Read LAASUNDE 6

LAASUNDE6bqp_sim

¹Ma nɛ̀sɛyakana yã è andunia gũn dↄ kũ à tↄ̃̀ bisãsirinↄa.²Luda gbɛ̃ gbà ↄgↄda kũ aruzɛkɛo kũ bɛ̀ɛrɛɛo, a pↄ́ kũ à de àgↄ̃ a ni dɛ pínki vĩ, akũ Luda dí a gba zɛ́ à anfãni kɛ̀oro, gbɛ̃ pãnde mɛ́ à gↄ̃̀ vĩ. Abirekũ pãmɛ, nɛ̀sɛyakayã pãsĩmɛ dↄ.³Tó gbɛ̃ nɛ́ ì mɛ̀n basↄↄro, akũ à zĩ kũ̀ yúkuyuku, bee kũ a gìkɛnakɛo, tó adi pↄnna kɛoro, tó à gà, tó a gɛ̀vĩ kpetanaro, ma pì nɛ́ kũ ò ì gɛ̀ ũ sã̀na deala.⁴Zaakũ nɛ́ pìi sù pãmɛ, akũ à tà gusiran, a tↄ́ gↄ̃̀ tatana.⁵Bee kũ adi ifãntɛ̃ ero akũsↄ̃ à yãke dↄ̃ro, à nna mà de aruzɛkɛde pìla.⁶À de gbɛ̃ kũ à kun wɛ̃̀ wàa kuri pↄnnakɛsarila. Gu dokↄ̃nↄn òdi gɛ́n ń pínkinloo?⁷Bisãsiri ísimma kũ à wàra,de à pↄ́ le à da lɛ́n yãimɛ,ama a gbɛrɛ dì kãro.⁸Bↄ́n ↄ̃ndↄ̃ri deo yↄ̃nkↄlaa?Bↄ́ àreen yãkɛna a zɛ́aa dì i takasidenɛɛ?⁹Pↄnnakɛna kũ pↄ́ kũ ń vĩomana de a pãnde nidɛnala.Abirekũ pãmɛ dↄ, pɛna gukoriamɛ.¹⁰Pↄ́ kũ à kɛ̀ yã tↄ́ vĩ kↄ̀,pↄ́ kũ bisãsiri de a ũ sↄ̃, ò dↄ̃ kↄ̀.Bisãsiri ni fↄ̃ à lɛ́kpakↄ̃a kɛkũ gbɛ̃ kũ a gbãna dealaoro.¹¹Yãbↄtɛna dasi dì yã yaka.Bↄ́ àreen abire vĩ gbɛ̃nɛɛ?

¹²Dí mɛ́ à dↄ̃ pↄ́ kũ à mana kũ bisãsirio a wɛ̃̀ndi kori zaka kũ àdi gɛ̃tɛ lán uraa bà gũnn? Dí mɛ́ ani fↄ̃ à yã kũ ani kɛ a kpɛ andunia gũn onɛɛ?

LAASUNDE 6 / bqp_sim

LAASUNDE6bqp_sim