كَوَندِلَ12sus_apb

قَشّ مَكْرّ

1عِ شَ رَتُ عِ دَالِ مَرِفِ مَ عِ شَ قٌنِكٍيَ كُي،بٍينُن عِ نِمِسَ لْشْي شَ قَ،بٍينُن تْورّ وَشَتِ شَ عِ لِ، عِ قَ عَ قَلَ،«سّيوّ يٌ مُ نَ ﭑ بّ سْنْن.»2عِ شَ رَتُ عَ مَ بٍينُن سٌفٍ شَ دِ مِ،بٍينُن كِكٍ نُن تُنبُييٍ شَ عِقْورْ،بٍينُن نُشُي شَ سِفَ تُنّ بِرَ شَنبِ.
3نَ تّمُي بَنشِ كَنتّيٍ سّرّنمَ نّ،شّمّ حَلَمَيٍ عٍ قٍلٍنمَ نّ،مَالٍ دِنمَيٍ شُرُنمَ نّ،مِشِ نَشٍيٍ سٍ عِفبّمَ عٍ لُمَ نّ دِ مِ كُي،4بَنشِ نَادّيٍ بَلَنمَ نّ،مَالٍ دِن شُي دَنمَ نّ،شْنِ شُي دُندُ مَ نّ نَشَن نُ مِشِيٍ رَشُنُمَ،5شّمّ قَمَ نّ فَاشُدٍ يِرٍ عِتٍشِ رَ،عٍ قَمَ نّ فَاشُدٍ قٍ شْرْشْي رَ كِرَ شْن مَ،شّمْشِ شُنسّشّ قَمَ نّ قِيشّدٍ،كَتٌي بَمَ نّ كَسَرّ تِقٍ،سٍرِ مُ دَندَنيِ تِمَ سْنْن.نَ تّمُي مِشِ سِفَمَ نّ عَ شَ لِنفِرَ دْنشْي،وَ شُي مِنِمَ نّ كِرَيٍ شْن مَ.6نَ رَبَمَ نّ بٍينُن فبٍتِ شَ بٌلٌن،بٍينُن شّيمَ تْنبِلِ شَ كَنَ،بٍينُن قّحّ شَ عِبْو دُلٌنيِ مَ،بٍينُن يٍ بّندُن سٍ شَ كَنَ كٌلٌنيِ يِرٍ،7بٍينُن عَدَ مَدِ شَ فبِلٍن بّندّ عَ دَاشِ نَشّ،عَ نِي قَن شَ فبِلٍن عَلَ مَ نَشَن عَ رَ سٌ عَ قَتٍ عِ.
8ﭑ تَن كَوَندِلَ شَ عَ قَلَ وٌ بّ،«قٍ قُقَقُ نَن نَ نَ بِرِن نَ. عَ بِرِن لُشِ نّ عَلْ قٌيٍ!»
9وٌ شَ عَ كٌلٌن يِ كَوَندِلَ قِندِشِ شَشِلِمَ نَن نَ، نَشَن بَرَ حَمَ شَرَن. عَ بَرَ تَالِيٍ مَتٌ، عَ عٍ يَءِلَن.10يِ كَوَندِلَ كَتَ نّ عَ شَ مَسٍنيِ قَنيِيٍ نُن سّبّلِ تِنشِنشِيٍ سْتْ نَشٍيٍ نْندِ مَسٍنمَ.11شَشِلِمَيٍ شَ مَسٍنيِيٍ لُشِ نّ عَلْ وُرِ رَ مٍلُشِ نَشٍيٍ شُرُ سٍيٍ رَحّرّ مَ. نَ مَسٍنيِيٍ مَلَنشِ لُشِ نّ عَلْ لَنتُمَ نَشٍيٍ مَبَنبَنشِ وُرِ مَ. نَ بِرِن قَتَنشِ شُرُ سٍ دّ مَدٌنيِ كٍرٍن نَن نَ.12ﭑ مَ دِ، نَشَن دَنفِ نَ مَسٍنيِيٍ رَ، عِ شَ عِ يّتّ رَتَنفَ نَ مَ. دَنيِ مُ نَ سّبّلِ يَءِلَنقٍ مَ. شَرَنيِ فبٍفبٍ مِشِ رَتَفَنمَ نّ.13عَ بِرِن شُندُ سُشِ يِ مَسٍنيِ نَن نَ؛وٌن شَ فَاشُ عَلَ يَ رَ، وٌن شَ عَ شَ يَامَرِيٍ رَبَتُ،بَرِ مَ عَدَ مَدِ شَ وَلِ لَنمَ عَ شَ قِندِ نَ نَن نَ.14وٌن شَ فَاشُ عَلَ يَ رَ بَرِ مَ عَ تَن نَن مِشِ شَ وَلِ بِرِن مَكِيتِمَ،هَلِ قٍ نَشَن بِرِن نْشُنشِ،عَ قِندِ عَ قَنيِ رَ بَ، عَ قِندِ عَ حَاشِ رَ بَ.
expand_more
Search