Ambarreḥ4rif_lti
Wenni iḥeṣṣaren d wenni ittwaḥṣaren
1Ẓriɣ ɛawed marra ddeǧ i ittwaggen sadu tfuct. Xzar, aqa da imeṭṭawen n yinni ittwadeǧen, maca war ɣarsen bu umfewwej. Iffeɣ-dd lɛunf zeg ufus n yinni ten ittedǧan, maca war ɣarsen bu umfewwej.2Xenni ṣebbḥeɣ imettinen nni immuten ɛad aṭṭas zeg wami, zeg inni iddaren, inni ɛad iddaren.3Maca iḥřan xasen s tnayen idsen nni d wenni war iǧin ɛad, d wenni war iẓrin ɛad timegga tiɛeffanin nni ittwaggent sadu tfuct.4Uca necc ẓriɣ marra amarret d marra tizemmar di řxedmet, aqa-t mɣir d amɛanad n ijj ak-d wenneɣni. Uřa d man aya aqa-t di řbaṭeř d weḍfar n usemmiḍ.5Abuhaři iḍfes ifassen nnes uca ittett aysum n ixef nnes.6Iḥřa ijj n wuru n ufus iccur s řhudnet uřa tnayen n ifassen ccuren s umarret d weḍfar n usemmiḍ.Amarret n wenni weḥḥdes7Ɛawed ẓriɣ ca min iǧan di řbaṭeř sadu tfuct.8Aqa din ijjen aqa t ḥafi u war din wenni d wiss tnayen i ibedden ɣares. Uřa war ɣares iǧi uḥenjir u war ɣares umas. War iǧi uneggar ɣar marra amarret nnes, uřa war tᵉttyiwinent tiṭṭawin nnes zeg wagřa. “I umi tteggeɣ tamara u ssekkiɣ tt di řeɛmar inu zi tcuni?” Uřa d man aya di řbaṭeř d ijj n ccɣeř iwɛar i yeǧa.9Tnayen ḥsen zeg ijjen waha, maɣar nitni ɣarsen řmunet d lemliḥ deg umarret nsen.10Maɣar mařa nitni wḍan, ad issnekkar ijjen zeg umɛacar nnes ɛawed. Maca axeyyeb i wenni iǧan weḥḥdes mařa netta iwḍa, minzi war din ittiři ḥed, maḥend ad t issnekkar ad ibedd.11Ɛawed mařa tnayen ṭṭsen munen, ad ɣarsen yiři řeḥmu, maca mammec ɣa igg ijjen weḥḥdes ad iḥma?12Mařa din ijjen yarna x ijjen i iǧan weḥḥdes, maca tnayen ad ɣares bedden jmiɛ. Ijj n wesɣun imuden x třata war iqeṭṭu deɣya.
Ajeǧid aḥenjir d umiɣis13Iḥra ijj n uḥudri d amezřuḍ d amiɣis zeg ijj n ujeǧid iwsar d abuhaři i war ifehhmen ɛad i weɛřam.14Maɣar ad dd-iffeɣ zi řeḥbes maḥend ad idweř d ajeǧid waxxa netta ittwaxřeq-dd d amezřuḍ di tgeldit nnes.15Necc ẓriɣ marra inni iddaren i igguren sadu tfuct, jmiɛ ak-d uḥudri, wenni d wiss tnayen nni i ɣa ibedden deg wemcan nnes.16War din aneggar ɣar řgens nni am ikmeř nni zi izwar netta am yixef. Waxxa amenni uřa d inni dd ɣa yasen awarni as, war zzayes farrḥen. Uřa d man aya aqa-t di řbaṭeř d weḍfar n usemmiḍ.
X řwuɛud i Arebbi17Ḥḍa aṣurif nnec mařa cek teggured ɣar Taddart n AREBBI. Aqarreb ḥima ad tesḥessed, ḥsen zeg uwehheb n tɣarṣt s ufus n ibuhařiyyen, maɣar nitni war ssinen aqa nitni tteggen tuɛeffna.