Read Ikoyã 32

Ikoyã32bqc_sim

Mↄizi lɛ

¹Musudeↄ, à swã́kpa, mí yã'o,á gbɛ̃́ pↄ́ á kú zĩ́lɛↄ, à ma yãma.²À to ma yãdanɛ kã́fĩakɛɛ́ lán louwa,à to ma yã'onɛ ɛ̀fãaikɛɛ́ lán fíiwa,lá sɛ̃ ń láo ì mↄ̀sɛ ewa.³Má Dii tↄbↄ.À zↄ̃ↄkɛ dↄ̃ wá Luaɛ!⁴Gbɛsin aà ũ,aà yãkɛaↄ wásawasa,ì yã́pii kɛ a zɛ́waɛ.Lua náaiden aà ũ, vãie kuwào,a súsu mɛ́ a maa.⁵Aà gbɛ̃́ↄ yãdↄↄsai kɛ̀ɛ̀,aa dɛ aà nɛ́ↄ ũ lↄo.Bui vãi koleaↄnɛ, aa gↄ̃̀ wí sɛa.⁶Màa á fĩabo Diiɛa?Á sↄũɛ, á ↄ̃nↄ vĩo.Á Mae pↄ́ á sɛ́n weo lò?Aàpi mɛ́ á kɛ́, à á zɛ̀dↄ.⁷À làasookɛ yã́ pↄ́ kú za káauↄwa,à wɛ̃ pↄ́ gɛ̃̀ za ziↄ yãda.À gbɛa á maeↄwa, aai dau wà siuɛ́,maezↄ̃ↄↄ mɛ́ aa a galikɛɛ́.⁸Kɛ́ Lua Musude gbɛ̃nazĩnaↄ kpaalɛ̀,mɛ́ à bui píi bùsu kpàwà,à ń baade bùsu zↄ̃lɛ iadànɛ́.À bùsu kpà Isailiↄwa ń dasilɛu,⁹asa Dii gbɛ̃́ↄ dɛ aà baa ũ,Yakↄbu buiↄ mɛ́ aà kpaalɛ ũ.¹⁰À ń lé bùsu giinau,guwaiwai pↄ́ da pã, wàiↄ ì ↄ́ↄlↄu.À ↄlìańzi à ń gwá,à laaidↄ̀má lá a wɛbɛsianawa.¹¹Lá kúu ì a sakpɛ vu,ì yàada a nɛ́ↄla,màa Dii a gã̀sĩa pòo,à ń kṹ ń a gã̀sĩa kã́o à ń sɛ́.¹²Dii mɛ́ dↄ̀aanɛ́ ado,dii zĩ̀loe ↄ ku a guuo.¹³A tò aa bɛ bùsu gulɛsĩↄwa,ↄ̃ aa buapↄ́ↄ blè.À ń gwá ń gbɛsi zↄ́'ioń ku pↄ́ bↄ̀ gu gbɛdeu nísio¹⁴ń zùkpasa vĩfãaio ń sã kpàsa vĩ'ipuoń sãnɛbↄlↄ mɛkpaaↄ ń Basana bùsu sãsakaoↄń pↄ́wɛn maaↄ ń vɛ̃ɛbɛ'i pↄ́ á mì vɛ̃ɛ ũo.¹⁵Bui maapiↄ mɛ̀kpa, ↄ̃ aalɛ gbá dɛ.Aa kã̀, aa gbɛ̃̀nɛkũ̀ aa nísi kpà,ↄ̃ aa pãkpà Lua ń Kɛnazi,aa sakà gbɛsi pↄ́ dɛ ń Suabana ũ pigu.¹⁶Aa aà pↄ fɛ̃̀ɛ̀ dii zĩ̀loↄ yã́ musu,aa tò aà pↄ pà ń tã́a pↄ́ à zàuↄ.¹⁷Aa tã́aↄ gbàgbaɛ, i kɛ Lua no,dii pↄ́ aa ń dↄ̃ yãaoↄ,aa bↄ̀má dafuɛ,dii pↄ́ an deziↄ lí vĩakɛnɛ́oↄ.¹⁸Aa gbɛsi pↄ́ ń í tò we,Lua dɛ̃ɛkànɛ́, ↄ̃ aà yã́ sã̀ńgu.¹⁹Kɛ́ Diipi è màa, ↄ̃ à ń bↄlↄbò,asa aà pↄ pà a nɛgↄ̃ɛↄ ń a nɛnↄɛpiↄziɛ à mɛ̀:²⁰Má bↄńkpɛ, mí ń midɛa e,bui koleaↄn ń ũ, nɛ́ náaisaideↄnɛ.²¹Aa ma pↄ fɛ̀lɛmɛɛ ń pↄ́ pↄ́ dɛ Lua ũoo,aa tò ma pↄ pà ń tã́aↄ yã́ musu.Má tó bui pↄ́ aa dɛ ma gbɛ̃́ ũoↄ ń pↄ fɛlɛnɛ́,má tó an pↄ pa bui wɛ́siadeↄ yã́ musu.