Read Làasoode 1

Làasoode1bqc_sim

Yã́pii pãɛ

¹Làasoode Davidi nɛ́, Yelusalɛũ kía yã́n kɛ:²Mámɛmaa Làasoode ma mɛ̀:Yãpã búubuu,yãpã búubuu, yã́pii pãɛ.³Bↄ́ ài gbɛ̃nazĩna ì e dṹniautaasi pↄ́ àlɛ kɛ a zĩ píi guuwai?⁴Kpàiↄ ì gɛ̃, Wueↄ ì su,ń beeo dṹnia ìↄ ku gↄↄpiiɛ.⁵Ĩatɛ̃ ì bilɛ ì gɛ̃ kpɛ́u,ì wã à ɛa gɛ́ gu pↄ́ a bↄu.⁶Ĩana ì na gɛↄmidↄkĩi oi,ì liaa su gugbãntoo oi,ìↄ liaaliaa à gɛ́ le à su la.⁷Swa píi í ìↄ ka ísiauɛ,kási ísia lí pao,ípiↄ i ɛa su swapiↄ miwa.⁸Pↄ́pii ì ń kpasa,kpasapi yã́ gɛ̃̀ oaa.Gugwaa lí mↄ́ wɛ́wao,yãmaa lí swã́ pao.⁹Yã́ pↄ́ kú yãa mɛ́ a ɛa àↄ ku lↄ,yã́ pↄ́ wa kɛ̀ yãa ↄ̃ wa ɛa kɛ lↄ.A dafue ku dṹniauo.¹⁰Pↄe ku kɛ́ wà mɛ:Pↄ́ dafue gwaa?Aawo! À dↄ̀aa kú wá ãa za zi kↄ̀.¹¹Gbɛ̃́ káauↄ yã́ líↄ dↄ gbɛ̃egu lↄo.Baa gbɛ̃́ pↄ́ aaↄ ku ziaↄ,an yã́ a dↄ gbɛ̃egu gbɛzão.¹²Ma làasoode ma kɛ Isailiↄ kía ũ Yelusalɛũ.¹³Ma mɛkpà yã́ pↄ́ wàlɛ kɛ dṹniau píi tàasikaawa, má yↄ̀ɛ ↄ̃nↄ'ↄ̃nↄ, má è Lua zĩ pãsĩ dà gbɛ̃nazĩnaↄnɛ aa kɛ.¹⁴Ma yã́ pↄ́ wàlɛ kɛ dṹniau è píi, a píiá pãɛ mɛ́ gugiiyaaɛ.¹⁵Pↄ́ fĩaa pooa vĩo,wìli e pↄ́ pↄ́ kɛ̃̀sã nào ń a kĩniↄo.¹⁶Ɔ̃ má ò ma nↄ̀sɛu ma mɛ̀: Gwa! Ma ↄ̃nↄ zↄ̃ↄ dɛ gbɛ̃́ pↄ́ kpalablè Yelusalɛũ ma ãaↄla píi, ma ↄ̃nↄ ń ma dↄ̃ao wɛbↄ̀ maamaaɛ.¹⁷Ɔ̃ ma mɛkpà ↄ̃nↄ asii dↄ̃awa mà sↄũkɛ ń mìsaiyão asii dↄ̃, ↄ̃ má è beeá gugiiyaaɛ lↄ.¹⁸Asa ↄ̃nↄ zↄ̃ↄ ì mↄ́ ń pↄyaa zↄ̃ↄoɛ,mɛ́ wì yã'ↄ̃ma e ń dↄ̃a lɛ́uɛ.

Làasoode 1 / bqc_sim

Yã́pii pãɛ

Làasoode1bqc_sim