Read Làasoode 11

Làasoode11bqc_sim

¹Ɔzↄ̃ gbɛ̃́ↄnɛ blɛi,gↄↄewa ńyↄ̃ e lↄ.²Biilɛ gbɛ̃ↄn soplaↄnɛ ge swaaↄ̃,asa ń músi pↄ́ a bùsu le dↄ̃o.³Tó luabɛsiana pà ń ío, ì ma tↄↄlɛ lou ũɛ,tó lí lɛ̀lɛ gukpɛ ge bɛ'aɛn nò,gu pↄ́ à lɛ̀lɛu, we ìↄ wúlɛu.⁴Gbɛ̃́ pↄ́ a wɛ́ dↄ ĩ́anai lí pↄ́tↄ̃o,gbɛ̃́ pↄ́ lɛ́ luabɛsia gwa lí pↄkɛkɛo.⁵Lá ń wɛ̃nibↄkĩi ge nɛ́ daalɛa nɛasakpɛu dↄ̃o,ńyↄ̃ fↄ̃ ǹ Lua Pↄ́piikɛna yãkɛa dↄ̃o.⁶Pↄ́tↄ̃ kↄↄ, ńsu ↄkpa n kùɛ oosio,asa ń dↄ̃ a kpele mɛ́ a kɛ báaa vĩo.Kɛ́ bee yã̀, ge kee yã̀,ge aaↄ maa ḿpii yã̀, ń dↄ̃o.⁷Gupua na,mɛ́ wɛsia ĩatɛ̃lɛ ì káńgu.⁸Lá gbɛ̃́ wɛ̃ni lɛ́ gɛ́ lɛ́u,aà pↄnakɛu píi.Ń beeo aà làasookɛ gusia gↄↄↄwa,asa aaↄ dasiɛ.Yã́ pↄ́ lɛ́ mↄ́ píi pãɛ.

Lɛdaa ɛ̀waasoↄwa

⁹Ɛ̀waaso, pↄnakɛ n ɛ̀waasogↄↄ,to n pↄ kɛ n ɛ̀waasogↄↄwa na.Yã́ pↄ́ n pↄ gbà kɛ,tɛ yã́ pↄ́ kàngui,ãma apii guu ǹyↄ̃ dↄ̃kɛ́ Lua a yã́kpalɛkɛnnↄ.¹⁰Ńsu to n pↄ yao,ǹ n gu'ĩaↄ bↄnla,asa ɛ̀waasokɛ ń mikã siao ì gɛ̃zɛaɛ.

Làasoode 11 / bqc_sim

Lɛdaa ɛ̀waasoↄwa

Làasoode11bqc_sim