1Karamɔxɔna falane nan itoe ra, Dawudaa dii xɛmɛn naxan findixi mangan na Yerusalɛn yi.2N tan karamɔxɔ naxa:Fe fuune fe fuune fari,fe fuyanne kɔnin, e birin fe fuu!3Muxun wanla naxan birin nabama dunuɲa yi,na tɔnɔn nanse ra a ma?4Mayixɛtɛna nde danguma,mayixɛtɛna nde barima,koni bɔxɔ xɔnna tan a kiini han habadan!5Sogen tema, a godoma,a mɔn yi a mafura xɛtɛ a tedeni.6Foyen sigama yiifanna ma,a xɛtɛma kɔmɛnna ma,a firifirima, a firifirihan a mɔn yi xɛtɛ a kelideni.7Baa igene birin sa sinma fɔxɔ igen nan ma,koni fɔxɔ igen mi rafema mumɛ!Igene mɔn luma xɛtɛ e kelidene yi xude xunne yi.8Feene birin muxun xadanmahan a mi nɔɛ a falɛ!Yɛɛn mi wasama toon tiyɛ,tunla mi wasama fe ramɛdeni.9Naxan yi na nun,na nan mɔn na,naxan bata yi liga,na nan mɔn ligama,fefe nɛnɛ mi na dunuɲa yi.10Muxune a falama sena nde ma,fa fala, “A mato, a nɛnɛn na a ra!”Anu, na yi na nun,xabu benun en xa da.11Ɲinan tima nɛn fe danguxine xɔn.Hali fe famatɔne ɲinanma muxune ra nɛnnaxanye barima e xanbi waxati famatɔne yi.
Karamɔxɔna xaxilimayana
12N tan, karamɔxɔna, n bata findi Isirayila Mangan na Yerusalɛn yi.13N bata a ragidi n bɔɲɛni, n xa feene birin fɛsɛfɛsɛ, n yi e rakɔrɔsi n ma fekolonna xɔn feen naxanye birin ligama dunuɲa yi. Ala bata adamadiine ti ɲaxankata wanla nan na!14Feen naxanye ligama dunuɲa yi, n bata ne birin to, e birin findixi fe fuun nan na alo muxun na kata foyen sagatandeni.15Naxan dalinxi na mi nɔɛ ratinxinɲɛ.Naxan dasaxi, na mi nɔɛ yatɛ.16N yi a fala n yɛtɛ ma, n naxa, “N tan bata fekolon gbeen sɔtɔ dangu muxun bonne birin na naxanye bata yi mangayaan liga n yɛɛ ra Yerusalɛn yi. N bata xaxilimayaan nun fekolonna gbegbe famu.”17N kataxi nɛn n xa fekolonna famu, e nun xaxilitareyaan nun daxuyana. Koni n yi a kolon, na fan birin luxi nɛn alo muxun na kata foyen sagatandeni.18Bayo, fekolonna gbegbeen fama xaminna nan na, xaxinla nɛma gboma ayi, bɔɲɛ rafɔrɛn fan gboma ayi.