Read Làasoode 10

Làasoode10bqc_sim

Sↄũkɛ kai

¹Ũsĩn gɛↄ ì to tulalekɛna nísi gĩ ĩ́ikũ,sↄũkɛ yↄↄna ì gbɛ̃́ pↄ́ ↄ̃nↄ ń bɛɛɛo vĩ tↄ́ ↄ̃̀ↄkpa.²Ɔ̃nↄna làasoo ì ta ↄplaai,sↄũ pↄ́ ì ta ↄzɛɛi.³Baa tó sↄũ bɛ zɛ́u,aà ↄ̃nↄ ìↄ kɛ̃́sãwàɛ,ì to gbɛ̃́pii a mìsaikɛ dↄ̃.⁴Tó gbãade pↄ pànzi,ńsu go n tíao.Kua n laaiwa ì láka tàae zↄ̃ↄa.⁵Ma yãvãie è dṹniau,a dɛ gbãade zãa yã́wa ũɛ.⁶Wì sↄũↄ kpa kpala gbiau dasi,mɛ́ ↄdeↄ ìↄ ku kpala yãfũnau.⁷Ma zↄↄ è di sↄ̃́ kpɛ,mɛ́ wɛ̃́ɛↄ bɛ kɛ̀sɛ lán zↄↄwa.⁸Gbɛ̃́ pↄ́ lɛ́ ɛyↄ̃ a zu a guu,gbɛ̃́ pↄ́ lɛ́ gĩ gboo, mlɛ̃ a aà só.⁹Gbɛ̃́ pↄ́ lɛ́ gbɛwi, gbɛ a aà kɛ'ĩa,gbɛ̃́ pↄ́ lɛ́ lipaa, lí a aà kaikɛ.¹⁰Tó mↄo lɛnao, mɛ́ wi a lɛkɛo,sema ǹ gã̀sĩwa bↄbↄwà ń gbãao,ãma ↄ̃nↄ ì to wà zɛ'eɛ.¹¹Tó mlɛ̃ bↄn'ãa kɛ̀ a kↄ̃̀ↄ'onaɛ à aà sò,a ài vĩ a guu lↄo.¹²Ɔ̃nↄna lɛgbɛ'i na,ãma sↄũ lɛ́ ì aà kaalɛɛ.¹³Ì na yã'owa sↄũsↄũ,ì a midɛ ń mìsaiyãvãio,¹⁴asa sↄũ ì da yãaɛ.Lá gbɛ̃e yã́ pↄ́ a mↄ dↄ̃o,démɛ a fↄ̃ yã́ pↄ́ a kɛ aà kpɛ oɛ̀i?¹⁵Sↄũ zĩ ì aà kpasa,ↄ̃ ìliↄ wɛ̃́lɛ zɛ́ dↄ̃o.¹⁶Waiyoo bùsu pↄ́ a kía dɛ ɛ̀waasona ũ,mɛ́ aà ìwaↄ ìↄ blɛ gbɛ̃ kↄↄ.¹⁷Násaa bùsu pↄ́ a kíaá kíabuiɛ,mɛ́ aà ìwaↄ ì pↄble a gↄↄwagbãakãfĩa yã́i, i kɛ idɛkɛa yã́i no.¹⁸Tó gbɛ̃́ màa vĩ,aà kpɛ́ zaↄ ìↄ wozuzuaɛ,tó à ↄkpà a sì, aà kpɛ́ ì ibↄ.¹⁹Wì blɛ zↄ̃ↄ kɛ pↄnakɛa yã́iɛ,vɛ̃ɛmia ì mↄ́ ń yaalↄo,ãma ↄ̃a mɛ́ ì mↄ́ ń a píio.²⁰Ńsu kía sↄ̃́sↄ̃o, baa n nↄ̀sɛu,ńsu ↄde kao, baa n kpɛa,asa bã a yã́pi sɛ́lɛ gɛ́ siuinɛ́ɛ.

Làasoode 10 / bqc_sim

Sↄũkɛ kai

Làasoode10bqc_sim