ኡባ ሚሻስካ ዎዴይ ዴስ
1ኡባሲካ ዎዴይ ዴስ፤ሳሎፔ ጋርሳ ባጋራኦሴቲዛይሳስኡባስ ዎዴይ ዴስ።2ሄሳ ጊሻስ ዬሌታናስዎዴይ ዴስ፤ሃይቃናስካ ዎዴይ ዴስ፤ቶካናስ ዎዴይ ዴስ፤ሾዳናስካ ዎዴይ ዴስ።3ዎናስ ዎዴይ ዴስ፤ኣሻናስካ ዎዴይ ዴስ፤ላላናስ ዎዴይ ዴስ፤ጊምባናስካ ዎዴይ ዴስ።4ዬካናስ ዎዴይ ዴስ፤ሚጫናስካ ዎዴይ ዴስ።ካዮታናስ ዎዴይ ዴስ፤ቃሴ ኡፋዬቲሼ ጉፓናስካዎዴይ ዴስ።5ሹች ላላናስ ዎዴይ ዴስ፤ሹች ሺሻናስካ ዎዴይ ዴስ።ኢዲሜታናስ ዎዴይ ዴስ፤ሻኬታናስካ ዎዴይ ዴስ።6ኮያናስ ዎዴይ ዴስ፤ኣጋናሲካ ዎዴይ ዴስ።ሺሺ ኦይካናስ ዎዴይ ዴስ፤ኬሲ ኦላናስካ ዎዴይ ዴስ።7ዳካናስ ዎዴይ ዴስ፤ሲካናስካ ዎዴይ ዴስ።ጮኡ ጋናስ ዎዴይ ዴስ፤ሃሳያናስካ ዎዴይ ዴስ።8ዶሳናስ ዎዴይ ዴስ፤ኢጻናስካ ዎዴይ ዴስ።ኦላስ ዎዴይ ዴስ፤ሳሮን ዳናስካ ዎዴይ ዴስ።9ሂስቲን ኦሳንቻይ ባ ዳፌቲ ዳቡርዳይሳፌ ኣይ ዎ ዴማኔ?10ታኒ ቃሴ ኣሳ ናይቲ ዳቡርዲ ኦና ማላ ጾሲ ኢሚዳ ቶሆይ ኬሂ ዴጾ ጊዲዳይሳ ቤኣዲስ።11ኡባ ሚሽ ኢዛ ዎዴን ዎዴን ሎኤዲ ኦዴስ። ጾሲ ኣሳ ዎዚናን ሜርናቴ ዎዴስ፤ ጊዲኮካ ጾሲ ኦዳይሳ ኡባ ኮይሮፔ ዉርሴ ጋካናስ ኣሲ ኡባ ኤራናስ ዳንዳዬና።12ሄሳ ጊሻስ ኣሲ ባ ዴኦ ላይን ሎኦ ኦሶ ኦዛይሳፌኔ ኡፋይሲዛዝ ኦዛዛፔ ኣዛ ሃራ ሚሺ ባይንዳይሳ ታኒ ኤራዲስ።13ቃሴ ኣሳስ ኢዛስ ኢዛ ዳቡራስ ዋጋ ጊዲዛይ ሚዲኔ ኡዪዲ ባና ኡፋይሲዛይሳ፤ ሄሲካ ኢዛስ ጾሳፌ ኢሜቲዳ ኢሞታ።14ጾሳይ ኦዳይሲ ኡባይ ሜርናስ ዴኣናይሳ ታ ኤራይስ፤ ኢዚ ኦዳይሳ ቦላ ጉጃናስ ዎይኮ ኢዛፔ ጉናስ ዳንዳዬቴና። ጾሲ ሄሳ ኦዳይ ኣሳይ ኢዛ ቦንቻና ማላሳ።15ሃኢ ዲዛይሲሃይሳፌ ካሴካ ዲዛይሳ፤ሲንፌ ሃናናይሲቤኒካ ዲዛይሳ፤ጾሲ ካሴ ኣዳይሳዛሪ ኮዬስ።16ቃሴካ ታኒ ሳሎ ጉፋንንሃራ ሚሽ ቤኣዲስ፤ፒርዳ ሶሆንማካላቴ ዴስ፤ሱሬ ፒርዳ ሶሆን ጌኔይ ዴስ።17ታኒካ ታ ዎዚናን፥«ኡባ ዮኦሲኔ ኦሶስዎዴይ ዲዛ ጊሻስጾሲ ጺሎዛኔ ዎርዳንቻዛፒርዳስ ሺሻና»ጋዳ ቆፓዲስ።18ቃሴ ታኒ ታ ዎዚናን፥ «ኣሲ ሜሄ ማላ ጊዲዳይሳ ኢስቲ ኤራና ማላ ጾሲ ፓጬስ።19ኣሳ ቃዳይካ ሜሄይሳ ማላ፤ ናምኣ ቃዳይካ ኢሲኖ፤ ኢሶይ ሃይቂዛ ማላ ሃንኮይሲካ ሃይቄስ፤ ናምኣስካ ኢሲ ቆሞ ፔኖይ ዴስ፤ ሄሳ ጊሻስ ኢዚ ሜሄፔ ዱማቴና፤ ሄሲካ ሃዳ።20ናምኣይካ ኢሲ ሶሆ ቤቴስ፤ ናምኣይካ ቢታፌ ሜቲዳ ጊሻስ ቢታን ሲሜቴስ።21ሂስቲን ኣሳ ሼምፖይ ፑዴ ሳሎ ኬዚዛይሳ፥ ሜሄታ ሼምፖይካ ዱጌ ቢታን ጌሊዛይሳ ኦኔ ኤሪዛይ?» ጋዳ ቆፓዲስ።22ሄሳ ጊሻስ ኣሲ ባ ኦዳ ኦሶን ኡፋይሳፌ ሃራ ኣዛ ሚሺ ባይንዳይሳ ታ ቤኣዲስ፤ ሄሲካ ኣሳስ ኢሜቲዳ ቃዳ፤ ኢዚ ሃይቂዳፔ ጉዬ ኦሴቲዳ ኦሶታ ኢዛ ዛሪ ኤሂዲ ቤሳናይ ኦኔ?