²²Asa ma pↄkũma tɛ́ kà,mɛ́ tɛ́pi aↄ kũɛ e bɛdau zĩ́lɛ.Má tɛmↄ dṹniaɛ ń a pↄ́ↄ,a kũ gbɛ̀sĩsĩ zĩ́naↄwa.²³Má yã'ĩa kãaańziɛ,mí a kaↄ zuńzi píi.²⁴Imina a káńgu,Lua i sumá, gagyã i ń dɛdɛ.Má wàiↄ zĩmá aa ń taitai,mí mlɛ̃̀ pãsĩnaↄ gbaɛmá aa ń sóso.²⁵Wa ń nɛ́ↄ dɛdɛ gãaɛ ń fɛ̃ndaoɛ,gili i gɛ̃ńgu ń kpɛaↄ guu.Ɛ̀waasoↄ ń wɛ̃́ndiaↄ gaga ḿpiiń nɛ́ yↄ̃minaↄ ń maezↄ̃ↄ mikãpuadeↄ.²⁶Ma mɛ̀ má ń fãaaɛ,mí tó an tↄ́ ga dṹniau,²⁷ãma ma vĩakɛ̀ an ibɛɛↄ ĩ́andãaɛ.Aaↄ e wa mɛ́ wà bee kɛ̀,aa mɛ wa mɛ́ wà zĩblèmá,i kɛ Dii mɛ́ bee kɛ̀ píio.²⁸Isailiↄ yãe dↄ̃o,bui ↄ̃nↄkɛ̃sãmadeↄnɛ!²⁹Tó aa ↄ̃nↄ vĩɛ, aa bee dↄ̃,aa dↄ̃ gu pↄ́ ń yãkɛaↄ mipɛ̀uńnↄ.³⁰Kpelewa gbɛ̃́ mɛ̀ndo tò gbɛ̃ↄn ↄ̀aa sↄo tilɛ̀i?Kpelewa gbɛ̃ↄn pla gbɛ̃ↄn ↄ̀aa blakwi yài?Mɛ́ i kɛ Dii pↄ́ dɛ ń gbɛsi ũ ń kpámá bàasio.³¹Asa wá ibɛɛↄ gbɛsi dɛ lán wá gbɛsiwao,baa ampiↄ aa dↄ̃ ńzĩawa.³²Aa muaa ń Sↄdↄũdeↄ ń Gↄmↄↄdeↄɛ.Aa dɛ lán vɛ̃ɛli pↄ́ a nɛ́ dɛ kona ũmɛ́ a kↄ́ dɛ gↄ̃i ũwaɛ.³³An vɛ̃ɛá mlɛ̃̀ sɛwɛɛlán kyã́ lɛ́'i pãsĩwa.³⁴Dii mɛ̀: Má ń yã́pi kũa ma dↄ̃uo lé?Má kũ̀kũ ń kã́n'ↄo ma làasiu.³⁵Mámɛ má tↄsimá,mámɛ má fĩabonɛ́.Gↄↄewa aa tii guwa,asa an kaalɛgↄↄ kãikũ̀ɛ,pↄ́ pↄ́ lɛ́ ń dã́ wãa, àlɛ mↄ́.³⁶Asa Dii a yãkɛkɛ ń a gbɛ̃́ↄ,i wɛ̃nadↄ̃ a zↄ̀blenaↄnɛ.Tó a è an gbãa làa,gbɛ̃e kuo, zↄ ge wɛ̃́ɛ,³⁷a mɛ: An diiↄ ku máɛ?An gbɛsi pↄ́ aa nàaàzi ku má ni?³⁸Diipiↄ ń sa'obↄ nísi sò,aa vɛ̃ɛ pↄ́ aa tↄ̃̀lɛmá mì.Aa fɛlɛ dↄálɛ sa, aa ↄkuála.³⁹Àↄ dↄ̃ tiasa kɛ́ mámɛ má a ũ,diie kuo, ma bàasio.Mámɛ mi to wà ga,mámɛ mi to wàↄ ku,mámɛ mi gbɛ̃́ kɛ'ĩa,mámɛ mi ń gbã́gbã.Gbɛ̃e a fↄ̃ ń bↄ ma ↄzĩo.⁴⁰Ma a ↄ sɛ̀ musu,má ò ń ma kua gↄↄpiio,⁴¹tó ma a fɛ̃nda pↄ́ ì tɛkɛ lɛkɛ̀,mɛ́ má kũa mà yã́kpalɛkɛò,má tↄsi ma ibɛɛↄwa,mà fĩabo gbɛ̃́ pↄ́ zamaguↄnɛɛ.⁴²Ma kaↄ ga ń auo,gbɛ̃́ pↄ́ gàↄ ń zĩ̀zↄↄ pↄ́o píi.Ma fɛ̃nda a gɛ̃ mɛbaasiusɛa za ibɛɛ dↄaanaↄwa.⁴³Buiↄ, à gulakɛ Dii gbɛ̃́ↄ yã́ musu,asa a a zↄ̀blenaↄ au tↄsi.A tↄsi a ibɛɛↄwa,i a bùsu ń a gbɛ̃́ↄ duuna kɛ̃́má.

