Erhi omuntu akayîrhirwa omu ishwa
1Mw’eci cihugo Nyamubâho, Nyamuzinda wâwe akuhà mpu ogendiciyûbaka, erhi bakashanga omuntu onizirwe atulamire omu ishwa, barhanamanyiri ndi wamuyirhaga,2abagula bâwe n’abandisi bâwe, banagenda kurhenga halya omuntu ayîrhîrwe, balole luli lugendo lunganaci kuhika oku mirhundu eri emarhambi ga halya.3Na kandi, banalola lugo lubî luli hôfi n’onizirwe. Abagula ba muli olo lugo banarhôla enkafu y’endaku erya erhasâgihirwa omu mikolo bundi, erhanasâgijakwo omurhamba gw’okubulula engâlè.4Abagula ba lulya lugo, banayandagalana erya nkâfu y’endaku emunda olwîshi lwahulula lurhagana luli, banajà ahantu harhahinzirwi harhanarhwezirwi cici, bahika oku lwîshi banavuna erya nkâfu y’endaku igosi.5Abadâhwa bene Levi banayisha; bulya bo Nyamubâho, Nyamuzinda wâwe acîshozire mpu bamukolere banahâne omugisho oku izîno lya Nyamuzinda, n’akanwa kâbo kakazifunga akadali n’okutwa emmanja.6Abagula ba lulya lugo luli hôfi n’olya muntu wayîrhagwa, banakalabira enfune zâbo omu lwîshi, kuli erya nkâfu y’endaku bavunaga igosi.7Banaderha aka kanwa, erhi: «Arhali maboko gîrhu gabulagaga ogu mukò, n’amasù gîrhu garhabwîne cici.8“Ocikirize olubaga lwâwe lw’Israheli, we Nyamuzinda walulikûzagya, orhanalekaga omukò mwêru-kwêru gwabulagwa omu karhî k’olubaga lwâwe lwa Israheli. Banacingwa oku lwihôlo lw’omukò”.9“Woyo, orhenze omu karhî kâwe okubulaga omukò gw’omuntu mwêru-kwêru, akabà walonza okujira ebishingânîne omu masù ga Nyamuzinda”».Omukazi bagwâsire mpira
10Amango wârhabâlira abanzi bâwe, Nyamubâho, Nyamuzinda wâwe erhi akabà amakuhisabo omu ikumi ly’eminwe, n’erhi okaba wamabagwârha mpira,11erhi wakabona, muli ezo mpira, omukazi w’iranga linjà, okanamurhonya, wanamuyanka abè mukâwe,12onamuhêke omu mwâwe. Akwânîne amômwè emviri zimuli oku irhwe, anatwe enyûnu,13ahogole n’emishangi yâge y’empira, abêre omu mwâwe, mwêzi gwoshi erhi alakira ab’emwâbo, îshe na nnina. Enyuma ly’aho, wanamuyegêra, okole mwe naye nk’ibà, naye abè mukâwe.14Erhi akabà arhacikusimisizi, wanamuleka acîjire aha alonzize, buzira kuderha mpu wamuguza nfaranga: orhakamuyungukirakwo, bulya warhanzirimuyanka.Omwâna w’olubere
15Amango omulume agwêrhe bakazi babirhi, omurhonyi n’omushombekazi, bombi, omurhonyi n’omushombekazi banaburhe akarhabana, erhi olubere lwakanaburhwa n’omushombekazi,16olusiku agabira abagala ebirugu byâge, kukolaga kuyimika, oyo mulume arhayêmêrirwi okuyîmika omwâna w’omukazi murhonyi, ahâli h’olya mugala w’omushombekazi bulya yo na nfula.17Cikwône akwânîne amanye oku olya mugala w’omushombekazi yo na nfula, amuhè bigabi bibirhi by’ebirugu byâge: oyo mwâna ye nakwânîne okubà nfula, bulya yo mburho ntanzi y’omu magala gâge.Entumva
18Erhi omushamuka akabà agwêrhe omwâna w’entumva, cigamba cagambire îshe na nnina, bàmuhânwîre arhanayumva,19îshe na nina w’oyo mwâna banamugwârha bamujane emunda abagula b’olugo bali, aha muhango gwa lulya lugo.20Banabwîra abagula ba lulya lugo, erhi: «Oyu mwâna wîrhu mwabona aha cikola cibà câbi, arhayumva arhanabwîrwa, àlalahire ciru anabà mulalwè».21Ago mango, ab’oku lugo boshi banamubanda amabuye kuhika afè arhengemwo omûka. Kwo kutwa ishârha aha mwâwe. Israheli yêshi àyumva oku bàguderha anayôbohe.Omurhumba gw’owatwîragwa okufà
22Erhi omuntu akabà anajizire ecâha cirya cakarhuma bamutwîra okufà, erhi akanaba nêci bamuyisire bamumanika oku murhi,23orhahîraga okaleka omurhumba gwâge gwalâla oku murhi, ci onamubishe olwo lusiku Lonêne, bulyâla owamanisirwe bukola buhanya bw’emwa Nyamuzinda, orhakanacîshomya mpu wahemula ishwa Nyamubâho, Nyamuzinda akushobôza mpu oliyimemwo.