Read LAASUNDE 3

LAASUNDE3bqp_sim

Yã sĩnda pínki kũ a gↄrↄomɛ

¹Yã sĩnda pínki kũ a gↄrↄomɛ,bↄkↄtɛ sĩnda pínki kũ a kɛgↄrↄo.²Nɛ́'igↄrↄ kun, gagↄrↄ kun,pↄ́tↄ̃gↄrↄ kun, a wotogↄrↄ kun.³Dɛgↄrↄ kun, gbana aafia gↄrↄ kun,gborogↄrↄ kun, a dↄgↄrↄ kun.⁴Ɔ́ↄdↄgↄrↄ kun, yáadↄgↄrↄ kun,wɛ̃ndakɛgↄrↄ kun, kↄ̃kↄ̃'ogↄrↄ kun.⁵Gbɛ̀kↄtɛna gↄrↄ kun, gbɛ̀kakarana gↄrↄ kun,bã̀ndaragagↄrↄ kun, a kɛ̃na gↄrↄ kun.⁶Pↄ́wɛtɛna gↄrↄ kun, a ↄgbarɛna gↄrↄ kun,pↄ́kũna gↄrↄ kun, a gbarɛna gↄrↄ kun.⁷Pↄ́gaokɛ̃na gↄrↄ kun, a nabigↄrↄ kun,lɛ́kũna gↄrↄ kun, yã'ona gↄrↄ kun.⁸Yenyĩ gↄrↄ kun, zãngu gↄrↄ kun,zĩ̀kana gↄrↄ kun, vutɛna aafia gↄrↄ kun.

⁹Bↄ́ àreen zĩkɛri dì le wari kũ à kɛ̀aa?¹⁰Ma zĩ kũ Luda dà bisãsirinↄnɛ ò kɛ è.¹¹Luda tò pↄ́ sĩnda pínki mana a gↄrↄa. À kunna gↄrↄ sĩnda pínki laasun dà bisãsiri swɛ̃̀n dↄ, bee kũ abireo ani fↄ̃ à yã kũ Luda tɛn kɛ zaa andunia naana ari a lakanaa dↄ̀rↄ dↄ̃ro.¹²Má dↄ̃ kũ pↄ́ke mana kũ bisãsirio de kunna pↄnna gũn kũ manakɛnaao a wɛ̃̀ndi lɛ́nlaro.¹³Tó gbɛ̃ tɛn pↄ́ ble àtɛn í mi àtɛni a zĩ sĩnda pínki sáabu kpá, Luda mɛ́ à a gbà.¹⁴Má dↄ̃ kũ yã kũ Luda dì kɛ nigↄ̃ kun gↄrↄ sĩnda pínki. Oni fↄ̃ ò pↄ́ke karanlo, oni fↄ̃ ò pↄ́ke lagonlo. Luda kɛ̀ lɛ de ògↄ̃ a vĩna vĩ yãimɛ.¹⁵Pↄ́ kũ à kun tera gĩnakɛ à kun zaa zĩ kↄ̀. Pↄ́ kũ anigↄ̃ kun zia kun yã kↄ̀. Luda dì yã kũ ò kɛ̀ yãnↄ gbɛ̀ sísi.¹⁶Ma yã è andunia gũn dↄ,gu kũ à de yãzɛde gↄ̃ kún,yãzɛsaride mɛ́ à kú gwe,gu kũ à de yã mana gↄ̃ kun sↄ̃,yã vãni mɛ́ à kú gwe.¹⁷Ma ò ma swɛ̃̀ɛ gũn,Luda ni yãkpatɛ kɛ kũ gbɛ̃ mananↄkũ gbɛ̃ vãninↄ ń pínki,zaakũ yãkɛna sĩnda pínki kũ a gↄrↄomɛ,bↄkↄtɛ sĩnda pínki kũ a kɛgↄrↄo.

¹⁸Ma ò ma swɛ̃̀ɛ gũn dↄ, bisãsirinↄ sↄ̃, Luda dì ń yã wɛ́ wɛ̃ńnɛ de ò dↄ̃ ń zĩdaa kũ ò de lán nↄ̀bↄnↄ bàmɛ.¹⁹Bee zaa zĩ bisãsirinↄ kũ nↄ̀bↄnↄ, gó dokↄ̃nↄ mɛ́ àtɛni ń bikũ. Lákũ nↄ̀bↄↄ dì ga nà lɛn bisãsiri dì ga lɛ se, ń we'ona dokↄ̃nↄmɛ. Bisãsiri de nↄ̀bↄlaro, zaakũ a pínki pãmɛ.²⁰Ń pínki dì gɛ́ gu dokↄ̃nↄmmɛ, zaakũ ń pínki bò bùsutiti gũmmɛ, ń pínki ni ɛra à gↄ̃ bùsutiti ũmɛ.²¹Tó bisãsiri nini dì tá musu, nↄ̀bↄ pↄ́ sↄ̃ àdi tá zĩtɛmɛ, dí mɛ́ à dↄ̃ↄ?²²A yã mɛ́ à tò ma è yãke mana kũ bisãsirio de à a zĩ sáabu kpálaro, zaakũ a bakaan gwe. Dí mɛ́ ani tó à dↄ̃ yã kũ ani kɛ a gbɛraa?

LAASUNDE 3 / bqp_sim

Yã sĩnda pínki kũ a gↄrↄomɛ

LAASUNDE3bqp_sim