⁴⁴Mↄizi mↄ̀ ń Nuni nɛ́ Yozueeo, à lɛpi yã́ dàu a sìu Isailiↄnɛ.⁴⁵Kɛ́ Mↄizi lɛpi yã́ sìunɛ́ ḿpii a làa,⁴⁶a ònɛ́: À yã́ pↄ́ má dìlɛɛ́ gbã da á sↄ̃u píi, kɛ́ à e o á nɛ́ↄnɛ aa laaika, aaↄ ikoyãpiↄ kũa píi.⁴⁷Asa a dɛɛ́ yãpã ũo, á wɛ̃niɛ. Tó á yã́piↄ kũa, á gɛ̃gɛ̃ bùsu pↄ́ álɛ bua Yuudɛ̃wa álɛ gɛ́ síi guuɛ.⁴⁸Gↄↄ doũpi zĩ́ Dii yã'ò Mↄiziɛ à mɛ̀:⁴⁹Dɛdɛ Abaliũ gbɛ̀sĩsĩɛ beewa Mↄabu bùsuu la e Nɛbo gbɛ̀sĩsĩ musu bↄaa ń Yelikoo, ní wɛsi Kanaa bùsu pↄ́ málɛ kpá Isailiↄwa aa sílɛ.⁵⁰Ńyↄ̃ ga gbɛ̀sĩsĩ pↄ́ n dɛdɛwàpi musuɛ, ní zu ń deziↄ guu, lá n vĩ̀i Aalona gà Oo gbɛ̀sĩsĩ musu à zù a deziↄ guuwa.⁵¹Asa n bↄ ma kpɛ Isailiↄ wáa Mɛliba í pↄ́ kú Kadɛsi kĩ́i Zini guwaiwaiuɛ, ni ma kuaadoakɛ dↄ̃mɛɛ ń guuo.⁵²Ayãmɛto ńyↄ̃ bùsupi e kãaaɛ, ńyↄ̃ gɛ̃uo.

Ikoyã 32 / bqc_sim

Mↄizi lɛ

Ikoyã32bqc_sim