Ti'ɨkitame
1'Ikɨ kanihɨkɨtɨni ti'ɨkitame niukieya, Rawiri nu'aya, Kerutsareme mɨti'aitametɨkai.2Mɨpaɨ kanaineni ti'ɨkitame:—Tita tixaɨtɨ temɨte'erie,tixaɨtɨ pɨkatihɨkɨ,naitɨ tixaɨtɨ pɨkatihɨkɨ.3¿Ketita ra'iwa tewi,waɨkawa tiyurienetɨ 'ikɨ tukaritsie timieme?4Hipatɨ mepɨtakukuwe, hipatɨta mepɨtinunuiwa,matsi kwie yaxeikɨa kani'aneni.5Tau panatineika meta pakayuyuipike,mɨkɨ yumexɨitɨatɨ yuhuyeripatawarita yu'ɨtɨma manatinenikɨ.6Tatsutɨa kaniu'ekani,tatsierieta hekututuketɨ,tawarita hekwamekɨ muku'ekakɨ yu'utɨmakatihayewatɨ kaniu'ekani.7'Aki 'amɨpapa haa muhapane haramaratsie peukayuyuipike,peru hatsuaku haramara pɨkatahɨne.Tawarita yu'utɨma kani'atɨwani,mɨkɨ muhapanenikɨ 'axeikɨa.8Waɨkawa pɨkwaniwe nemɨtitaxatakɨmatsi waɨkawa kemɨtiyɨwe mɨtiutaxatakɨ.Naka matsi waɨkawa mɨpaɨ katineu'enamɨkɨni,Meta hɨxite pɨka'uxiwe mɨtanierenikɨ.9Meripaitɨ kemɨtiuyɨmɨpaɨta katiniyɨmɨkɨ:ketita meripaitɨ mɨtiutiwewiyanaitɨri katinihekɨaka,tawari tihekwatɨ pɨtiumawe 'ena muyuawitɨa.10Xewitɨ pɨyɨwe mɨpaɨ mutayɨni:«Neuxei 'ikɨ kanihekwanike».Matsi meripaitɨ katinixuawekaitɨni yuheyemekɨ,tame 'akuxi tekatinunuiwawawekaku.11Tame hikɨ hipame tepɨkawara'eriwa kememɨte'uyuri,ta'utɨmata memɨtinunuiwa 'atsimepɨkatehetimani ketemɨteyurie hikɨ.Matɨari mieme 'ɨkitɨarika
12Ne, Ti'ɨkitame, Kerutsareme nepɨti'aitametɨkai 'Ixaheritsixi watsata.13Nepɨnewaɨri yanemɨretimanikɨ kemɨti'anekɨ 'ena kwiepa, mɨpaɨ nepɨretima Kakaɨyari 'uximayatsika pɨtatsi'uku'eiriri waɨkawa haheteme tame yatemɨtekakɨnekɨ hetsiena.14Naime mɨpaɨ nepɨretima ketemɨteyurie 'ena kwiepa, pɨkatiyupata 'eka muweiyani hepaɨ kani'aneni.15Titunime mutaxeurariya pɨkayɨwe,meta pɨkayɨwe miti'inɨatakɨ kepaɨmetɨ meuyewetse.16Merikɨte nepɨneti'iyaritɨa: «Waɨkawa nepeukawe meta nepɨtimaiwe keyuri meripaitɨ te'aitamete Kerutsaremetsie, ne naimekɨ nepɨyɨwe nemɨtitiwaunikɨ netimaiwetɨ waɨkawamekɨ meta neheitimaitɨyeikatɨ.17Ne yemekɨ nepɨneyetua netimaiwetɨ nemayanikɨ, nekanimaikata mɨkayɨkɨhɨawe meta mɨka'uka'iyari, matsi mɨkɨ 'eka manuku'axe hepaɨ kani'aneni.18Matsi puyuri,»kepauka waɨkawa memɨtemaiwawe matsi waɨkawa kanixuaweni 'uximatɨarika,kepauka waɨkawa memɨtemate waɨkawa mepɨte'ukakukuine».