዳቡራ ኤራናስ ታ ዎዚናን ፒልጋዲስ።17ሄሳፌ ጉዬ ጾሲ ኦዳ ኡባ ቤኣዲስ፤ ሳሎ ጉፋንን ኦሴቲዛ ሚሽ ኦኒካ ኤሬና፤ ኣሲ ኬሂ ዳፌቲዲ ፒልጊ ጼሊኮካ ኢዛ ቢርሼ ዴማናስ ዳንዳዬና። ኣ ኤራንቻይ፥ «ታ ኤራይስ» ጊኮካ ኡባ ኤራናስ ዳንዳዬና።